Arantzako barnetegia: lehen asteko kronika.

LEHEN EGUNA

Kaixo adiskideak!

Hemen gaude Arantzako uda barnetegian euskara ikasteko gogo handiz. Duela sei egun heldu ginen eta uste dugu astean zehar zer egin dugun kontatzeko aldia dela.

Oso egun eguzkitsua izan zen aurreko astelehena. Bidaien ostean, hemen bildu ginen 35 ezezagun helburu berdinarekin, Baina arazo bat zegoen… oraindik ez genuen elkar ezagutzen. Horregatik, irakasleek prestatuta zeukaten zenbait joko. Jokoan dibertigarriak izan ziren, barre artean lortu genuen guztion izenak ezagutzea, baita gogoratzea ere. Gero, aterpean egitekoekin laguntzeko egin genituen taldea: tximeletak, koalak, gameluak eta satorrak.

Ordu bata eta erdiak aldera bazkaldu genuen. Janaria bikaina izan zen, sukaldari oso trebeak baititugu.

Arratsaldean izan genuen aktibitatea ez zen hain erakargarria izan. Klaseak hasi ziren! Eta horiekin batera, ikasleon desegonkortasuna. Lau taldetan banatu ginen eta diagnostiko frogak izan ziren lehen eguneko eginbeharrak. Dena den, ez dira klaseak bakarrik izango! Tailerra ere egin genuen, Arantza eta herritarrak ezagutzeko. Argazki batzuk egin behar izan genituen herriaren txoko berezienetan.

Egun osoan galdutako energiak berreskuratzeko afaria behar genuen, eta bazirudien sukaldariek bazekitela, jarritako afaria potentea izan baitzen.

Sabelak beteta izanda, gure arteko ezagutze prozesuari ekin genion. batzuek, herriko plaza eta herritarrak ezagutzen jarraitu zuten, izan ere, herriko festak hasi berri ziren. Besteak, aterpeko tabernan geratu ginen mingaina astintzen. Egia esan, aterpeko tabernan oso giro polita sortu da.

Egun neketsua izan arren, argi zegoen hurrengo egunak gure onerako izango zirela eta euskaraz bizitzen ikasiko genuela guztion arte.

Hurrengora arte,

Janire eta Oskia

h

BORTZIRIAK EZAGUTZEN

IMG-20170819-WA0014                                                   IMG-20170819-WA0008                                                  IMG-20170819-WA0015

bty

bty

Arantza, 2017ko abuztuaren 15a (BIGARREN EGUNA)
Eguna argitu du. Gure lehenengo gaua aterpean pasa dugu eta orain logelak kideak hobeto ezagutzen ditugu. Gosaldu ostean norbera bere klasera joan da, ebaluaketak jarraitzera. Konturatu garenerako tailer ordua iritsi da.
Gaurko tailerra bortziriak ezagutzea da. Ezagutzen es duzuenentzat, bortziriak hemengo bost herriak dira: Arantza, Bera, Lesaka, Igantzi eta Etxalar. Barnetegiko kide guztiak elkartu eta taldeka banatu gara bortziriak ezagutzeko. Lagunekin, informazioa bildu dugu eta gure helburua bihar beste lagunei gaur ikasitakoa helaraztea da.
Bihar heltzeko irrikitan  gaude bortzirien berezitasunen gainean egoteko.

HIRUGARREN EGUNA

Egunero bezala gosari dexente hartu eta gero abiatu ginen klasera. Klasean gogor aritu ginen, baina orduak di-da batean pasatu ziren. Bazkaldu ondoren ekintzaz beteta arratsalde bat izan genuen: batzuk joan ziren korrika egitera, beste batzuk ordea, herriko plazara.

Gaueko hamarretan aterpean elkartu ginen Bortzirietako herrien aurkezpenak egiteko. Era guztietako azalpenak izan ziren: bideo baten bidez, antzezlanaren baten bidez… Eta eguna ondo bukatzeko: JAIA!!!!! Bi arrazoi genituen ospatzeko: Arantzako jaiak eta Andimaren urtebetetzea. Lehenengo momentuan lasai bageunden ere, alkohola lagun animatu ginen eta dantzatzeari ekin genion, batzuk ia-ia egunsentia ikusi arte.

 

 

2016_0812_14213000-01

 

 

 

LAUGARREN EGUNA

Asteazkenean, hainbat ikasle ordu txikietan heldu ziren aterpera, izan ere, Arantzako jaiak ziren. Hala ere, guztiok joan ginen txangora. AEKako ikasleak horrelakoak gara, ikasi eta parranda ere egiten dugu.

Ostegun goizaldean, kotxeak hartu genituen eta Zugarramurdira joan ginen. Herrira ailegatutakoan, Zorginen Museoa bisitatu genuen.  Han Nafarroan egondako sorginen ehizari buruzko hainbat kontu ikasi genituen. Gero, bisita amaitutakoan, Zugarramurdiko sona handiko lezeetara joan ginen. Han naturarekin bat egin genuen, kobazuloak baso barrenean kokatzen dira-eta.

Zugarramurdin geundela aprobetxatuz, Lapurdira joan ginen, hain zuzen, Senperera. Jendetza zegoen lakuan, hala ere, leku bat aurkitu genuen itzalpean bokatak jateko. Txoko hori aurkitzeko biziki lagundu zuen senperetar bat gure taldean izatea.

Bazkalondoan bainatu  eta eguzkitan etzan ginen. Hainbat ikaskide lo kuluxka bat hartu zuten, bestondoaren sendagarri gisa. Ilunabarrenean Arantzara bueltatu ginen. Dutxa bat hartu  eta afaldu ere egin genuen. Afariaren ostean, beste gau hasi zen baina hori lasaiagoa izan omen zen.

 

BOSTGARREN EGUNA

Ukimena, dastamena, gozotasuna…hori izan zen Aitziberrek bere arratsaldeko tailerrean eskaini ziguna. Hantxe barnetegiko lagunen arteko harremanak sustatu ziren, eta zer esanik ere ez dago teknikei buruz, asko lagundu gintuen hurrengo gauerako. “Ikaragarria zara”, “maite maite egingo nizuke” edota “Plazerez leher egin nahi dut zure ondoan” izango dira gure ligatzeko tresna, behintzat Arantzan bertan.

Hasiera batean, lotsa eta deserosotasuna ziren garaile, baina pixkanaka pixkanaka giroa berotzen hasi zen Aitziberrek bultzatuta. Gero eta erosoagoa sentitu ginen tailerrean jendearekin. Benetan lagungarria izan zitzaigun taldearen harremanak sendotu eta hemendik aurrera gozamenez biziko dugu gure elkarren artekoa. Bai egun berezia izan genuena!



AGUR Arantza! Heldu den udan hemen izango gara berriro

Ipuin kontaketa saio ederra Dorleta Kortazarri esker

 

IMG_6804

Azken dantzak joan baino lehen: Eskerrik asko, Joseba!

2017-08-12-PHOTO-00000344

 



Euripean gozatzen Pasaian

Gaur, abuztuak 9, antolatuta zegoen bigarren txangoa egin dugu. Euria gorabehera, primeran pasatu dugu lehen Pasai-San Pedroko Albaola museoan, non ikusi dugun nola egiten zituzten baleontziak gure arbasoek eta, Euskal Herriaren historiaren zati garrantzitsu bat ikasi dugu. Oso interesgarria iruditu zaigu.

IMG_3448

IMG_3449

Gero, beste aldera joan gara, Pasai Donibanera, alegia, eta lasai asko jan dugu eta baita pote batzuk hartu ere.

IMG_3482

Bazkaldu ostean, gure ikaskide Ametsi esker lortu dugu San Pedro arraun taldearen instalazioak ikustea. Horretaz aparte, klase praktiko txiki bat eman digute eta batzuek arraun egin dugu.

IMG_3475

 

 



Arantzan bertsotan

Gaurko honetan gozatu dugu

bertsoez eta lagunez.

Tailerra eta bertsosaioa

irrifarrez-irrrifarre.

Eskolan gau ikasitakoa

Ez da izango debalde.

Eskerrik asko, bihotz-bihotzez

Eneko,Julen ta Alazne.

IMG-20170808-WA0018

 



Hildakoek ere dantzan egiten dute

Hiltzaile jolasa hasi dugu asteburu luzea izan eta gero. Larunbatean Lurra taldearen kontzertuaz disfrutatu baino lehen YOGA HATHA sesio gogorra izan genuen Ametsi esker, Mila esker, Amets!

2017-08-05-PHOTO-00000151

 

IMG_6750

 

Afaldutakoan legezko parranda egin genuen, noski. Igandean lehen asteko balorazio ezin hobea egin ostean arratsalde librea izan genuen. Batzuk Mendaurrera igo ziren, beste batzuk Putzu beltzera joan ziren eta beste hainbat tabernaz taberna ibili ziren…

2017-08-07-PHOTO-00000195

2017-08-06-PHOTO-00000161

Bigarren astea hasi dugu, baina Arantzan ere astelehenak astelehen dira, bihar gehiago eta hobeto.

Ah! Eskerrik asko, Maitane eta Oihaneri Arantzako Zortzikoa hain ongi erakusteagatik!

2017-08-07-PHOTO-00000191

 

 



Euskal dantzak Zeledonen jaitsiera ospatzeko

Gaurko saioak euskal dantzak ikasten aritu gara. Gure ikaskide maitia Alexandrak ordubeteko eskola bat eman digu, eskerrik asko! Egitarauaren barruan 3 dantza mota egon dira: zazpi-jauzi, polka eta txapeloiz. Hortaz aparte, Zeledonen jaitsiera ospatu egin dugu, hona hemen grabatutako irudiak eta bideoak. Adi egon gure Zeledoni, kristoren pertsonaia da eta!

IMG_3363

IMG_3364

IMG_3366

 



Mendiederrera igoera eta Zugarramurdira bisita

Gaurko egunean ez dugu eskolarik izan. Apunteak alde batera utzi eta mendiko zapatak eta motxila jarri ditugu gainean. Batzuk Mendiederrera abiatu dira eta besteek Zugarramurdiko kobazuloa ezagutzera joan dira.

Goizeko bederatzietan lehengo taldea hasiera eman dio ibilbideari, horretarako ezinbestekoa izan da Xabiren laguntza.

IMG-20170803-WA0055

Eguraldiak lagundu ditu gailurreraino. Igoera gogorra eta aldapatsua izan bada ere ikasle guztiek aurpegietan agerikoa zuten tontorra egitearen poza.

IMG-20170803-WA0043

Indarrak hartzeko Arantzako aterpeak eginiko bokatak bordan jan dituzte, ardoa eta sagardoarekin . Bazkal ostean mus txapelketa ere egon da.

IMG-20170803-WA0062

Ibilbideari amaiera emateko Putzubeltz ur-jauzian bainua hartu dute.

IMG-20170803-WA0045

Beste taldea  bederatzitan Zugarramurdira joan dira kobazuloak ikustera.

IMG-20170803-WA0068

Gero Arizkunera joan dira herrira ezagutzera.

Elizondon bazkaldu  dute bokata bat eta txokolate lokala dastatzeko aukera ere izan dute.

 

IMG-20170803-WA0060

 

 



Arantzan zer? Uskaraz leher!

Hirugarren egunera heldu garelarik, Arantzako uskaraz gauzak erraten ahal dugu bertako Amaiari esker

Honat tailerraren irudia:

20170802_191056

Honat solasteko ikasi dittugun hitz batzuk:

PATXARANA: patxarana. (Mundu osoan ezagun den pattarra, eta post honetarako aitzakia eman diguna)

HORMA: izotza, jela, leia

OSTATU: Taberna (patxarana hormekin paratzen duten lekua… “Patu patxaran bat hormekin, faborez!”)

AUNITZ: asko (“Esker aunitz!” erran zerbitzariari patxarana patu ondoren)

HAGITZ: oso, sobera, sano… (“Hagitz ona dago patxarana!”)

BERTZE BAT: beste bat

GEHIGO: gehiago (“bertze bat gehigo, faborez”)

BESTA: festa, jaia, parranda… (“Hau patxaran-besta hau!”)

KARRIKA: Kalea… (“Larreta karrikan dittugu bai besta, bai ostatua eta bai ohatzea. Hori zortea gurea!”)

OHATZE: Ohea (“enegarren patxaranaren ondoren OHATZERA joanen naiz”)

BESTONDO: Ajea, biharamuna… (“normala…hainbertze patxaran edanda…”)

GUTIGOITIBEHEITI: gutxi-gorabehera (“Hauek dira guti-goiti-beheiti gogoan dittugun hitzak; hainbertze edan ez bagenu…!”)

PATXARANA: Batzuek edaten duten pattarra. Guk ez, gero! kasten ari baikara!

BERTZE BAT?

 

 

 

 

 

 



Tipi-tapa tipi-tapa San Juan Xarrera

Egun osoa Arantzako eskolan lan eta lan aritu ondoren, tipi-tapa tipi-tapa San Juan Xarrera abiatu gara. Batzuk oinez, alferragoak autoz eta lau zoro korrika (nor afaltzera lehenago iritsiko).



Arantza eta lesaka

IMG-20170724-WA0002 IMG-20170724-WA0007 IMG-20170724-WA0010 IMG-20170724-WA0017