Bigarren egunerako, gure elkarbizitza bultzatzeko, Hi, selfie jolasa, telebistako saioan oinarritutakoa, proposatu ziguten. Horretarako taldeka, bai nagusiak bai umeak, banatu gintuzten. Taldeak antolatutakoan, bakoitzak erabaki zituen izena, mozorroa eta gudarako oihua.

Zertan datza jolasa? Whatsappen bidez, antolatzaileek talde bakoitzari argazki bat bidaltzen diote. Herritarrei galdezka, irudian agertzen den ekintza edota kokapena antzeztu behar da eta selfie bat egin.

Irakasleek epaile moduan jokatu zuten eta baieztapena eman zieten argazkiei. Nahiz eta zorrotzak izan, primeran pasa genuen! Foruko txoko eta bazterrak ezagutu genituen; eta, ospatzeko, pote bat hartu genuen denok elkarrekin. TOPA!

Gaztelugatxe ikusi ondoren, Mundakara abiatu ginen. Aparkalekua bilatzea ez zen batere erraza izan, baina azkenean lortu genuen.
Portuaren ondoan dagoen parke eder batean, Atalaia izena duena, elkartu ginen. Han bertan eramandako janariak denok elkarrekin dastatu genituen, izugarrizko itzaletan eserita. Ummmm ze goxoa zegoen tortilla Arrate!!!! Bazkaldu ondoren bi neska desagertu ziren. Eider! Elena! non zaudete??? Bagoaz, atera portutik!!!
Digestioa egin barik, txalupa batean Laida hondartzara joan ginen gure SAGARREKIN.
Hondartzan, denok batera, arratsalde mundiala pasa genuen: batzuk uretan, beste batzuk hondarretan jolasten, eta norbait bainu hartu ondoren musikaz gozatzen harrapatu genuen… eh Jon???
Askaltzeko orduan, neskatxo bat ez zegoela konturatu ginen… Lasai Zazu!
Baina Ilargi han zegoen poz-pozik dantzatzen ur ertzean BIZI POZA!!! eta gu, ordea, hiltzear geunden.
Herriak, itzultzeko ordua erabaki zuen, baina Jonek, hamaika aldiz deitu arren, txalupekoek nahi zutena egin zuten. Agian Jonek, ez zien ongi azaldu gaztelaniaz hitz egiteagatik kar, kar, kar…
Txikiak lur jota geratu ziren autoetan itzultzean, baina aterpean, berriz, esnatu ziren eta kriston afaria eduki genuen. Gu, zur eta lur!
Mila esker egunagatik!!!

Eguna apustu batekin hasi da: ea zenbat eskailera dauden Gaztelugatxera igotzeko. Tramankuluak hartu ditugu eta ur asko, eguraldi ona egin du eta.
Eneperi jatetxean elkartu gara eta handik txangoa hasi dugu. Bidea gogorra izan da beroagatik, baina azkenean gure helburua lortu dugu eta baselizara heldu gara. Handik bista izugarriak gozatu ditugu eta arnasa hartu dugu.
Amaieran, pote batzuk hartu ditugu ospatzeko. Goiz ederra pasatu dugu eta merezi izan du.

Adunako familia barnetegiak aurrera darrai. Gaur goizean gogotik egindugu lan. Idazlan eta guzti. Arratsaldean, ordea, zientzia-museora joangara. Eguraldi txarrari aurre egiteko modu paregabea. Museoan 3 ordu luze igari ditugu. Izan ere, haur zein helduentzat zinez interesgarria da. Itsas-zaldiak  , fisikaren sekretuak eta krokodilo txiki bat besteak beste. Gainera, bisitari bukaera emateko Planetarium-ean sartu gara eta Polaris filma ikusi dugu. Hartz zuri eta pinguino baten abenturak era barregarrian kontatu diguna. Orain, leher eginda gaude denak baina geratzen zaizkigun hiruzpalau egunak zukutzeko asmoz gabiltza. 

Adunako familia-barnetegiko ikasle, irakasle eta begiraleek txangoa egin genuen atzo. Oindi menditik Gipuzkoako paisaia ederrez gozatzeko aukera izan genuen. Itsasoa ez ezik, Gipuzkoako beste hainbat tontor ere bistaratu

genituen. Zerua lainotua egonagatik, ikuspegi ederra izan genuen.

Mendian gora haritza edota Aldapan gora abestien laguntzaz igo genuen azken malda gogorra. Lehenago, zaldiak ikusteko eta loreak biltzeko parada ere ederki baliatu genuen. Eta, nola ez, jaitsitakoan Besabi jatetxean atsedenaldia, ogitarteko gozoa eta sagardo botila!

Bihar eskolan egurra emango digutela esan digute irakasleek,                  baino ez dut uste hainbesterako izango denik.

Izango duzue gure berri.

Barnetegian aspertzeko astirik dugula pentsatzen baduzue, oker zabiltzate. Klasean ematen dugu eguna nagusiok, txikiek ekintza egiten dituzten bitartean: errekan harriak eta landareak bildu, jolastu, gurasoentzako opariak prestatu…

Asteazkenean gainera, txangoa egin genuen elkarrekin. Goizean Zugarramurdiko sorginei bisita egin genien. Lezeak bisitatu ondoren frontoira abiatu eta han, bokata ederrak bazkaldu genituen. Graxianari bisitatxoa egin (izozkia behar genuen ta….) eta batzuk sorginen museoa bisitatu genuen, benetan interesgarria.

Baina ez zen hori dena izan. Autoa hartu eta Senpereko lakura joan ginen, uretan gozatzera. Honen ondoren bai, honen ondoren, etxera.

Asteburua datorrenez, zeozer izango dugu astelehenean kontatzeko, lasai egon.

Ah! Eta gaur Beñat irakaslea etxera joan zaigunez pixkat triste geratu gara…. Mila esker Beñat! Opor ederrak izan!!

Hemen dituzue argazkitxo batzuk:

Iritsi da eguna! Egun historikoa, gainera!!! Familia-barnetegia lehenengo aldiz Arantza herri maitatuan egingo dugu.

Lehenengo egunak badakizue nolakoak diren: beldurra, lotsa, maletak, logela aukeratu, guztion izenak ikasi… Hori dena eta gehiago egiten ibili gara.

10:00ak aldera iritsi dira lehenengo familiak (baten bat goizegi agertu da ere eh?). Guztiak elkartu garenean logelak banatu ditugu eta elkarbizitzarako bileratxoa egin dugu. Izenak eta gure helburuak elkarbanatu ditugu eta ostean Garazi eta Mikel begiraleek eta Iban, Beñat eta Aintzane irakasleek barnetegiaren funtzionamenduaren berri eman digute.

Gurasoak eskolara bidali eta umeak jolasean aritu dira. Makarroi goxo-goxoak bazkaldu ondoren (aupa aterpeko sukaldariak!) gurasoak klasera itzuli dira. Arratsaldean ginkana egin dugu herria ezagutzeko (selfie eta guzti, baina beste egun batean erakutsiko dizkizuegu).

Ta gauean goiz lotara, bigarren eguna gogotsu hartzeko. Hurrengo egunetan gauza gehiago kontatuko dizkizuegu!!

Ondo ibili eta aupa familia-barnetegia!!!