Hizkuntza-ohitura berriak sortzeko tailerra da. Xede du baliabideak eta erraztasunak ematea, euskara gehiago erabiltzeko. Lantegia modu dibertigarrian bideratzen dugu, parte-hartzaileen interesetara egokiturik eta unean uneko helburu lorgarriei eutsita.

Metodologia horren baitan, hizkuntza ohitura berriak sortzeko lanketa egiten dugu gazteekin, hizkuntzekiko jarrerak lantzen ditugu, euskara eta beste hizkuntzekiko jarrerak, eraldaketa sustatzeko erremintak ematen dizkiegu eta haien hizkuntza-lidergoa indartzen laguntzen dugu. Gazteei erakusten diegu euskara leku gehiagotan erabil dezaketela, beraiek ere aukeratu dezaketela, eta horrek eragin positiboa daukala bestearengan, hau da, besteari ere erabiltzeko aukera edota ikasteko aukera ematen diogula.

Xede taldeak:

• Hezkuntzan: DBH 3. eta 4.mailako ikasleak, LH ikasleak eta irakasleak.
• Kirolean eta aisialdian: hezitzaileak, entrenatzaileak, begiraleak...
• Administrazio publikoan eta enpresa pribatuan: langileak, arduradunak, zuzendariak...
• Neurrira eginda*: gurasoak, eskola-jantokietako zaintzaileak...

(3-6 saio, ordu bat-hiru ordu)*

Ikusi bideoa

*saio kopurua eta saio luzera eskaeraren arabera egokituko da.

Euskarari, gaztelaniari eta beste hizkuntza batzuei buruz sekula kontatu ez dizuetena. Hitzaldi interesgarria, jendartean errotutako hainbat ideiari buruzko hausnarketa atsegin eta kritikoa egiteko.

Praktika ere egiten dugu, euskara eroso eta natural erabiltzeko tresnak eta estrategiak ezagutu eta eskuratu ditzazuen. Teoria eta praktika lotuta, modu dibertigarrian.

(saio bakarra, bi ordu)*

*saio kopurua eta saio luzera eskaeraren arabera egokituko da.

Tailer dinamiko, atsegin eta parte-hartzailea da, euskAHALdun oso eta eroso sentitzeko aukerak eta bideak lantzeko.

Inguruko jendea aktibatu nahi duten euskaldunentzat. Bertan, baliabideak eskuratzen dituzte, euskara erabiltzeko aukerak identifikatu eta berriak sortzeko.

Talde-dinamikak eta rol-jokoak erabiltzen ditugu, tokian tokiko errealitatera egokituak.

(saio bakarra, lau ordu)*

*saio kopurua eta saio luzera eskaeraren arabera egokituko da.