AEK-k barnetegi eta ikastaro eskaintza zabala dauka prest, euskara ikasi bitartean udako plazer txikiak goza ditzazuen. Hona hemen uztaileko eskaintza:
Barnetegietan egun osoan euskaraz bizitzeko modu zoragarria eta udan euskara ikasteko modurik atseginena denez, askotariko barnetegiak antolatu ditu AEK-k Ipar zein Hego Euskal Herrian.
- Euskalduntze barnetegiak: uztailaren 2tik 15era (Forua) eta uztailaren 16tik 29ra (Arantzan) eta uztailaren 16tik 27ra eta uztailaren 16tik agorrilaren 10era (Urepelen) izango dira.
- Familia barnetegiak: uztailaren 2tik 13ra (Arantza) eta uztailaren 16tik 27ra, mailaren arabera (B1, B2 eta C1) Adunan edo Foruan emango dira eskolak.
- Xiberera ikastaroa: uztailaren 30etik abuztuaren 4ra.
Bestalde, mintzamena lantzeko barnetegi ibiltarietan parte har dezakete ikasleek. Oinez zein bizikletaz, uztailaren 16tik 30era. Bizikletazkoa, Debatik Etxarri-Aranatzera eta oinezkoa, Hondarribitik Izabara.
AEK-k euskaltegietan euskalduntzeko, azterketak prestatzeko zein mintzamena lantzeko 3, 4 edo 5 orduko ikastaro trinkoak ere eskainiko ditu. Baita on line ikastaroak ere.
AEKren UDAKO ESKAINTZA bere osotasunean (abuztua eta iraila ere bai) ikusteko egin klik HEMEN.
AEKn, UDAKO PLAZER TXIKIAK!
AIZU! aldizkariaren ale berria euskaltegian jasoko dute dohainik AEK-ko ikasle guztiek lehen eskola egunean. Harpidedunek ere jasoko dute etxean.
Ohi bezala, askotariko gaiak jorratu dituzte: Maite...
Euskal Herri osoan, zabalik dago izena emateko epea mintzalagun, berbalagun, mintzakide edota gurasolagun taldeetan sartzeko.
Denetarik dago aukeran: astean behin tabernan elkartu gustura eta lasai...
AEKren baitako zerbitzuetako bat da eta, duela hainbat hamarkadetatik, lan hauetan dihardu: itzulpen idatziak (gaztelania-euskera/ euskera-gaztelania) eta euskarazko testuen zuzenketa.
