Dagoeneko, ez duzu, “on-line ala aurrez aurre?” galdetu beharko. Esparru bakoitzeko abantailak ikastaro bakarrean bildu ditugu ikastaro konbinatuan. Euskara ikasteko prozesua ahalik eta eraginkorren egiteko, teknologiek ematen dizkiguten baliabideak aurrez aurrekoaren giza berotasunarekin uztartu ditugu Uribe Kostako AEK euskaltegietan. Izan ere, C1 - 3.maila- prestatzeko ikastaro konbinatua eskainiko dugu martxoaren 3tik ekainaren 27ra.

Ikasleak hamabost egunerik behin programazioa (ariketak, atazak, ikas materialak...) jasoko du -ikastaroaren ardatza- eta bertan helaraziko zaizkio ikasleari, burutu beharreko ibilbidea, helburuak eta ebaluaziorako tresnak. Ikasleak programazio bakoitza burutzeko astean 4,5 ordu on-line beharko ditu eta aurrez aurreko saioetan 2 ordu. Saiook Getxoko Lauaxeta euskaltegian egingo dira.

Ikastaroaren prezioa: 400€. Eman izena otsailaren 28a baino lehen!

Informazio gehiago/ izen-emateak:

Informazio osagarria:

Programazioarekin batera, beste hainbat baliabide edukiko ditu eskura ikasleak: tutoretza saioak aldiro, bere beharrei lotutako osagarriak, bere kabuz aritzeko baliabide-bilduma, ikaskideekin zein tutorearekin komunikatzeko tresnak, portfolioak.

Alor teknikoari dagokionez, ez da beharko aparteko mailarik, aski izango da IKTen oinarrizko erabilpena (testu dokumentuak sortu eta editatu, posta elektronikoa kudeatu, web-orrietan nabigatu). Gainera, ikasleek artapen tekniko jarraitua izango dute ikastaro guztian zehar.