Monthly Archives: April 2016

2016ko 1.deialdiko proben egutegiak zehaztu ditugu

2016ko HABEren 1. deialdirako proben egutegiak dagoeneko zehaztuta dauzka Uribe Kostako AEK-k.

B2 edo C1 mailen irakurmen eta entzumen probak egin behar badituzue, behin zuen txanda aukeratuta, Uribe Kostako edozein AEK euskaltegirekin kontaktuan jarri eta horren berri eman.b2c1 entz ir antolaketa b1 antolaketa

 

Leioan apirilaren 16an Euskaraz Egun Osoz!

kartel orokorraLeioako Egun On dinamikak horixe bera esan zigun abenduaren 3an txapa bat jantziz eta oraingo honetan Egun Osoz esan nahi digute Leioan eremu guztietan euskaraz bizi daitekeela erakutsiz.

Horretarako gure egunerokotasunaren eremu ezberdinetan euskaraz bizitzeko aukera emango digute apirilaren 16an Ikeabarri plazan eta J.M. Barandiaran institutuan burutuko diren ekintzen bitartez. Goizeko 11:30etik abiatuta egun osoko egitaraua prestatu digute dinamikaren lagunek: euskara eskolak, kirolaren arlo ezberdinak (zumba, pilota …), jolasak, dantzak …

Baina, duda barik, eguneko ekitaldi nagusia abenduaren 3an aurkeztu ziguten Konpromiso Liburuak beteko du. Leioako hainbat taldek (kultura, kirola, aisia, elkarteak, klubak, batzordeak …) euskararekiko hartuko duten konpromisoa jakinaraziko digute eta liburuan idatziko dute. Hori 13:30ean izango da Ikeabarri plazan egongo den kioskoan.

bazkaria

 

Eta egun osoko egitarauari aurre egin ahal izateko paella erraldoia eskainiko digute J.M.barandiaran institutuko patioan 15.00etatik aurrera.

Beraz, ederra da apirilaren 16rako ematen diguten euskaraz eta euskara gozatzeko aukera. APROBETXATU eta HURBILDU!