Orrialde hau inprimatu

Igandean, AEK-k 80 ekitaldi baino gehiago egingo ditu, aurten ere euskararen lekukoa, euskaltegien aldeko bultzada, kalean egon dadin

Elementu hau baloratu
(0 boto)
Print Friendly, PDF & Email

Euskal Herriko herrialde guztietan izango dira, eguerdiko 12etan, ekitaldi xumeak, ordu erdikoak, unean uneko osasun-neurrietara zeharo egokituak eta esan bezala, igandean (martxoaren 28an. Ikusi zerrenda HEMEN.

Bultza euskaltegiak! Bultza euskara! izeneko dinamikaren barruan antolatu diren ekitaldiak dira, aurten ere euskalduntze-mugimenduaren garrantzia plazaratzeko.

AEKren mezua irakurtzeaz gain, giroa berotzeko, bi abesti entzungo dira herri guztietan. Batetik, “Euskal Herrian Euskaraz” abesti ezaguna, eta, bestetik, berariaz egun horretarako sortu den “Lekukoa mingaina” bertso-rapa. Bestalde, herriaren arabera, bestelako ekintzak izango dira: bertsolariak, musikariak...ariko dira, besteak beste.

Bultza euskaltegiak! Bultza euskara! Egizu ekarpena kanpainak ere zabalik segitzen du. KORRIKA atzeratzeak zuloa eragin du AEKren aurrekontuan, eta zorpetze horri aurre egiteko herritarren sostengua jaso nahi da. Ekarpenak hemen egin daitezke, hainbat eratan.

Azkenik, mota guztietako eragileekiko lan-ildo komun bat ere jorratzen ari gara. Gobernuek eta herritarrek jokatzen duten rolaz gain, eragileek ere paper garrantzitsua dutelako helduen-euskalduntzean. Era berean, apirilaren amaieran, Bultza euskaltegiak! dinamikaren barruan, gutun bat helaraziko diegu Euskal Herriko administrazio nagusiei, datozen urteetan euskalduntze-mugimenduak nolako baldintzak izan behar dituen jasota.

Irakurri 2525 aldiz Azken aldaketak Ostirala, 26 March 2021 11:57
Asteartea, 23 March 2021 09:12