BEKAK - DIRULAGUNTZAK
AEKn, azpimarratu nahi dugu Euskal Herri osoan erakunde askok (udalek, aldundiek, mankomunitateek, administrazio nagusiek..) dirulaguntzak ematen dituztela euskara ikasteko; hori dela eta, geure euskaltegietan, dirulaguntzak izapidetzeko informazioa jasoko duzue.
Adi: aintzat hartu behar da dirulaguntza baten tramitazioa onuradunari dagokiola; eta, beraz, norberaren ardura dela urrats guztiak zuzen eta garaiz egitea.
Zein dirulaguntza daude euskara ikasteko?
Eusko Jaurlaritzak (HABE) nahiz Nafarroako Gobernuak dirulaguntzak eskaintzen dituzte urtero; era berean, Arabako Foru Aldundiak ere laguntza-bonoen egitasmoa dauka.
Bestalde, tokian tokiko erakunde askotan ere laguntzak aurki daitezke: mankomunitate nahiz udaletan.
Azkenik, bestelako aukerak ere gogora ekarri nahi ditugu; esaterako:
- Langabeentzako doako euskara-eskolak, Lanbideren bidez.
- Administrazioen hainbat sailetako hitzarmenak.
- Enpresa ugarik euren langileei ematen dizkieten laguntzak.
- ENPRESAK hobaria jasotzeko aukera, FUNDAEren bitartez.
Informazio gehiago behar baduzu, galdetu zure irakasleari edo bete galdetegia (orrialdearen bukaeran)!
Adi, 16-18 urteko gazte!
Eusko Jaurlaritzaren dirulaguntzen barruan, 16-18 urte bitartekoen dirulaguntza-lerroa, C1 maila prestatzeko.
Dirulaguntza horiek eskuratu ahal izateko, honako baldintza hauek bete behar dira:
- Euskaltegi edo euskararen autoikaskuntzarako zentro homologatu batean matrikulatuta egon izana 2024ko ekainaren 1etik 2025eko irailaren 30era bitarteko epealdian.
- Ikasleak berak ordaindu izana euskaltegiari/zentroari ikasketa horiei dagozkien matrikulak.
- Euskaltegiko edo autoikaskuntzarako zentro homologatuetako ebaluazioan HABEren mailaren bat gainditu izana, edo HABEren egiaztatze-deialdietan egiaztatu izana, edo gainditutako maila zein egiaztagiri horien baliokidea den titulua edo ziurtagiria lortu izana.
- Ikasleak gutxienez 50 ikastordu hartuak eduki beharko ditu edo/eta 30 ordu udako ikastaroetan.
- Ikasleak honako bertaratze hau izan beharko du matrikulatuta egon den ikastaroan:
a) Aurrez aurreko ikastaroak: emandako ikastorduen % 75 hartuak izan beharko ditu.
b) Autoikaskuntza: ordu teorikoen % 75 betetzeaz gain, mintza-saioetan izandako asistentzia-orduekin gutxienez matrikulatu deneko ikastaroaren ordu teoriko guztien % 7,5era iritsi beharko du.
Gainditu edo egiaztatu den maila bakoitzeko, ikasleak 2023-2024 eta 2024-2025 ikasturteetan matrikuletan ordaindutako kopurua eskura dezake, gehieneko muga hauekin gainditu edo egiaztatutako maila bakoitzeko:
– HABEren A1 maila: 600 euro.
– HABEren A2 maila: 800 euro.
– HABEren B1 maila edo baliokidea: 900 euro.
– HABEren B2 maila edo baliokidea: 1.000 euro.
– HABEren C1 maila edo baliokidea, 1995ean edo ondoren jaio diren ikasleentzat: 700 euro.
– HABEren C1 maila edo baliokidea, 1994an edo aurretik jaio diren ikasleentzat: 150 euro.
– HABEren C2 maila edo baliokidea: 100 euro.
Eskaerak egiteko epeak:
– Lehen txanda: abuztuaren 4an amaituko da.
– Bigarren txanda: 2025eko irailaren 1ean irekiko da, eta azaroaren 3an amaituko da.
Arabako Foru Aldundia
Arabako Foru Aldundiak 135 eta 330 € arteko laguntzak eskaintzen ditu euskaltegietan matrikulatuz gero; 18tik gorako arabarren euskalduntzea bultzatzeko deialdia zabaldu da lurraldean, A2, B1 eta B2 mailetan hurrengo ikasturtean matrikulatuz gero.
Matrikulazio-prezioan doiketa izango du:
- 135 eurokoa, baldin eta 248tik 400 ordu bitarteko modulua egiten badu;
- 180 eurokoa, 401 eta 600 ordu bitartean; eta
- 330 eurokoa, ikastaroa 601 ordutik gorakoa bada.
- Autoikaskuntzan ere dirulaguntza dago, 190 orduko edo goragoko moduluetan: 135 €.
2025eko irailaren 30ean amaituko da eskaerak egiteko epea.
Informazioa hemen
25-26 ikasturterako Euskarabidearen dirulaguntza-deialdia
Euskara ikasi nahi duten 16 urtez goitiko herritarrentzat, baldin eta Nafarroan erroldatuta badaude deialdia argitaratzen den egunean.
Ikastaro motak: estentsiboak, trinkoak, barnetegiak, autoikaskuntza tutorizatua eta berariazko ikastaroak.
Dirulaguntza horiek bi modalitatetan banatuko dira, ikastaroaren hasiera eta bukaera kontuan hartuta:
A modalitatea: laguntzak emanen dira 2025eko urtarrilaren 1etik abuztuaren 31ra bitarte hasten diren ikastaroetarako. Ikastaroak, edonola ere, amaituta egon beharko dira 2025eko irailaren 30ean.
Eskaerak aurkezteko epea: 2025/06/15 – 2025/08/31
B modalitatea: laguntzak emanen dira 2025eko irailaren 1etik abenduaren 31ra bitarte hasten diren ikastaroetarako. Ikastaroak, edonola ere, amaituta egon beharko dira 2026eko ekainaren 30ean.
Eskaerak aurkezteko epea: 2025/09/01 – 2025/10/31
Konpromisoak:
-
Ikasleak gutxienez ikastaroaren % 80ko bertaratzea eduki behar du laguntza jasotzeko.
-
Ikasleak dirulaguntza osoa ala zati bat itzuli beharko du beste diru-laguntzaren bat jasotzen duenean gainfinatziatzioa gertatzen bada, ala datuak faltsutuz lortu badu.
Hauek dira emanen diren dirulaguntzen kopuruak:
Ikastaro estentsiboen, trinkoen eta barnetegien laguntza moduluak:
10 eta 80 ordu bitartekoak: 125 eurora arte
81 eta 200 ordu bitartekoak: 250 eurora arte
201 eta 270 ordu bitartekoak: 350 eurora arte
271 eta 400 ordu bitartekoak: 475 eurora arte
Autoikaskuntzako ikastaroen laguntza moduluak:
40 eta 100 ordu bitartekoak: 125 eurora arte
101 eta 190 ordu bitartekoak: 250 eurora arte
191 eta 400 ordu bitartekoak: 350 eurora arte
Berariazko ikastaroen laguntza moduluak (C2, ikastaro espezializatuak edota kolektibo zehatzeei zuzendutakoak)
40 eta 100 ordu bitartekoak: 250 eurora arte
101 eta 200 ordu bitartekoak: 350 eurora arte
201 eta 400 ordu bitartekoak: 475 eurora arte
A1 mailako ikasleentzako laguntzak matrikularen % 100erainokoak izan daitezke, gehieneko zenbatekoak hauek direla: 815 euro aurrez aurreko ikastaroetarako eta 1.465 euro autoikaskuntzako ikastaroetarako.
Informazio gehiago, hemen.
Lotura honetan ere informazio gehiago topatuko duzue: dirulaguntzak ematen dituzten Mankomunitateen zerrenda eta harremanetarako bideak.
Udalak
Hainbat udalek dirulaguntzak eskaintzen dituzte euskara ikasteagatik. Eskuratu informazioa hurbilen duzun euskaltegian
Hegoaldeko hiriburuetako dirulaguntzak:
Bilbon erroldatuta bazaude: Bilboko Udalak gurasoentzat, begiraleentzat eta deialdian zehaztutako diru-sarrera berdinak edo txikiagoak eskuratu dituztenentzat eskaintzen ditu dirulaguntzak.
Info: www.bilbao.eus (Egoera pertsonala>Diru-laguntza bila nabil>Ikastetxeentzako sariak).
Errigora bekak
Ager eremuan udalen dirulaguntza ez duten herritar horiei begirakoa da, beti ere Euskarabidearen (Nafarroako Gobernua) diru-laguntza eskuratu duten ikasleei, baita beti ikas-prozesuan %80ko asistentzia bermatzen duten horiei ere.
*Ager eremua delakoa: Zangozaldea, Izarbeibar, Lizarraldea, Lodosaldea, Tafallaldea eta Erribera
Jarri gurekin harremanetan
946 464 000 · 673 200 100
aek@aek.eus