Print Friendly, PDF & Email
10
Jan

Urteko lehen AIZU! kalean!

Ane Pikazari eta Nextor Otañori elkarrizketak; Union Tutera; Ekhilur kooperatiba; 'A Clockwork Orange'-n 50 urteak; 22. Korrikaren abestia... Dagoeneko kioskoetan, eta gaurtik aurrera gure euskaltegietan. Baita aizu.eus webgunean ere.

 

Print Friendly, PDF & Email
14
Déc

Ezagutu doan AIZU! aldizkaria

Gure aldizkaria ezagutu nahi? Bada, ez galdu aukera!

Urtarrileko AIZU! aldizkaria
doan bidaliko dizugu. Sartu aizu.eus webgunean zure datuak eta etxean nahiz e-postan jasoko duzu.
 
Poltsa, salgai!
Durangoko Azokarako eskaintza bereziarekin batera, Patxi Huarte Zaldieroak marrazturiko poltsa salgai jarri dugu, 10 euroan. Erosi hemen.
 
 zaldieroa poltsa
Print Friendly, PDF & Email
13
Déc

Euskararen legearen 35. urteurrena, ekitaldia

Hogeita hamabost urte luze joan dira Nafarroako Parlamentuak. 18/1986 Euskararen Legea onartu zuenetik gaur arte. Inolako logikari erantzuten ez dion legea dela berretsi izan dugu azken hamarkadotan, herritarrei oinarrizko eskubideak bizi diren herriaren arabera aitortzen dizkielako. Are gehiago, nazioarteko esparruetan oraindik ere erabiltzen da lege hori oinarri sendorik gabeko diskriminazioa eragiten duen arauaren adibide gida. 

Zalantzarik ez dugu lege horrek arrasto handia utzi duela euskaraz bizi nahi duen komunitatearen baitan, baina bai eta jendartean oro har ere. Izan ere, lege horren irakurketa murritzek ekarri zuten, esaterako, euskararen beraren ikusgabetzea; edota gaur egun euskaldunak diskriminatzen dituzten erabakiak. 

Hala eta guztiz ere, herri gogo indartsuak behin eta berriz aldarrikatu du justizia, kohesioa eta berdintasuna ardatz izango dituen marko juridikoa behar dela. Aldarrikatu ez ezik, eraiki ere egin du herri gogo indartsu horrek, eta legeak herritarrak diskriminatzen dituen eremuan aurrera eraman izan diren proiektuak dira horren erakusgarri. 

Horrela, egungo irakurketa, bai eta etorkizuneko erronkak ere, zuekin partekatu nahi ditu Euskalgintzaren Kontseiluak legearen urteurrenaren bezperan, abenduaren 14an, asteartearekin, Iruñeko Plazara! gunean (Kale Nagusia, 31) arratsaldeko seietan antolatu duen ekitaldian. Izena emateko HEMEN.
Print Friendly, PDF & Email
09
Déc

AIZU! hizpide Durangoko Azokako mahai-inguruan

Durangoko Azokaren 56. edizioko egitarauaren barruan, AIZU! aldizkariak hainbat lagun batu zituen mahai-inguruan, hizkuntza baten ikas prozesuan irakurketak duen garrantziaz hitz egiteko. AIZU! 40 urte euskara ikasleak hezten eta euskarazko irakurleak hazten lelopean jardun zuten Belen Rufz Aguayo euskara ikasleak, Maider Irurozki Artaxo irakasleak eta Gotzon Hermosilla kazetariak, AIZU!ko koordinatzaile Eñaut Mitxelena moderatzaile zutelarik.

AIZU! aldizkaria euskara ikasteko bidelagun egokia dela argi utzi zuten Irurozkik eta Rufzek. Lehenak azpimarratu zuen oso lagungarria dela irakasleentzat esku artean “material erreala” edukitzea eskolak prestatzerakoan, eta AIZU! bezalako aldizkari bat modu askotan erabil daitekeela, hori baita argitalpen honen beste ezaugarri bat, ariketak eta denbora-pasak dituelako. Rufzek, berriz, aldizkariak egiten duen zubi lana nabarmendu zuen, beste argitalpen batzuetara jotzeko beldurra kentzen laguntzen duelako: “Hau ulertzen badut, agian beste batzuk ere ulertuko ditudala pentsatuta, proba egiten duzu”.

Bestalde, hirurek baieztatu zuten AEKren aldizkariak euskal kultura ezagutzera emateko ere balio duela, “erreferentzia euskaldunak ematen dizkiolako irakurleari”. Halere, Hermosillak gaineratu zuen, ikasleentzat ez ezik, edozein irakurlerentzat balio duela ekarpen horrek, “euskal hiztunek ere batzuetan ez dituztelako euskal kulturako hainbat erreferente ezagutzen”.

Ordubeteko saioaren ostean, txaloaldi bero batekin bukatu zen mahai-ingurua. Bertaratu zirenek horrela eskertu zuten agertokian izan ziren partaideen ekarpena eta ikusleen artean egon ziren AIZU!ko sortzaile taldeko Iber Otsoaren eta Amaia Montorioren aspaldiko ekimena.

Argazkian, ezkerretik eskuinera, Irurozki, Hermosilla, Rufz eta Mitxelena.

Print Friendly, PDF & Email
03
Déc

Igo Bolumena! jardunaldia atzo Barakaldon

Atzo, abenduak 2, Igo Bolumena! Euskara. Kultura. Transmisioa. Ertzetatik jardunaldia izan zen, AEKren Hizkuntza aholkularitza AHIZEren eskutik. Barakaldoko Clara Campoamor kultur etxean, 130 bat lagun elkartu ginen.

Streaming bidez emititu zen. Ikusi nahi duenak hemen dauka osorik.

Jardunaldian, Ikastolen Elkartearekin elkarlanean sortutako Damolat ikas-unitatea (gazteei zuzenduta) ere aurkeztu eta banatu zen. Webgune honetatik deskargatu daiteke, hemendik. AEK-AIZU!k Landako Gunean (Goienkale, 23) izango duen standean ere paperean eskuratu ahal izango da (ale batzuk egongo dira).

Eskerrik asko parte hartu zenuten hizlari eta lagun guztioi!



Print Friendly, PDF & Email
01
Déc

Zorionak AIZU!!

Abenduko AIZU!, kalean!
 
40 urte beteko ditugula ospatzeko, zenbaki berezia: denborapasa eta ariketa gehiago, zorion postalak, aldizkariaren eta irakurleen iritziak... Baita ohiko atalak ere: Durangoko Azoka-ri buruzko erreportajea, 22. Korrika, Itxaso Compañoni elkarrizketa...
Print Friendly, PDF & Email
30
Nov

AIZU! aldizkariak 40 urte beteko ditu Durangoko Azokan

1981eko abenduko Durangoko 16. Disko eta Liburu Azokan aurkeztu zuten AIZU! aldizkariaren 0. zenbakia. Euskara ikasten ari zirenei beren ikas prozesuan laguntzeko euskara errazean idatzitako aldizkariaren aurkezpena xelebrea izan zen, aldizkaria baino, aldizkariaren azalaren kopia eraman baitzuten AIZU!ren sortzaileek. Berrogei urte geroago, euskara ikasleentzako aldizkariak, AEK-k argitaratzen duenak, jaio zen toki berean ospatuko du urtebetetzea, Durangoko Azokan.

40. urteurrenaren ospakizuna 2021eko urtarrilean hasi genuen: hilero, AIZU!ren historiaren pasarte garrantzitsuenak argitaratu ditugu aldizkarian. Horrez gain, irailean, aldizkariaren diseinu berria eta webgune berritua (aizu.eus) ipini genituen martxan, eta harpidetza digitala egiteko aukera ere zabaldu genuen. Alabaina, abenduarekin batera etorriko da ospakizuneko une nagusia. Hala,Durangoko Azokan 462. zenbakia aurkeztuko dugu, berezia. Izan ere, ohi baino orri gehiago izango ditu, guztira 68, eta eduki aldetik ere ez da ohikoa izango:

- Ez da hain fazila atalak 20 orri izango ditu, 12 beharrean, irakurleei denbora-pasa eta ariketa gehiago eskaintzeko.
- Ohiko edukiak eta bereziak tartekatuko ditu. Lehenengoen artean, Durangoko Azokari buruzko erreportajea, elkarrizketa laburrak, kultur orriak, albiste laburrak... Era berean, AIZU!ri erreparatuko diote beste hainbat orrik: AIZU!n aritutako irudigile eta artistek egindako zorion postalak, aldizkariari berari elkarrizketa, irakurle eta ikasleen iritziak...
- Irakurleei esker ona agertzeko, lehiaketa berezia eta opari gehiago.

Aldizkariaren ale solteak erosteko edota harpidetza egiteko aukera izango da Azokan bertan, AEK- AIZU!k Landako Gunean (Goienkale, 23) izango duen standean. Harpidetza egiten duenak, gainera, prezio berezia ez ezik, oparia ere izango du oraingoan: Patxi Huarte Zaldieroak marrazturiko poltsa
polit askoa.Landako guneko standean izango direnez gain, beste hitzordu bat ere badugu Azokan: abenduaren 7an, 16:30etik 17:30era, Talaia-Musika Eskolan, aldizkariaren aurkezpena egingo dugu, mahai-inguru batekin batera. AIZU! aldizkaria, 40 urte euskara ikasleak hezten eta irakurleak hazten izenburupean, Gotzon Hermosilla Berria-ko kazetaria, Maider Irurozki AEK-ko didaktikari eta irakaslea, eta Belen Rufz euskara ikaslea solasean ariko dira aldizkariaren helburu eta eginkizunen gainean.

Nolanahi ere, eta 40. urtemuga Azokaz harago luzatzeko, aldizkaria bera ezagutarazteko kanpaina berezia ere egingo dugu abendu osoan. Horretarako, Harrapatu aukera! lelopean, AIZU!ren ale bat (2022ko urtarrilekoa) doan eskuratzeko aukera eskainiko diogu hala nahi duen euskara ikasle orori. Horretarako, aizu.eus webgunera jo eta aldizkaria paperean edo PDF formatuan jasotzeko eskaria egin beharko dute. Horrela, euskara ikasleentzako beren-beregi egindako aldizkaria ezagutzen ez duenak bertatik bertara ezagutu ahal izango du AIZU!ren eskaintza.

Print Friendly, PDF & Email
25
Nov

Azaroak 25

2021-11-25

Emakumeon* aurkako biolentziak baditu mila aurpegi, hamaika forma. Leku eta espazio guztietan dago presente.

Gainera, etengabe, indarkeria horren ardura eta errua emakumeon gain jarri gura izan dituzte: mozkortzeagatik, gauez kalean bakarrik ibiltzeagatik, gure emozioak erakusteagatik, lanean kasu egin diezaieten exijitzeagatik, haserretzeagatik, ustez probokatzeagatik... Emakumeon* gorputzak emakumeonak dira, beti!: parrandan, etxerako bidean, ohean, lantokian, etxean, kirola egiten, kalean edota bileretan, edonon! Hortaz, nori egotzi behar zaio biolentzia horren gaineko ardura osoa? Bestela esanda: nork hartu behar du erantzukizuna bere gain, ERASOTUAK ala ERASOTZAILEAK?

Bada ordua gizonek beren ardura onartzeko, erasotzaileek beren ardura har dezaten! Erasotzaileak eta haiek babesten dituztenak dira arduradun bakarrak.

Beraz, dagokigun lekutik, eskatzen dizuegu sexismoaren aurkako jarrera irmoa har dezazuen. Erasotzaileen lagunak izanik ere, ez zaitezte izan sekula konplize; are gehiago: har iezaiezue kargu, dudarik gabe. Gizonok, erasoak soilik besteen kontuak balira bezala ikusi ez ezik, zeuen jarrerak aztertu eta eguneroko gertaerez hausnartu ere egin behar duzue.

Nahiz eta eraso sexisten aurrean beldurra erraietaraino sartu, argi utzi nahi dugu ez dugula gehiagorik onartuko. Egoera izugarria izanik ere, ahaldundu gaitezen eta joka dezagun irmo: zaindu dezagun elkar.

Ez dugu eraso bakar bat ere gehiago onartuko.

Print Friendly, PDF & Email
17
Nov

22. KORRIKA unira Amurrio et Donostia pour faire passer le basque de la parole à l'action

Organisée par AEK, la 22e édition de KORRIKA traversera le Pays Basque du 31 mars au 10 avril 2022. Cette fois la devise choisie est « HITZEKIN », un jeu de mots entre hitz (mots) et ekin (action), puisque selon AEK, "il est temps de faire passer le basque de la parole à l'action". D'autre part, dans cette édition, KORRIKA honorera le groupe de clowns Pirritx, Porrotx et Marimotots, "pour l'engagement et l'action démontrés tout au long de leur carrière".

AEK a annoncé la 22e édition de KORRIKA aujourd'hui, 17 novembre, lors d'une présentation qui s'est tenue au musée San Telmo à Donostia. La première chose à révéler a été le calendrier de l'événement en question: ce sera du 31 mars au 10 avril 2022 lorsque la gigantesque course en faveur de l'Euskara parcourra Euskal Herria, commençant de Amurrio et se terminant à Donostia. L’arrivée se fera après 11 jours et quelques 2 500 kilomètres de voyage ininterrompu ; et ce sera dans la capitale même de Gipuzkoa que l'un de ses secrets les mieux gardés sera dévoilé : le message caché dans le témoin.

Selon Alizia Iribarren, coordinatrice générale d’AEK, « les deux objectifs avec lesquels KORRIKA est né à l'origine sont encore bien vivants aujourd'hui ; éveiller les consciences en faveur de l'euskara d’une part et collecter des fonds pour aider les euskaltegi / Gau Eskola dans leur travail quotidien ». Concernant la première mission, Alizia Iribarren a ajouté que « A AEK, nous sommes très conscient.e.s que l'une des conséquences de la pandémie a été la diminution de l'utilisation du basque dans certaines régions, ainsi que des opportunités d'utiliser la langue ; et à ce stade, il nous semble fondamental de retrouver l'enthousiasme en faveur de la langue basque que KORRIKA apporte toujours avec elle ».

En revanche, concernant les ressources financières, et malgré toutes les démarches entreprises, « en ce qui concerne les Administrations, les moyens alloués aux euskaltegi / Gau Eskola ne sont toujours pas suffisants », précise la coordinatrice générale d'AEK, « et au Pays Basque il est impératif d'accélérer le processus d'euskaldunisation des adultes, ainsi que d'augmenter les investissements destinés à cet effet ». Par conséquent, l'argent récolté par 22.KORRIKA sera utilisé pour aider le réseau d'euskaltegi / Gau Eskola que AEK a dans tout le Pays Basque.

HITZEKIN
Aitziber Balantzategi, présidente du conseil d'administration d'AEK et membre de la commission KORRIKA, a été chargée d'évoquer les questions relatives à la 22 ème édition de KORRIKA. Selon les mots de Balantzategi, « le thème choisi pour cette édition est HITZEKIN. Une langue est constituée de mots (hitz), mais ce sont des actions (ekimen) qui constituent une communauté linguistique. Il est temps d'agir : il est temps de passer des paroles aux actes. » Ainsi, Balantzategi a également affirmé qu'« il faut passer du simple soutien à l'engagement ; et l'engagement d'exhorter toutes les institutions à prendre des mesures plus décisives qui répondent aux souhaits et aux besoins de la société. »

Un exemple clair de cet engagement mentionné par Balantzategi est le groupe de clowns Pirritx, Porrotx et Marimotots, mis à l’honneur cette année. Selon Balantzategi, ils ont été choisis par AEK, « pour l’engagement montré pendant 34 ans de parcours durant lequel ils ont été promoteurs de la langue, à la fois dans le présent et dans l'avenir. » Balantzategi a également tenu à souligner le rôle que le trio a eu dans la transmission, puisqu'« ils ont favorisé la transmission linguistique dans un sens descendant (des mères et pères vers filles et fils) et ascendant (des filles et fils vers mères et pères), et ont eu une influence directe dans le choix de l’euskara pour beaucoup d’enfants et de parents. Avec leurs mots, Pirritx, Porrotx et Marimotots ont agi en faveur de la langue, et encore aujourd'hui ils continuent d'agir. »

Mezua bidali Cette adresse e-mail est protégée contre les robots spammeurs. Vous devez activer le JavaScript pour la visualiser. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Cette adresse e-mail est protégée contre les robots spammeurs. Vous devez activer le JavaScript pour la visualiser. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

wrtwrt

¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Cette adresse e-mail est protégée contre les robots spammeurs. Vous devez activer le JavaScript pour la visualiser., como se explica junto a información adicional de protección de datos en nuestra política de privacidad.

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Cette adresse e-mail est protégée contre les robots spammeurs. Vous devez activer le JavaScript pour la visualiser., como se explica junto a información adicional de protección de datos en nuestra política de privacidad.

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Sozietateak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Cette adresse e-mail est protégée contre les robots spammeurs. Vous devez activer le JavaScript pour la visualiser. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.