Print Friendly, PDF & Email

472. zenbakian Gari abeslaria izango da protagonista nagusia, eta Hertzainaken kontzertuetarako 4 sarrera zozketatu ditugu harpidedunen artean

Azokan harpidetza egiten dutenek, prezio berezia ordaintzeaz gain, Zaldieroaren marrazkia duen poltsa jasoko dute opari

Zaldieroaren marrazkia daraman egutegia eskuratzeko aukera ere izango da Artekaleko 18.enean ipinitako standean

 

AEK-AIZU!k erakusmahaia jarriko du Durangoko Azokaren 57. edizioan. AEKren hainbat material didaktikoz gain, AIZU! aldizkariaren 472. zenbakia egongo da salgai bertan, inprentatik atera berria. Gari dakar azalean, musikari legazpiarra aukeratu baitugu elkarrizketa nagusiko protagonista izateko. Ez alferrik, berriki kaleratu baitu, Maldanbera taldearekin, bakarka egindako 27 urteko ibilbidea biltzen duen Zuzenean 2022 diskoa.

Halaber, Garik eman dio AIZU!ri zozketa egiteko aitzakia, aldizkariaren harpidedunen artean. Denon ahotan dagoenez, disko berria ez da Garik eskuartean duen proiektu bakarra: Hertzainak taldearen agurra izango diren kontzertuak ate joka dira eta, horren harira, AIZU!k bina sarrera zozkatuko ditu BECeko abenduaren 17ko eta Gasteizko urtarrilaren 6ko kontzertuetarako, bere harpidedun guztien artean. Beraz, Durangoko Azokan harpidetza egiteak ere zozketan parte hartzeko bide emango dio edonori, gainontzeko harpidedunekin batera. Harpidetza Azokan egiten duenak, gainera, prezio berezia ez ezik, oparia ere izango du oraingoan: Patxi Huarte Zaldieroak marrazturiko poltsa polit askoa. Harpidetzaz gain, aldizkariaren aurtengo ale solteak erosteko aukera ere egongo da Azokan bertan, AEK-AIZU!k Landako Gunean (Artekale, 18) jarriko duen standean. Ale soltea erosiz gero, erosleak poltsaren diseinu bera duen urteko egutegia jasoko du opari. Bestela, egutegia euro batean ere eskuratu ahal izango da.

Bestalde, Azokaz harago, aldizkaria bera ezagutarazteko kanpaina berezia ere egingo du AIZU!k abendu osoan zehar. Horretarako, Harrapatu aukera! lelopean, AIZU!ren ale bat (2023ko urtarrilekoa) doan eskuratzeko aukera eskainiko diogu hala nahi duen euskara ikasle orori. Horretarako, www.aizu.eus webgunera jo eta aldizkaria paperean edo PDF formatuan jasotzeko eskaria egin beharko da. Horrela, euskara ikasleentzako beren-beregi egindako aldizkaria ezagutzen ez duenak bertatik bertara ezagutu ahal izango du AIZU!ren eskaintza.

Iaz, Durangoko Azokan bertan, 0 zenbakia aurkeztu genuen tokian, ospatu genuen berrogeigarren urtemuga, eta aurten bueltan gatoz: 40+1!

Print Friendly, PDF & Email

Ostegunean (azaroak 24) Nafarroako Euskara Teknikariei prestakuntza saioa eskaini zieten Maialen Otegi eta Maialen Begiristain AHIZEko aholkulariek.

Saio teoriko-praktikoa izan zen eta euskahaldunaz eta ahalduntzeaz aritu ondoren, arlo sozioekonomikoan euskara txertatzeko gakoez aritu ziren, teorian jasotakoa praktikara eraman eta lanerako baliagarria izango zaien dekalogoa osatu genuen.

Print Friendly, PDF & Email

Urteak dira azaroaren 25a “Indarkeria Matxistaren Aurkako Eguna” izendatu zutenetik. Emakume* eta sexu/generoko disidenteon aurkako indarkeriak, ordea, ez du etenik izan epe horretan. Oraindik ere, indarkeriak aurpegi anitz dauzka, hamaika forma, eta gure eguneroko bizitzako eremu guztietan gertatzen da, hala nola lanean, eskoletan, korridoreetan, Whatsapp taldeetan...

Zoritxarrez, gure errealitatea ez da bestelakoa, ez gara bizi indarkeriarik gabeko eremu ideal batean. Jakin badakigu erasoak gertatzen direla. Badugu batzuen berri, eta aurre egiten saiatzen gara; beste askori, ordea, erasotuak bakarrik egin behar izaten die aurre.

Ahalduntzea, baina, ez da nahikoa: gizonek ulertu eta onartu behar dute pribilegiodunak direla, eta ezinbestekoa da pribilegio horiek baztertzeko lanketa. Azken batean, erasotzaileak eta haien babesleak dira erasoen arduradun bakarrak.

Egoera hau irauli beharra daukagu, gure biziak daude jokoan. Ahaldundu gaitezen eta joka dezagun irmo: zaindu dezagun elkar.

Bide batez, ohar honen bidez adierazi nahi dugu bat egiten dugula Euskal Herriko Mugimendu Feministaren lelo eta deialdiekin. Geuk ere aldarrikatzen dugu “Beldurra eta kontrolaren aurrean, Justizia Feminista”. Aurten, bereziki salatzekoa da Mugimendu Feministaren kriminalizazioa, bai eta emakume* eta sexu/generoko disidenteon borroken eta bizitzen gaineko kontrola ere. Helburua da instituzioen erantzukizuna azpimarratzea indarkeriaren iraupenean.

Azaroaren 25 honetan zein urteko gainontzeko egunetan, egin diezaiogun aurre indarkeria matxistari.

Eraldaketa gure esku dago!

2022-11-25 AEK

Print Friendly, PDF & Email

Elkarrek ARIAN irakurgai mailakatuen sailean bi liburu berri kaleratu ditu: Miren Agur Meaberen "Elurraren promesa" eta Andoni Tolosaren "Maleta bat igogailuan" .

Andoni AEkidea dugu, musika arloan ere aski ezaguna, eta orain idazle ere ezagutu dugu. Bejondeizula, Andoni!

Era berean, liburuaren trama interesgarria da oso, euskara ikasleentzat, batez ere, hasiera mailakoentzat: "Euskaltegian euskara ikasten hasi den Hector ikaslearen egunerokoa da liburua; ikasturte baten kronika"

Ezaguna den bezala, sail horretako liburuak euskara ikasleentzat sortutako irakurgaiak dira eta testuak, ilustrazioak eta ariketak uztartzen dituzte.

Print Friendly, PDF & Email
Azaroko AIZU! kalean! Maddalen Arzallus Antiari eta KORRIKA arduradun berria Ane Elordiri elkarrizketak; Aurretiazko Borondateen Dokumentua; zaindu beharreko saguzarrak Araban; 'Luminiszenteak' proiektua; Cristobal Balentziaga hitz gutxitan...
 
Segi azkar kioskora, edo egin harpidedun www.aizu.eus-en!
Print Friendly, PDF & Email

Ane Elordi (Zornotza, 1991) sera la coordinatrice générale de KORRIKA à partir de la prochaine édition, succédant à Asier Amondo. Cela a été décidé par AEK lors de sa dernière Assemblée Générale. Asier Amondo se consacrera à d'autres tâches au sein d’AEK. Selon les mots d'Ane Elordi, "KORRIKA est l'un de ces rares projets qui rassemblent différentes couleurs, opinions et façons de penser au Pays Basque, et ce sera un honneur pour moi d'en être la coordinatrice."

Le nouveau visage de KORRIKA est diplômé en journalisme et travaille à AEK depuis 2015. Ane Elordi a exercé de multiples missions au sein d’AEK : enseignante en euskaltegi et en barnetegi, dans le cadre du projet Berbalagun, en Communication... ainsi que pour KORRIKA. Entre autres tâches, elle était conductrice du fourgon lors de la 21ème édition et était membre de l’équipe de Communication lors cette dernière édition.

Ane Elordi assure qu’elle ressent d'une part « de la joie pour la confiance que mes collègues m'ont accordée » mais du « vertige » également. De même, et bien qu'elle soit le visage que l'on associera à la course, Ane Elordi a tenu à souligner le caractère collectif de KORRIKA : « sans toutes les personnes qui composent AEK et, surtout, sans les participant.e.s qui courent ensemble, KORRIKA ne serait pas possible. Nous avons l’honneur d’être leurs représentant.e.s, mais seul.e.s nous n'irions nulle part».

D'autre part, la nouvelle coordinatrice est consciente des défis auxquels KORRIKA est confronté : « le rayonnement de l'événement, cette joie qu'il transmet, ne peut se limiter aux 10 jours qu'il dure. En d'autres termes, au quotidien, nous devons aussi passer du fait d’être en faveur de l’euskara à celui de vivre en euskara».

Un portrait d’Ane Elordi est paru dans le magazine d’AEK, AIZU!, avec également quelques réflexions que la nouvelle coordinatrice a voulu partager. A consulter ici.

 

Print Friendly, PDF & Email

Ezagutzaren Unibertsalizazioari buruzko bigarren jardunaldiak antolatu dituzte Kontseiluak eta Jaurlaritzak elkarlanean. Hiru ardatz izango dituzte, herritar euskaldunak lortzeko bide nagusiak: hezkuntza arautua, hizkuntzaren transmisioa-sozializazioa, eta helduen euskalduntzea.

Gasteizko San Prudentzio fundazioan izango dira azaroaren 10ean eta 11n, eta Jauzirako Prest izena izango dute.

AEKren ordezkaritza bertan izango da eta, azaroaren 11n, Helduen euskalduntzearen mahai-inguruan,Artezkaritza Kontseiluko kide Aize Otañok hartuko du parte. Mahai-inguru horretan, gizarte ekimeneko euskaltegietako ordezkariek euskararen beharra sustatzeari begira egindako hausnarketaren ondorioak partekatuko dituzte.

Informazio gehiago eta izena-ematea www.kontseilua.eus webgunean (azaroaren 7ra arte).

 

Print Friendly, PDF & Email

La langue basque éveille votre curiosité? C’est n’est pas trop tard pour l’apprendre !

Du 28 de novembre au 9 décembre, stage d' initiation (debutant) intensif de basque à Bayonne

Pourquoi faire un stage intensif ?
Chez AEK, nous n’avons aucun doute : la meilleure manière d’apprendre l’euskara c’est de faire des stages intensifs. C’est une opportunité hors pair pour faire une immersion en langue basque, pour l’apprendre tout en en s’imprégnant d’elle.

Qui peut être intéressé.e par ce stage ?
Cette année, la première session sera un stage d’initiation et se déroulera à la Gau Eskola de Bayonne du 2 au 13 décembre.

Cette formule est dirigée à toute personne qui voudrait avoir un première approche de la langue ou qui s’est vue en retard pour s’inscrire en classe de première année à la Gau Eskola. Elle vous permettra de débuter votre apprentissage et d’intégrer à partir de janvier un groupe au sein d’une Gau Eskola : en effet, le programme du stage est le même que celui du premier trimestre du niveau A1.1.

Cours du lundi au vendredi durant deux semaines de 9h00 à 13h00

Prix : 200 € plus 22€ d’adhésion à l’association AEK

Niveau : Débutant

Inscriptions jusqu'au 11 novembre

 

Pour plus de renseignements, contactez-nous

AEK : Marengo karrika, 22 – 64100 Baiona

05.59.25.76.09   /  06.20.11.63.51 Cette adresse e-mail est protégée contre les robots spammeurs. Vous devez activer le JavaScript pour la visualiser.

 

AEk, la meilleure pour apprende l'euskera!

Print Friendly, PDF & Email

Zonifikazioa gainditzeko garaia da; Nafarroa bat egiteko garaia da. Ia hiru hamarkada pasa dira euskararen legeak lurraldea hirutan zatitu zuenetik, eta bada garaia egoera bidegabe honekin bukatzeko, Nafarroa garaia bat izan dadin. Euskararekin bat egiteko garaia da. Eta horretara dator Errigora!

Kanpaina honetan saskiak eskatzea bada bat egiteko modu bat. Zonifikazioaren afera ez baita nafarren arazoa, euskararena baizik, eta datozen hilabeteak erabakiorrak izan daitezke. Kanpaina honek eskaintzen du, elkartasuna adieraztetik harago, Nafarroa hegoalde eta erdialdeko euskalgintzari baliabide ekonomikoak emateko bidea, baita haien eguneroko batailetan gainontzeko euskaltzaleen babesa eta arnasa sentitzekoa ere.

Azken urteetan egin dugun bezala, hiru saski izanen ditugu kanpaina honetan: saski beltza (55€), Errigoraren saski klasikoa, saski berdea (65€), ekologikoa, eta saski zuria (75€), berezia. Gainera, iaz egin genuen gisan, saski bakoitzean egutegi txukun bat oparituko da.

Eskatu zure saskia/k azaroaren 10era arte eta egin bat euskararekin!

Print Friendly, PDF & Email

Le 19 octobre 2022, AEK a organisé une conférence de presse à la bibliothèque de la Gau Eskola AEK de Bayonne.
L'objectif était de présenter la situation d’AEK au Pays Basque Nord et d’exiger l’attribution de ressources décentes pour l’enseignement du basque aux adultes.
Les intervenant.e.s étaient : Ihintz Oliden (Coordinatrice d’AEK), Amaia Beyrie (membre de Zuzendaritza AEK), Xabi Gartzia (membre de Artezkaritza AEK) et Sébastien Castet (Euskal Konfederazioa).

En cette nouvelle année 2022/2023, 1 600 élèves se sont inscrits à AEK.
Notre mission a toujours été d’offrir les meilleures conditions d’apprentissage du basque aux adultes, en cela nous n’avons de cesse de développer au mieux notre activité.
Le nombre d’élèves et de salarié.e.s est en constante augmentation, nous offrons une gamme de formations de plus en plus diversifiée et nous avons obtenu les certifications de qualité exigées aux centres de formation.

De ce fait, AEK est prêt à relever les grands défis inhérents à l’enseignement du basque aux adultes.

Cependant, le manque d'engagement des institutions en charge de la politique linguistique entrave la mise en œuvre de nos objectifs.

Actuellement, il n'existe pas de bourses au Pays Basque Nord qui permettraient aux apprenant.e.s de suivre leur formation sans contribution financière de leur part et nous ne bénéficions pas de subventionnement public suffisant pour assurer notre fonctionnement.

En tant que salarié.e.s d'AEK, nous dénonçons cette situation de précarité dans laquelle nous nous trouvons aujourd’hui car nous avons atteint la limite de ce que nous pouvons endurer.

Nous appelons donc les institutions publiques du Pays Basque Nord à doter le secteur de l'Apprentissage de l'Euskara aux Adultes de moyens forts et adaptés.

Print Friendly, PDF & Email

Nafarroako euskaldunen hizkuntz eskubideak aldarrikatuko ditu Hordago! herri ekimenak, urriaren 22an, Tuteran egingo den manifestazioan. AEK-k bat egiten du ekimen honekin eta bertan izanen da.

Euskararen aldeko eta Nafarroa osoan askatasunez bizitzeko aukerak oztopatzen dituen zonifikazioaren aurkako manifestazioa izango da. Hala, Nafarroan “ez euskaldun” izendaturiko eremuetako herritarrei dei egin diete, bereziki Erriberakoei, manifestazioan parte har dezaten. Iazko azaroan aurkeztu zuten Nafarroako Cortes herrian Hordago! herri ekimena. Zonifikazioari aurre egitea du helburu , eta arrazoi linguistikoengatik Nafarroan inolako bereizkeriarik gabe bizi ahal izatea aldarrikatzen du. Horrela jaso zuten orduan Corteseko Adierazpena izeneko idatzian. Erriberako hainbat herritarrek bat egin dute adierazpenarekin, eta Tuterako manifestazioan “euskara Nafarroa osoko hizkuntza dela” ozen aldarrikatzeko deia egin dute. Manifestazioa 17:30ean hasiko da, Tuterako Plaza Berrian.

 

 

Print Friendly, PDF & Email

AEKren Praktikatu zerbitzuak abian du 2022-2023 ikasturterako kanpaina, Praktikatu euskara gurekin leloa lagun. Hala, urriaren aurreneko egunetan hasiko dira martxan, Euskal Herriko leku askotan, berbalagun, mintzakide eta mintzalagun taldeak, lagun giroan elkartu eta euskaraz aurrez aurre jarduteko. Online saioak, berriz, azaroan hasiko dira. Dagoeneko dohain eman daiteke izena talde mota guztietarako, euskaltegietan, udal euskara zerbitzuetan zein Praktikaturen www.praktikatu.eus atarian.

Praktikatu hazten ari den egitasmoa da: gaur egun, Euskal Herriko 76 herritan antolatzen ditu mintzapraktika saioak, eta 300 ekintzatik gora burutzen dira urtean, tartean, mintzodromoak. Ikasturte honetan kopuru horiek handitu egingo dira, lehendik egiten direnez gain, hiru proiektu berri jarriko direlako martxan: Zangozan (Nafarroa), Igorren (Bizkaia) eta Pasaian (Gipuzkoa). Hitanoa lantzeko Hiketalagun proiektuak, berriz, jarraipena izango du Durangaldean (Bizkaia), Arriben (Nafarroa) eta Urola Kostan (Gipuzkoa); eta elkarri hika hitz egiteko talde berrien sorrera ere sustatuko da, besteak beste, Usurbilen eta Lea-Artibain. Familientzako Gurasolagun taldeetan ere segituko dute jolasak, txangoak eta tailerrak egiten, helduek eta haurrek euskaraz batera aritzeko aukera izan dezaten.

Aurtengo udazkenean, gainera, Euskaraldiaren hirugarren edizioaren atarian gauden honetan, Praktikaturen proiektuek esanahi berezia hartuko dute, mintzataldeak euskaraz bizitzeko aukera ematen duten arigune naturalak baitira, hau da, uneoro euskaraz hitz egiteko aukera bermatzen duten guneak. Izan ere, ohiko taldeez gain, eta euskararen transmisioa sendotzeari begira, Praktikatu egitasmoak euskarazko harrema sare berriak sustatzen ditu ekintza osagarrien bidez, hala nola, asteburuko egonaldiak, barnetegi ibiltariak edota zaletasunen (natura, kirola eta kultura) araberako interes taldeak antolatuta. Ondorioz, bereziki azpimarratzekoa da horietan guztietan parte hartzen duten mintzalagunen, mintzakideen, berbalagunen eta bidelagunen ahalegina eta euskararen transmisioari egiten dioten ekarpena.

Print Friendly, PDF & Email

Fermin Muguruzari eta Ane Lindaneri elkarrizketak: Begoñako hilobiek ezkutatzen zutena; Europan barrena bizikletan; gerrako erbestearen oroitzapenak; Euskaraldia...

Udako oporren osteko lehen alea hemen da!!

Print Friendly, PDF & Email

Hitzekin izan zen 22. Korrikaren leloa: hitza eta ekintza. Hizkuntza bat hitzekin osatzen da, baina ekimenek eraikitzen dute hizkuntza baten komunitatea. Ekiteko ordua zela aldarrikatu nahi izan genuen; orain dela unea: euskara, hitzetik ekintzara. Aldekotasunetik konpromisora jo behar da, eta konpromisotik eragitera, erakunde orok urrats sendoagoak egin ditzaten jendartearen nahiei eta beharrei erantzuteko.

Hori dela eta, Korrikaren ingurumarian, esate baterako, dinamika bat abian jarri genuen doako ezagutzaren unibertsalizazioaren beharra ere jorratzeko. Gakoa oso argia da: euskara ikasi nahi duten herritarrek dohainik jarduteko parada izatea.

Azken batean, Euskal Herrian euskaraz biziko bagara, giltza izango da helduen artean euskaraz aritzeko gaitasun egokia zabaltzea, baita euskaltegietan zerbitzua doan jaso ahal izatea ere.

Zenbait ekimen proposatu ditugu dinamika abiatzearekin batera, helburua bistaratzeko, eta aurrerapausoak emateko eta erdiesteko. Batetik, lan-munduan, Denok euskara doan. Langileok prest izenekoa: AEK-Korrikatik elkarlan-bide bat landu dugu ELA nahiz LAB sindikatuekin, eta heldu den ikasturterako doako ikastaro laburrak antolatuko ditugu, hainbat lantokitan prest dauden langile-taldeekin. Berez, urtero eta Euskal Herriko lantoki askotan ezaguna den dinamika biderkatu nahi dugu ekimen horren bidez. Edonola ere, gehiagorengana iritsi nahi dugu, eta, batez ere, dinamikaren xedea bistaratzea da asmoa, ekintza praktiko horien bidez. Aurkezpenean langileek eurek adierazi zutenez, euskararen normalizazioa garatzeko ezinbesteko esparrua da lan-mundua, eta berau euskalduntzeko urrats zehatzak aldarrikatu zituzten: «Behar-beharrezkoa da langile guztiei euskara ezagutzeko bideak zabaltzea, horretarako denbora ziurtatzea eta zerbitzu hori doakoa izatea».

Bestalde, Donibane Garaziko adierazpena ere ezagutzera eman genuen. AEK ez ezik, beste euskaltegi askoren ordezkariak daude agiri horren atzean; hauek dira adierazpenaren sinatzaileak: Batuz Euskaltegi Elkartea (Altza-Urumea, Ulibarri, Urrats, Ilazki, Hitzez, Legazpi6, Herri Jakintza eta Udaberria), AEK, Juan Mateo Zabala euskaltegia, Gabriel Aresti euskaltegia, Errioxako IKA, Bai&by, Gotzon Garitanoaindia euskaltegia, Hegoalde euskaltegia, Bilbo Zaharra euskaltegia eta Maizpide.

Adierazpen horren bitartez, Euskal Herriko administrazio nagusiei dei egiten zaie, bertan hauxe jasota: «Unea da euskal herritar orori euskara ikasteko bidea doakoa izan dakion neurriak hartzeko. Proposamen eta bide ezberdinak ezagutzen ditugu. Elkar gaitezen eta osa dezagun, elkarlanean, eta berandu baino lehen, guztiok doan ikasteko bide-orria».

Egun hauetan, hain zuzen ere, bilera bana egingo dugu lurralde administratibo bakoitzeko erakundeekin (Ipar Euskal Herria, Nafarroa eta Euskal Autonomia Erkidegoa), proposamen horri heltzeko.

Berdintasunaren eta kohesioaren izenean, jendarteak euskal hiztun berriak behar ditu, eta justiziazkoa da euskara doan ezagutzeko eskubidea errealitate bihurtzea.

Print Friendly, PDF & Email
Kalean da udako AIZU! Nahia Zubeldiari eta Fernando Alberdiri elkarrizketak; udan Euskal Herria ezagutzeko proposamenak... eta beste kontu ugari.
 
Segi berehala liburu-denda edo kioskora, edo harpidetu http://aizu.eus webgunean!!!
Print Friendly, PDF & Email
Ostiralean, Metro Bilbaoren hizkuntza irizpideak aurkeztu ziren Bidebarrietako Liburutegian. 

Ahizeko Mikel Urdangarinek saiotxo bat emango du Hizkuntza kudeaketaren inguruan
Print Friendly, PDF & Email

Euskaraz Koop. S.ren Estatutu Sozialetako 31. eta 32. artikuluetan xedatutakoari jarraituz, Artezkaritza Kontseiluak Euskaraz Koop. S.ren Ohiko Batzar Orokorrerako deialdia egin du.

DEIALDIA

Eguna 2022ko uztailaren 1a

Tokia: AGURAINgo HARRESI Aretoa

Ordua: Lehen deialdia 9:30ean.

Bigarren deialdia: 10:00etan

GAI ZERRENDA

Lehena.- Akta onartzeko bi bazkide eta batzarreko idazkaria izendatzea.

Bigarrena.- Euskalgintzaren Kontseilua.

Hirugarrena.- Kudeaketarekin lotutako zenbait proposamen (irakasleen lan-jarduna, hautaketa prozesuak, Korrika...)

Laugarrena.- Barne-araubideko erreglamenduaren berrikusketa.

Bosgarrena.- Artezkaritza Kontseiluaren berritzea.

Seigarrena.- Zaintza Batzordearen berritzea.

Zazpigarrena.- Helegite Batzordearen Berritzea.

Zortzigarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak burutzeko.

Bederatzigarrena.- Galde-eskeak.

OHARRA: Bazkideei jakinarazten zaie, Euskadiko kooperatiben legearen 24.4 eta 78.1c artikuluetan zedarritutakoarekin bat etorriz, bazkide guztiek dutela eskura kooperatibaren egoitza sozialean eta barne sarean kooperatibaren dokumentazio ekonomikoa eta Barne-araubideko erreglamenduaren berrikusketa, batzarrean landuko den gainerako dokumentazioarekin batera.

Lehendakaria

Aitziber Balantzategi Ibargoitia.

Bilbon, 2022ko maiatzaren 17an.

Print Friendly, PDF & Email

Hitzaren eta ekintzaren urtea izango zela 2022a azaldu zuten urte hasieran Korrika eta Euskaraldiko arduradunek. Izan ere, urte berdinean ziren burutzekoak 22. Korrika eta Euskaraldiaren hirugarren edizioa, eta ekimen bietako antolatzaileek bat egin zuten hitzaren eta ekimenaren garrantzia azpimarratzeko orduan. Ideia hori berretsi dute gaur Donostiako Koldo Mitxelena kulturunean egindako agerraldian Euskaraldiko koordinatzaile Goiatz Urkijo eta AEKko koordinatzaile Alizia Iribarrenek. Bi ordezkariokin batera parte hartu du gaurko prentsaurrekoan Donostiako Euskaraldia batzordeko koordinatzaileak, Maddi Juanikorenak.
Pandemiak bi urtetan eragindako etenak inoiz baino nabarmenago agertu du euskararen normalizazioak gizartearen aldekotasun eta bultzadaz gain, hiztunen praktika linguistiko eraldatzaileak eta era guztietako erakundeen urrats sendoak behar dituela. Horregatik, 2022 urtean euskaltzaleak kalera ateratzeak, euskararen aldeko ekimen jendetsuek eta euskararen ezagutza zein erabilera areagotzeko urrats sendoek berebiziko garrantzia dutela nabarmendu dute ekimen bietako arduradunek.

Donostian bertan Korrika amaitu zenetik hilabete betetzear dela, Alizia Iribarren AEKko koordinatzaileak gogora ekarri du 22. Edizioa aurkeztu zutenetik adierazi eta balorazioan ere azpimarratu zutena: “Korrika egitea helburu bat zen, normaltasunez gauzatu ahal izatea, alegia. Euskararen olatua berreskuratzea, errepidera ateratzera, eta horren aurretik, hilez hil, tokian tokiko batzordeak osatu, herrietan ekintzak antolatzea, Euskal Herriko agenda politiko eta komunikatiboan euskarak toki esanguratsua hartzea”. Iribarrenen iritziz “oso Korrika garrantzitsua izan da, egin dugulako, eta, era berean, zer esanik ez, bizitakoa ikaragarria izan delako: jendarteak erakutsi duen “herri gogoa” zinez indartsua izan da eta gure ustez oso garrantzitsua da Korrikak bistaratu duen energia sozial hori Euskaraldian ere egotea”. Besteak beste, bi ekimenak zinez erabakigarriak direla azpimarratu du AEKko koordinatzaileak, “euskararen dinamika soziala hauspotzeko, indibidualismoaren garaian, kolektiboa, taldearen indarra islatzeko, herriak euskaraz bizi nahi duela adierazteko eta hizkuntzaren biziberritzean urrats sendoagoak eman daitezen aldarrikatzeko”.

Korrikaren 22. edizio jendetsu eta gogoangarria aurten antolatuko diren gainontzeko ekimenetarako akuilu izango dela esan du Goiatz Urkijo Euskaraldiko koordinatzaileak. Korrikak gizartean utzi duen energia eta aktibaziorako olatua euskararen erabileran, ezagutzaren unibertsalizazioan eta euskararentzako gune erosoak zabaltzen urratsak ematen jarraitzeko baliatu beharra azaldu du Urkijok. Euskaraldiak horretan ekarpena egin nahi duela azaldu du eta aurten belarriprest eta ahobizien hizkuntza ohituretan eragiteaz gain, nabarmendu du era guztietako entitateei euskarazko praktika linguistikoak bultzatzeko neurri zehatzak hartzea eskatuko zaiela.
Euskaraldia batzordeak martxan jartzen hasiak daudela eta herriz herri aurtengo ariketa sozialaren aurkezpenak egiten ari direla azaldu du Goiatz Urkijok. Herritarrak batzordeetan partaide aktibo izateko gonbitea eginez eta Euskaraldian parte hartzeko deia eginez amaitu du bere hitzartzea.
Korrika eta Euskaraldia moduko ekimenen antolaketan herritarrek duten garrantzia azpimarratu du Maddi Juanikorena Donostiako Euskaraldia batzordeko koordinatzaileak. Azken bi urteetan batzordeen eta euskalgintza antolatuaren lana normaltasunez garatzeko egon diren zailtasunak aintzat hartuta, aurten berriro herri ekimenak martxan egotea eta batzordeak indartsu aritzea garrantzitsua izango da. Euskaraldia batzordeek aurten belarriprest eta ahobiziei euskarazko hizkuntza praktikak indartzeko tresnak eskaintzen ahalegin handia egingo dutela azaldu du Juanikorenak. Era berean, tokian tokiko entitateetan euskararen erabilera areagotzeko urratsak eman ditzaten herrietako batzordeak proposamenak lantzen ari direla ere azaldu du.

EUSKARALDIA: HURRENGO DATA GARRANTZITSUAK
• Maiatzak 18: entitateek parte hartzea berresteko eta izena emateko epearen irekiera.
• Irailak 29: belarriprest eta ahobiziek parte hartzea berresteko eta izena emateko epearen irekiera.
• Azaroaren 18tik abenduaren 2ra: EUSKARALDIA

Print Friendly, PDF & Email

Euskarak aurrera egin dezan, egoerari parez pare begiratu behar diogu. Egoera honek, gizarte zibilaren eta instituzioen arteko elkarlana eta akordio berriak behar ditu. Herri bultzada berri bat behar du. Aurrera egin behar dugu.

Euskara aurrera euskararen aldeko ekinbidea aurkeztu zuten Euskal Herriko hainbat euskaltzale ezagunek, Donostian. Eta maiatzaren 21ean, 17:30ean, Donostiako Antiguako tuneletik abiatuta manifestazioa eginen zutela iragarri ere bai. Mobilizazioan parte hartzera deitu zituzten euskaldunak zein Euskal Herriaren etorkizuna euskaraz imajinatzen duten herritar guztiak.

Adierazpenarekin bat egin dutenak: Kontseilua, Topagunea, Euskal Herrian Euskaraz, Jakin, Elhuyar, Pantailak Euskaraz, Maizpide, Bai Euskari Elkartea, UEMA, Elkar, Ikastolen Elkartea eta AEK-k

Beraz, badugu beste hitzordu bat, gorde data eta lau haizetara zabaldu deialdia.

Hitzetik ekintzetara pasatzeko unea da. Hitzek hizkuntza, ekinak herria.

Print Friendly, PDF & Email

Batz-ek Euskara Plana dauka 2001. urteaz geroztik. Kooperatiba atzera begira jarri da, eta 20. urteurrena pasa den urtean izan bazen ere, pandemiak eragindako atzerapenaren ondoren ospakizun ekitaldia egin dute gaur goizean Igorreko lantegian.

Proiektua landu eta martxan jartzeko, 2000.urtean, Elhuyar aholkularitzari eskatu zitzaion laguntza teknikoa, eta beraiekin batera abiatu zen Euskara Plana. 2013. urtetik, ordea, Ahize-AEK aholkularitzak darama Batz-eko Euskara Plana garatzeko ardura.

Ekitaldian parte hartu dute Batz-eko Euskara Batzordeko kideek, Xaber Ozerinjauregi presidenteak, lehen Euskara Batzordeko kideek, eta erakunde publikoetako ordezkariek. Bertan izan dira Illart Gumuzio Igorreko alkatea, Xabier Arauzo Bizkaiko Foru Aldundiko Euskara zuzendari nagusia, eta Miren Dobaran Eusko Jaurlaritzako Hizkuntza Politikarako sailburuordea.

Irakurri gehiago hemen.

Mezua bidali Cette adresse e-mail est protégée contre les robots spammeurs. Vous devez activer le JavaScript pour la visualiser. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Cette adresse e-mail est protégée contre les robots spammeurs. Vous devez activer le JavaScript pour la visualiser. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

wrtwrt

¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Cette adresse e-mail est protégée contre les robots spammeurs. Vous devez activer le JavaScript pour la visualiser., como se explica junto a información adicional de protección de datos en nuestra política de privacidad.

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Cette adresse e-mail est protégée contre les robots spammeurs. Vous devez activer le JavaScript pour la visualiser., como se explica junto a información adicional de protección de datos en nuestra política de privacidad.

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Sozietateak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Cette adresse e-mail est protégée contre les robots spammeurs. Vous devez activer le JavaScript pour la visualiser. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.