Gaur, abenduak 5, AIZU! aldizkari berrituaren aurkezpena izan da Durangoko Azokako Areto Nagusian

Data eta lekuaren hautaketa ez da hutsala izan. Izan ere, AIZU! aldizkariaren 0 zenbakia Durangoko Azokan aurkeztu zen, 1981ean. Ibilbide luze honetan 501 zenbaki argitaratuta helduko da aurtengo ediziora, orduko xedea inoiz ahaztu gabe: euskalduntze prozesuan bidelagun izatea euskara ikasten dabilen ororentzat. Beste jauzi bat emango du orain: paperezko aldizkariak formatua eta itxura aldatzeaz gain, irakurleek eta euskara irakasleek eskuragarri izango dituzte AEKko didaktikariek prestatutako atazak eta lanketak.

Berrikuntzak
Aldizkariak berrikuntza nabarmenak dakartza. Horiei esker, alor digitala eta didaktikoa indartuta, paperezko euskarriaren eta euskarri digitalaren arteko osagarritasuna sendotu da. Paperezko euskarriaren tamaina txikiagotuta, erabilgarriagoa bihurtu da. Erabilgarritasuna, gainera, edukietan ere handitu da. Izan ere, euskara ikasten ari direnen aldizkaria izaki, arlo didaktikoan berritu da bereziki: testu batzuetan ageri den QRa klikatuta, AEKko Didaktika Sailak prestatutako atazak ageri dira, online egin daitezkeenak. Paperezko aldizkaritik zein webgunetik irits daitezke irakurleak ariketa horietara, eta sarbide irekia izango dute abendu osoan zehar, euskara ikasteko prozesuan dabilen orok ezagutu eta proba dezan (aurrerantzean, sarbide hori aldizkariaren harpidedunei eta erosleei mugatuko zaie). Ikusi ariketak hemen. 

Horiez gain, badira beste hainbat eduki ere: elkarrizketa nagusia ETS taldeko Iñigo Etxezarretarekin, Patricia Martin harri jasotzaile galiziarra Arin-arin atalean, Durangoko Azokari buruzko erreportajea, Zokomiran ataleko albiste laburrak, kultur arloko berriak... Guztiak, hizkuntza gaitasunaren arabera mailakatuak, hori baita berrikuntzetako beste bat.

Horrela, AIZU!k beste urrats bat eman du euskara ikasten ari direnen aldizkari izateko helburuan sakontzeko. Haatik, online ipiniko diren ariketak ez dira AIZU! erabiltzeko modu bakarra; izan ere, aldizkaria euskara ikasteko prozesuan nola baliatu azaltzeko, bi gida didaktiko jarri dira erabiltzaileen esku www.aizu.eus webgunean. Bata euskara ikasleei bideratua dago; eta, bestea, irakasleei. AEKko Didaktika Sailak prestaturiko gida horietan aldizkaria zelan baliatu azaltzen da modu erraz eta ulerterrazean.

Ekitaldian parte hatu dute Eñaut Mitxelena AIZU! aldizkariko koordinatzaileak, Estitxu Nieva didaktikariak, Maialen Begiristain Nazio Kontseiluko kideak eta Maialen Otegi irakaskuntza arduradunak.

AIZU!ren 502. zenbakia, 2025eko abendukoa, kalean eta Interneten dago ja: www.aizu.eus

Aldizkariak berrikuntza nabarmenak dakartza. Horiei esker, alor digitala eta didaktikoa indartuta, paperezko euskarriaren eta euskarri digitalaren arteko osagarritasuna sendotu da. Paperezko euskarriaren tamaina txikiagotuta, erabilgarriagoa bihurtu da. Erabilgarritasuna, gainera, edukietan ere handitu da. Izan ere, euskara ikasten ari direnen aldizkaria izaki, arlo didaktikoan berritu da bereziki: testu batzuetan ageri den QRa klikatuta, AEKko Didaktika Sailak prestatutako atazak ageri dira, online egin daitezkeenak. Paperezko aldizkaritik zein webgunetik irits daitezke irakurleak ariketa horietara, eta sarbide irekia izango dute abendu osoan zehar, euskara ikasteko prozesuan dabilen orok ezagutu eta proba dezan (aurrerantzean, sarbide hori aldizkariaren harpidedunei eta erosleei mugatuko zaie). Ikusi ariketak hemen. 

Horiez gain, badira beste hainbat eduki ere: elkarrizketa nagusia ETS taldeko Iñigo Etxezarretarekin, Patricia Martin harri jasotzaile galiziarra Arin-arin atalean, Durangoko Azokari buruzko erreportajea, Zokomiran ataleko albiste laburrak, kultur arloko berriak... Guztiak, hizkuntza gaitasunaren arabera mailakatuak, hori baita berrikuntzetako beste bat.

Horrela, AIZU!k beste urrats bat eman du euskara ikasten ari direnen aldizkari izateko helburuan sakontzeko. Haatik, online ipiniko diren ariketak ez dira AIZU! erabiltzeko modu bakarra; izan ere, aldizkaria euskara ikasteko prozesuan nola baliatu azaltzeko, bi gida didaktiko jarri dira erabiltzaileen esku www.aizu.eus webgunean. Bata euskara ikasleei bideratua dago; eta, bestea, irakasleei. AEKko Didaktika Sailak prestaturiko gida horietan aldizkaria zelan baliatu azaltzen da modu erraz eta ulerterrazean.

Bestalde, hilabetekari izateak edukiak lantzeko unean ezartzen dituen mugak gainditzeko asmoz, aurrerantzean AIZU!k gaurkotasunari ere egingo dio lekua, euskarri digitalean. Horretarako, atal berria sortu du www.aizu.eus atarian, AIZU!ren leihoa, non astero normalean hilabetekarian lekurik ez duten albisteak argitaratuko diren.

Aldizkari eraberritu hau Durangoko Azokan aurkeztuko da, abenduaren 5ean. AEKko eta AIZU!ko kideek Areto Nagusian emango dute ezagutzera, eguerdiko 12:15ean. Alegia, nola erabili azalduko dute, are baliagarriagoa izan dadin euskara ikasleentzat eta irakasleentzat.

Gure aldizkaria berritua dator: testuak mailakatuak; zenbait testu oinarri dituzten ariketak online; gida didaktikoak...  Eta ohiko eduki interesgarriak, noski: ETSko Iñigo Etxezarretari eta Patricia Martin harri-jasotzaileari elkarrizketak; erreportajeak, albiste laburrak...

Eskuratu eta gozatu! www.aizu.eus/harpidetu

AEKko ikasleek, hilero bezala, doan jasoko dute euskaltegian.

Emakume*: Sexu-genero sistemak markatzen duen binomioaz gaindi, bizipen, ibilbide, ahalmen eta identitate anitzak biltzen dituen kontzeptua (bollerak, trans, ez-bitarrak…). Gure egungo errealitatean politikoki eragiteko baliagarritzat dugu.

AZAROAK 25: Indarkeria matxisten aurkako nazioarteko eguna

AEKko Berdintasun Batzordea Euskal Herriko Mugimendu Feministaren irakurketan oinarritu da honako testu hau idazteko:

Hasteko, gogorarazi nahi dizuegu iazko azaroaren 25etik sei emakume* hil dituztela, eta gure babesa eskaini nahi diegu haien senide eta lagunei. Bestalde, biolentziaz ari garen egun honetan, ezin Palestina aipatu gabe utzi. Doakie hango lagunei gure besarkadarik beroena.

Guztiok dakigu egungo egoera ez dela batere samurra eta, gainera, feminismoak aurrerapausoak ematen dituen heinean, erantzunak eta erresistentziak gordintzen ari direla. Faxismoa eta ultraeskuina indartzen ari dira, bai, baina baita geure artean ere: Zenbat aldiz azaldu behar du emakume* batek erasoren bat jasan duela? Zergatik da hain zaila egiturazko matxismo hau baztertzea? Emakumeon* rolak eta lanak zalantzan jartzea, ezer ez egitea, oztopatzea, balioa kentzea... Jokabide horiek geure artean, eta, noski, AEKn ere, badaude; zehazki, nahi eta behar baino gizon gehiagok dituzte. Eta hor dago arazoa. Benetan berdintasunean eta parekidetasunean sinesten badugu, benetan helburu horiek lortu nahi baditugu, denoi dagokigu erantzukizuna hartzea eta, batez ere, gizonei, euren pribilegioei uko egitea, espazioa ez hartzea, bidaide edo aliatu izatea, jokaera baztertzaileei uko egitea...

Hain zuzen, orain ari dira abortatzera zihoazen emakumeak jazartzeagatik zenbait pertsona epaitzen. Ikusi beharko da hainbeste izerdirekin lortutako eskubideak babesteko interesik badagoen ala ez.

Aipaturiko guztiaren aurrean, erresistentzia feministarako deia egiten dugu. Segi dezagun antolatzen eta kaleak hartzen, segi dezagun autodefentsa feminista aldarrikatzen eta gauzatzen; kaleetan, etxeetan, lantokietan, jai guneetan… Erantzun diezaiegun indarkeria sostengatzen duten konplizitate sareei, horien aurka borrokatzen duten konplizitate sare feministekin.

KONPLIZITATE SAREEN AURREAN, ERRESISTENTZIA FEMINISTA.

Organisée par AEK et placée sous le slogan « Euskara gara » (« Nous sommes la langue basque »), la 24ème KORRIKA traversera le Pays Basque du 19 au 29 mars, d’Atharratze à Bilbo. L’initiative mise à l’honneur sera Errigora. La campagne “laguntzaile”, destinée à fédérer des soutiens individuels à Korrika, a également été lancée. L’application mobile gratuite de Korrika, entièrement renouvelée, est disponible dès aujourd’hui.
AEK a présenté ce matin la 24ème édition de KORRIKA au centre culturel Izaskun Arrue de Gasteiz (Vitoria-Gasteiz). Aux côtés des membres d’AEK, les allié·es de Korrika et des représentant·es du mouvement bascophone local étaient présent·es. Une photo de groupe a conclu l’événement, illustrant l’idée que la langue basque est un refuge ouvert et accueillant pour chacun·e.

Cette année, la plus grande mobilisation en faveur de l’euskara débutera à Atharratze (Tardets) le 19 mars, et se terminera onze jours plus tard à Bilbo. À l’arrivée, en plus de la lecture du message secret contenu dans le témoin, une journée entière de festivités est prévue.

La présentation a été animée par Ane Pedruzo et Jon Basaguren, avec la participation de Maialen Begiristain Grado et Lurdes Etxezarreta Artabe, membres du Conseil national d’AEK.
Maialen Begiristain a souligné que cette 24ème édition démontre que KORRIKA est « un refuge ouvert et accueuillant pour tout·e citoyen·ne, quel·le que soit son origine, sa couleur de peau ou son niveau de connaissance du basque ». Elle a ajouté : « L’essentiel est qu’il y ait de la place pour tout le monde. Ensemble, dans et autour de la langue basque, nous construirons une communauté large et égalitaire qui nous protégera de toute forme d’oppression sociale. Car notre pays, le pays de la langue basque, contient un monde entier. »

De son côté, Lurdes Etxezarreta Artabe a adressé trois messages à la société. D’abord, dans la continuité de Maialen Begiristain, elle a exprimé le souhait de vivre librement et sereinement dans une communauté centrée sur la langue basque : « Notre Pays Basque sera bascophone, féministe, antiraciste et accueuillant. »

Ensuite, elle a insisté sur l’urgence dans laquelle se trouve l’euskara: « Pour atteindre le Pays Basque que nous souhaitons, nous ne pouvons rien remettre à plus tard : c’est maintenant le moment d’agir. »
Enfin, elle s’est adressé aux institutions, soulignant la nécessité « d’une politique linguistique courageuse et solide » pour protéger et renforcer l’écosystème de la langue basque.

“Euskara gara” - Nous sommes la langue basque.
Pour présenter le message de cette édition, Ane Elordi Alburquerque, responsable de Korrika, a pris la parole. Selon elle, le slogan « Euskara gara » (« Nous sommes la langue basque ») s’adresse à toute la société :
« La langue basque peut nous rassembler toutes et tous, car elle n’est pas une frontière, mais un souffle. L’euskara doit être cultivé comme un pont. Nous voulons qu’il soit la langue commune de tou·te·s les habitant·es du Pays Basque, un outil de cohésion sociale. »

Elle a ajouté : « Le Pays Basque a besoin d’un souffle nouveau. Nous sommes le peuple de celles et ceux qui veulent rejoindre la communauté bascophone, qu’iels soient né·es ici ou venu·es d’ailleurs. L’euskara est notre souffle, la langue du soin mutuel et de la justice sociale. »

Hommage à Errigora
La 24ème KORRIKA rendra hommage à Errigora, pour reconnaître les efforts de cette initiative citoyenne qui œuvre en basque, pour le basque et à partir du basque, et pour lui apporter son soutien afin qu’elle poursuive son action.
Ane Elordi a expliqué : « C’est une façon de reconnaître l’effort réalisé dans les zones de Navarre où le basque n’est pas une langue officielle, et aussi de lui donner de l’élan pour l’avenir. »
Elle a également exprimé sa gratitude envers les Korrika Laguntzaile (partenaires et soutiens de la Korrika), ainsi qu’envers les acteurs et actrices du mouvement bascophone de Gasteiz :
« Grâce à vous tou·te·s, EUSKARA GARA — nous sommes la langue basque. »

Pour clore la présentation, la responsable principale a levé le témoin de la Korrika, invitant la population à faire résonner l’appel de Korrika aux côtés des membres du Conseil national d’AEK (Maialen Begiristain, Lurdes Etxezarreta, Bixente Claverie, Xabi Gartzia et Aize Otaño).

Avec cet acte symbolique, la flamme de Korrika a été allumée. Bien que la course ait lieu en mars, de nombreux rendez-vous culturels précéderont l’événement, dans le cadre de Korrika Kulturala.
Le spectacle principal sera « Kaka », lauréat de la 2ème bourse AEK-Korrika pour la création culturelle, dont la première aura lieu le 19 novembre au Théâtre Antzoki Zaharra de Donostia (Saint-Sébastien), avant une tournée dans plusieurs villes.

Korrika dans votre poche
La nouvelle application mobile gratuite Korrika est désormais disponible pour Android et iOS.
Boutiques Korrika ouvertes
Les boutiques Korrika des principales villes, ainsi que la boutique en ligne, ouvrent aujourd’hui. On y trouvera des vêtements, sacs à dos et autres accessoires.
À la fin de l’événement, les membres d’AEK et un groupe représentatif du mouvement bascophone de Gasteiz ont pris une photo de famille pour clôturer la présentation.

Martxan da Errigoraren Euskarari Puzka kanpaina, Nafarroako produktuekin osatutako saskiak eskatuz Ager zonaldeko euskalgintzari bultzada ematen diona.

Nafarroa erdi eta hegoaldean gurekin batera ari dira lanean Sortzen, Ikastolak eta Agerraldia euskarari bultzada emateko. Ezinbestekoak guztiak euskarak zonaldean arnasa har dezan bertatik eta bertarako lan eginez.
Lanean jarrai dezagun, ezinbestekoak zarete gainontzeko lurraldeetako euskalzaleak. Asmo horretan auzolana tresnarik baliotsuena, ezinbesteko elkartasun-keinua da Euskarari Puzka kanpaina, saskiak eskatuz balioaren %25a Ager zonaldeko euskalgintzara bideratzen delako.

Eskatu zure saski beltz, berde edo gorria errigora.eus atarian azaroaren 13a baino lehen!

Euskara larrialdi linguistiko egoeran dagoela adierazi eta urtebete geroago, Euskalgintzaren Kontseiluak bere diagnostikoa berretsi eta, eskuhartze sendorik egin ezean, euskararen etorkizuna jokoan dagoela adierazi du. Hala ere, larritzeko osagai guztiak izan arren, itxaropen mezu bat zabaltzeko prentsaurrekoa egin du Kontseiluak, eta euskaltzaleei dei egin die indarrak batzeko eta euskararen etorkizunari norabide berria emateko.

Euskaltzaleon garaia dela aldarrikatzeko, abenduaren 27an Bilbao Arena euskararen eta euskaltzaletasunaren bilgune eta arnasgune bilakatzeko deia egin du, milaka pertsona batuko dituen ekitaldi erraldoian. 17:00etan hasiko da Miribillako kirolgunean, eta sarrerak urriaren 16tik aurrera izango dira eskuragarri www.pizkundea.eus webgunean. 

AEKk ere agerraldian parte hartu izan du, euskalgintzako hamaika ordezkari eta norbanako euskaltzalerekin batera.

Adierazpena eta informazio gehiago Kontseiluaren webgunean.

Miramongo teknologia parkean elkartu dira gaur, irailak 26, “Batuz Aldatu” itunaren sinatzaileak, Euskararen biziberritzeko itun soziopolitiko berri baten edukiak zehazteko lanean diharduen lan-taldea.

Euskalgintzaren Kontseiluak dinamizatua, Batuz Aldatu adostasun sozialaren talde eragileak urtebeteko elkarrizketa prozesuaren ondoren garatu duen proposamena aurkeztuko du: itun soziopolitiko berrirako eskaintza. Bi izan dira dinamikaren norabide nagusiak hasieratik; ezagutzaren unibertsalizazioa alde batetik, eta euskara «normal eta eroso» erabiltzeko baldintzak jartzea bestetik. Oraingoan, itun soziopolitiko berriaren oinarriak zehaztu dira, eta horietan oinarrituko dira etorkizun hurbileko elkarrizketak.

Batzarrean AEKren hainbat ordezkarik hartu dute parte, besteak beste: Aize Otaño Lizarralde, Maialen Begiristain Grado eta Xabi Gartzia Castell (AEKren Nazio Kontseilutik), Ane Elordi Alburquerque (Korrika), Olaia Murua Zuazubiskar (Gipuzkoako koordinatzailea), Sebastien Castet (Azkaingo AEK Gau Eskolako kidea) eta Eider Gogorza Ulacia eta Aitziber Akerreta Hernandez (Donostiako AEKko kideak). Halaber, Xabi Gartzia Nafarroako artezkariak hartu du hitza Batzarrean, sinatzaileen talde eragileko kide den AEKren izenean.

Dagoeneko, Euskal Herriko hainbat arlotako 113 eragilek egin dute bat Batuz Aldatu prozesuarekin. Talde eragileko kideak hauek dira: AEK, Agirre Lehendakaria Center, Athletic Club Fundazioa, Bizipoza Bilgunea, Euskal Kontsumitzaileen Alkartea, Euskaltzaleen Topagunea (Taupa Mugimendua), Eusko Ikaskuntza, Gazte Euskaltzaleen Sarea, Gipuzkoako Erizainen Elkargoa, Mondragon Korporazioa eta Nafar Ateneoa.

Egin klik hemen “Batuz Aldatu” itun soziopolitiko berrirako eskaintza dokumentua deskargatzeko. 

Konpromisoak eta atxikimendu berriak
Itunari atxikimendua eman nahi dioten eragileek www.kontseilua.eushelbidean sinatu ahal izango dute dokumentua, euskararen aldeko konpromisoak hartuz. Hemen: kontseilua.eus/batuzaldatu

EUSKARA ZU ZARA KANPAINARI JARRAIPENA EMANGO DIO AEKREN PRAKTIKATU ZERBITZUAK IKASTURTE BERRIAN. Euskaldunon komunitatea indartzea helburu, eskaintza zabala dakarte AEKren mintzapraktika-programek, euskaraz aritu nahi duenak hainbat aukera izan ditzan.

AEK anfitrioi izan da 2025-2026 ikasturterako HABEren matrikulazio-kanpainaren aurkezpen nagusian gaur, irailak 10, Donostiako Antiguako AEK euskaltegian egindako agerraldian.

Amaia Irastorza Ezkurdiak, Donostiako AEKko zuzendariak, hitz egin du gure kooperatibaren izenean; “Euskara eroso ikasi eta bizi” gure kanpainari hainbat keinu egiteaz gain, «euskal herritar denek euskaraz jakiteko eta erabiltzeko duten eskubidea» azpimarratu du. Horretarako, Irastorzaren esanetan, «ezinbestekoa da gure instituzioen parte-hartzea eta erabateko sostengua, euskara jakiteko premia zabaltzeko, batetik, eta euskara ikastea irisgarria eta doakoa izateko, bestetik».

Agerpenean, HABEren izenean, Aitor Aldasoro Iturbe Hizkuntza Politikarako sailburuordeak hitz egin du. Bestalde, Claire Tonnelé eta Daniel Garcia euskara-ikasleek ere hartu dute parte.

Gaur, abuztuak 29, «euskaraz biziko den Nafarroan» parte izateko deia zabaldu diegu nafar guztiei Iruñean, Nafarroako Jauregian, Euskarabideak euskaltegiekin batera antolatutako prentsa-agerpenean.

AEKren izenean hitz egin du Beatriz Buldain Etxarrik, Nafarroako koordinatzaileak; eta ikasturte berriari «gogotsu ekiteko prest gaudela» aipatzeaz gain, egun Nafarroan euskaraz ikasteko «aitzakiarik ez dagoela» ere azpimarratu du. Izan ere, Nafarroako Gobernuak matrikulak finantzatuko ditu (hainbat kasutan, horien %100), aldez aurretik ezarritako baldintzak betetzen badira.

Buldainen esanetan, «bada garaia guztion artean bestelako Nafarroa bat eraikitzeko, elkarbizitzaren Nafarroa, eta horretan ere zu behar zaitugu»; eta, horretarako, “bizitokitik edo lantokitik gertu duzun euskaltegira jotzera animatzen zaitugu».

Argazkian, ezkerretik eskuinera, Euskarabidearen zuzendari Javier Arakama, Nafarroako Gobernuko bigarren lehendakariordea Ana Ollo eta Nafarroako AEKren koordinatzaile Beatriz Buldain.

Zenbaki berezia izango da, uda sasoirako propio prestatua: Ibon Gaztañazpiri eta Maitane Carballori egindako elkarrizketez gain, denbora-pasa eta ariketa kopuru bikoitza izango du.

AIZU! eskuratuta, aspertzeko betarik ez!! Harpidetzak, hemen.

EUSKARAZ KOOP. S.ren Batzar Orokor Berezirako deialdia

Euskaraz Koop. S.ren Estatutu Sozialetako 31. eta 32. artikuluetan xedatutakoari jarraituz, Artezkaritza Kontseiluak Euskaraz Koop. S.ren Ohiko Batzar Orokorrerako deialdia egin du.

DEIALDIA (zuzenduta)

Eguna 2025eko ekainaren 27a

Tokia: GASTEIZko Armentia ikastola

Ordua: Lehen deialdia 9:30ean.

Bigarren deialdia: 10:00etan

GAI ZERRENDA (zuzenduta)

Lehena.- Akta onartzeko bi bazkide eta batzarreko idazkaria izendatzea.

Bigarrena.- Euskalgintzaren Kontseilua. (Lan ildoen aurkezpena)

Hirugarrena.- Kudeaketarekin lotutako zenbait proposamen (24-25 aurrebalantzea eta 25-26 aurrekontuaren aurreikuspena, 25-26 ikasturterako z.o.-ak,egin beharreko ekarpenaren zenbatekoa, Korrika...)

Laugarrena.- Kontu ikuskaritza aukeratzea.

Bosgarrena.- Sozietate organoak: Zaintza eta Helegite batzordeen berritzea.

Seigarrena.- Estatutuen egokitzapena.

Zazpigarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak burutzeko.

Zortzigarrena.- Galde-eskeak.

OHARRA: Bazkideei jakinarazten zaie, Euskadiko kooperatiben legearen 24.4 eta 78.1c artikuluetan zedarritutakoarekin bat etorriz, bazkide guztiek dutela eskura kooperatibaren egoitza sozialean eta barne sarean kooperatibaren dokumentazio ekonomikoa eta Estatutuen moldaketa proposamenaren justifikazio txostena, batzarrean landuko den gainerako dokumentazioarekin batera.

Lehendakaria

Lurdes Etxezarreta Artabe.

Bilbon, 2025eko ekainaren 10ean.

Esaera Zaharren Txapelketaren antolatzaileek irakurri dute Sopelako jaien pregoia. 

Jaiak atzo hasi ziren, eta Bego Rodriguez, Oihana Carrasson, Patxi Garcia, Maddalen Markaida eta Aitor Fernández de Martikorenak izan zuten herriko jaiei hasiera emateko ohorea, pregoia irakurrita. Izan ere, 30 urte bete dira aurtengo apirilean txapelketa lehenengoz antolatu zenetik. Txupina, berriz, Breaking Katxi kuadrillak bota du. 

Eskerrik asko Sopelako Udalari aitortzagatik, eta zorionak, Bego, Patxi, Oihana, Maddalen eta Aitor!

Gora Sopelako jaiak! Biba Esaera Zaharren Txapelketa! 

Ekainaren 5 eta 6an, Ongi Etorri Euskararen Mundura. II. Harrera Jardunaldiak izango dira, Bilbon, Arrupe Etxean, Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak elkarlanean antolatuta.

Euskararen normalizazio eta biziberritze prozesuaren egungo erronketako bat da euskal herritar berriak helburu hori erdiesteko aliatu egitea. Horretarako, ezinbestekoa da hizkuntza harrera egokia gauzatzea. Premia hori sumatuta lanean ari dira hainbat eragile eta instituzio. Nolanahi dela, sortzen ari diren gogoeta eta praktika horiek elkarrekin partekatu eta amankomunean bideratzea premiazkoa da hizkuntza harrera egokira ailegatzeko. Hain justu, aurreko urteko Ongi etorri euskararen mundura harrera jardunaldietan, harrera egoki baterako zumeak zeintzuk izan beharko liratekeen hausnartu genuen (ikus iazko kronikak eta grabazioak).

Aurtengo jardunaldietan berriz, hausnarketa horiek indarrean jartzeko aukerez hitz egingo da, martxan dauden harrera plan eta praktikak elkarbanatzeko aukera ere egongo da.

AEKko ikasle ohi eta eusktreneko langile Fernan Lopezek "Askotariko bideak, hautu bat: zer eman digu euskarak? Erdarazko ereduetan eskolaratutakoen edota helduak zirela euskaldundutakoen gogoetak" solasaldian parte hartuko du.

Nori zuzenduta daude?
Jardunaldiak udaletako arduradun politikoei, euskara eta migrazio teknikariei, hezkuntza formal eta ez-formaleko hezitzaileei eta gizarte mugimenduetako kideei zuzenduta egongo dira, baita gaian interesa duen edonori ere. AEKko kideok ere bertan izango gara.

Egitaraua eta informazio gehiago Kontseiluaren webgunean.

Euskaraz ez dakiten gurasoentzako ikastaro praktikoak dira. UEMAko kide diren eta Euskara eta kulturartekotasuna proiektua martxan duten herrietako gurasoek izango dute parte hartzeko aukera.
Norentzat? Euskara ulertzen ez duten gurasoentzat.
Noiz? 2025eko urritik 2026ko ekainera.
Non?  Ikastetxean bertan.
Ordutegia:  Umeak eskolan dauden artean, astean bi egunetan.
Ordu kopurua: 150.
Prezioa:  Erabat doan.
Non eman behar da izena? Eskolako idazkaritzan bertan, edo online labur.eus/etorriEUS helbidean.

Ikastaroei buruzko informazio guztia: labur.eus/etorri_euskarara  
Izena emateko lotura zuzena: labur.eus/etorriEUS  
Diptikoak, 10 hizkuntzatan: https://labur.eus/etorri_diptikoak (Euskaraz, gazteleraz, arabieraz, frantsesez, ingelesez, urduz, errumanieraz, ukrainieraz, katalanez eta woloferaz).

Etorri euskarara! egitasmoa aurkeztu dute gaur AEKk, UEMAk eta Aizarnazabalgo Udalak. Egitasmoaren helburua da euskaraz ez dakiten gurasoek euskara modu praktikoan eta eraginkorrean ikastea, seme-alaben ikastetxean bertan eta eskola-orduetan. Horretarako, ziurtagirietatik at, AEKk gurasoen beharretara egokitutako metodologia prestatu du, honako helburu hauekin: seme-alaben ikasketa-prozesuan bidelagun izateko baliabideak izatea, gurasoen arteko harremanetarako oinarrizko ezagutza eskuratzea eta euskara lehenesteko estrategiak garatzea, haien eguneroko komunikazio-egoerak euskaraz izan daitezen.

Hala, AEKren Nazio Kontseiluko kide Aize Otañok adierazi du AEKren erronketako bat dela “Euskal Herrira etorri diren gurasoak euskalduntzea eta haiekiko zubiak eraikitzea, euskal komunitatearen parte izan daitezen”. Ondorioz, “guraso hauengana iristeko, garrantzi handia du, guretzat, haien kultura errespetatzeak eta zubiak bi noranzkoetan eraikitzeak, herriaren eta herritarren identitateak trinkotzeko. Azken helburua da, herri eta herritarren nortasuna eraikitzean, euskara erdigunean jartzea”. Otañok, halaber, eskerrak eman dizkie proiektuan parte hartuko duten herrietako udal guztiei, “kostua ordaintzeagatik ikastaroak doakoak izan daitezen, herritarren eskubidea baita euskara doan eta eroso ikastea”; azkenik, UEMAren lana ere laudatu du, “elkarlanerako prestasuna adierazteagatik eta euskararen normalizazioan egiten duen esfortzuagatik, arnasguneak bultzatuta”.

AEKren Irakaskuntza-arduradun Maialen Otegik, berriz, azaldu du AEKk berariazko metodologia prestatu duela, gurasoon ikasprozesuan eta eguneroko erabileran eragiteko: “Bi esparru jorratuko ditugu horretarako: batetik, eskoletan, edukiak eta estrategiak eskainiko dizkiegu, hizkuntza barneratu eta euskarazko komunikazioa errazteko; bestetik, garrantzia emango diogu eskolez kanpoko lanari, bestelako ekintzak planteatuta: adibidez, saio irekiak ikastetxeko gainontzeko kideekin, edo/eta kultura-agendan parte hartzera bultzatu. Horregatik, dei egiten diegu Etorri euskarara! ikastaroak martxan jarriko diren herrietako guraso euskaldunei bidelagun izan daitezen. Izan ere, bi komunitateen arteko zubiak eraikitzea ezinbestekoa da euskara hizkuntza soziala izan dadin: etxekoa, kalekoa eta ikastetxekoa”.

IKASTETXEAN BERTAN, ETA DOAN
Ikastaroak doan izango dira, eta UEMAko udalek finantzatuko dituzte Araban, Bizkaian eta Gipuzkoan. Nafarroako udalerrien kasuan, UEMAko udalek, eskualdeetako mankomunitateek eta UEMAk berak finantzatuko dituzte.

Martin Aramendi UEMAko lehendakariak nabarmendu du “estrategikoa” dela egitasmoa. Izan ere, ikastaroek euskarara hurbiltzeko aukera emango diete gurasoei, esparru akademikoa alde batera lagata, beren eguneroko zereginetan erabiltzeko. “Gurasoak euskarara hurbiltzea ezinbestekoa da haien seme-alabek etxean euskararen aldeko diskurtsoa jaso dezaten, ikus dezaten euskara badela lotzen gaituen zerbait, gure hizkuntzak merezi duela ikastea zein erabiltzea”. Aramendik uste du euskararen “ikuspegi berri bat” izan dezaketela ikastaroan izena ematen duten gurasoek zein haien familiek: “Ikuspegi praktikoa, arina, lagunartekoa”.

Egitasmo hau Euskara eta kulturartekotasuna udalerri euskaldunetan proiektuaren harira sortu da. Badira lau urte UEMAk, HUHEZIrekin elkarlanean, Zaldibian proiektu hori martxan jarri zuenetik. Ekimenak harrera ona izan du, eta dagoeneko 40 herritan da abian. Hain zuzen, proiektua martxan den udalerrietan eskainiko dira Etorri euskarara! eskolak.

Aizarnazabalen hiru ikasturte daramatzate egitasmo hori eskolan zein herri-mailan lantzen. Mari Karmen Arregi alkateak balorazio ona egin du: “Euskara eta kulturartekotasuna egitasmoak aldaketak ekarri ditu gure herrian. Hizkuntza eta kultur aniztasuna oinarri dituen begirada eskaini digu, eta egunerokoan dugu begirada hori gogoan”. Halere, Arregik esan du proiektuak “erronkak” ere azalarazi dituela: “Aizarnazabalgo hizkuntza guztiei keinu egin nahi diegu, baina zubi-hizkuntza euskara izatea da gure helburua. Horretarako, gurasoen gaitasunean eragitea beharrezkoa da, gehiagok, gehiagotan eta gehiagorekin egin dezagun euskaraz”. Ildo horretan, alkatearen arabera, “pare-parekoa” da ikastaroa, “benetan ikasleek behar duten hori” eskaintzen duelako.

AURREMATRIKULA, IREKITA
Urrian abiatuko dira ikastaroak, eta 150 ordukoak izango dira. Astean bi saio eskainiko dira, bina ordukoak. Ikastetxean bertan eta eskola-orduetan eskainiko dira. Dagoeneko zabalik da aurrematrikula, ekainaren 30a artean. Izena emateko aukera egongo da ikastetxe zein udaletan. Datozen egunetan jasoko dute gurasoek informazio guztia, ikastetxe zein udalen bidez.

Ekuadorreko Sisariy elkarteko kitxuak izan dira AEKn  Bost egunez ibili dira gurean, AEKren laguntzaz osatzen ari diren Sakipuna proiektuan sakontzeko. Izan ere, AEKren moduko erakunde bat sortzea dute xede, baita kichwa wasi bat (kitxua etxea) irekitzea ere. Hori dela eta, AEKk eskainitako formazio saioetan hartu dute parte, hainbat gai lantzeko: berdintasun politika, euskaltegien egitura eta funtzionamendua, mintzapraktika, Korrika, baliabide didaktikoak eta formazioaren jarraipena...

Urte batzuk daramatza AEKk Garabide Elkartearekin elkarlanean. Azken bi ikasturteetan AEKko didaktikari eta irakasle Esti Nieva Ekuadorren izan da, komunitate kitxuan hizkuntza biziberritzeko estrategia espezifikoen beharrari erantzuteko hainbat proiektu garatzen.

Sisaray elkarteko lagunek helduen irakaskuntzari lotutako formazioa eta aholkularitza jaso dute AEKren eskutik, eta horrez gain talde batek A1 mailako eskolak emateko metodologia formazioa jaso eta materiala sortzen aritu dira.

Maiatzaren 26tik 30era Gau Eskoletako ateak zabalduak izanen zaizkie Iparraldeko AEKn erakasle izan nahi luketen guziei.
Klase ideki edo buruz-buruko hitzorduen bidez, erakasle izateko xehetasun guziak emanak izanen dira.

Hemen gau-eskolen zerrenda.

Etorri gurekin euskara goxoki irakastera!!

Euskaraz Koop. S.ren Estatutu Sozialetako 31. eta 32. artikuluetan xedatutakoari jarraituz, Artezkaritza Kontseiluak Euskaraz Koop. S.ren Ohiko Batzar Orokorrerako deialdia egin du.

DEIALDIA

Eguna 2025eko ekainaren 27a

Tokia: GASTEIZko Armentia ikastola

Ordua: Lehen deialdia 9:30ean.

Bigarren deialdia: 10:00etan

GAI ZERRENDA

Lehena.- Akta onartzeko bi bazkide eta batzarreko idazkaria izendatzea.

Bigarrena.- Euskalgintzaren Kontseilua. (Lan ildoen aurkezpena)

Hirugarrena.- Kudeaketarekin lotutako zenbait proposamen (24-25 aurrebalantzea eta 25-26 aurrekontuaren aurreikuspena, 25-26 ikasturterako z.o.-ak,egin beharreko ekarpenaren zenbatekoa, Korrika...)

Laugarrena.- Kontu ikuskaritza aukeratzea.

Bosgarrena.- Sozietate organoak: Zaintza eta Helegite batzordeen berritzea.

Seigarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak burutzeko.

Zazpigarren.- Galde-eskeak.

OHARRA: Bazkideei jakinarazten zaie, Euskadiko kooperatiben legearen 24.4 eta 78.1c artikuluetan zedarritutakoarekin bat etorriz, bazkide guztiek dutela eskura kooperatibaren egoitza sozialean eta barne sarean kooperatibaren dokumentazio ekonomikoa eta Barne-araubideko erreglamenduaren berrikusketa proposamena, batzarrean landuko den gainerako dokumentazioarekin batera.

Lehendakaria

Lurdes Etxezarreta Artabe.

Bilbon, 2025eko maiatzaren 23an