: Euskal Herriko AEK - : Euskal Herriko AEK

Azterketa ofizialen datak

EGA

EAEn. Matrikula epe: uztailaren 2tik 16ra. Atariko proba: irailaren 15ean. Proba idatzia: urriaren 6an. Ahozko proba: azaroaren 16an edo/eta 17an. Informazioa.

Nafarroan, 2. deialdirako matrikula epea: 2018ko ekainaren 18tik uztailaren 13ra. Atariko proba: irailaren 8an. Proba idatzia: irailaren 29an. Ahozko proba: azaroaren 16an edo/eta 17an. Informazioa

IVAP

Idatzizko azterketa: maiatzaren 5ean egingo da, Barakaldoko BECen. Ahozko azterketa: ekainaren 18an, 19an eta 20an egingo da, hiru lurraldeetan (*) Egunak, lekuak eta orduak eta deitutakoen zerrenda: Ekainaren 8an argitaratuko dira. (*) Azterketarien kopurua aintzat hartuta erabakiko da zenbat egunetan egingo den.

Informazio gehiago

HABE azterketak (B2, C1, C2). Informazioa HEMEN.

Apirilaren 9tik 16ra B2, C1 eta C2 gaitasun-mailak egiaztatzeko probak egiteko izen-ematea Internet bidez bideratuko dira, www.habe.euskadi.eus atarian. Jarraian duzue maila bakoitzari dagokion egutegia:

B2. 2018ko bigarren deialdiko egutegia:

Matrikula-epea: irailaren 14-25 bitartean
Onartuen zerrenda: irailaren 27an
Irakurmeneko eta entzumeneko proben emaitzak: urriaren 15ean
Idazmeneko proba: urriaren 20an
Idazmeneko emaitzak: azaroaren 16an
Mintzameneko proba: azaroaren 22an, 23an eta 24an
Emaitzak: abenduaren 13an

C1. 2018ko bigarren deialdiko egutegia:

Matrikula-epea: irailaren 14-25 bitartean
Onartuen zerrenda: irailaren 27an
Irakurmeneko eta entzumeneko proben emaitzak: urriaren 15ean
Idazmeneko proba: urriaren 20an
Idazmeneko emaitzak: azaroaren 16an
Mintzameneko proba: azaroaren 29an eta 30ean eta abenduaren 1ean
Emaitzak: abenduaren 13an

C2. 2018ko bigarren deialdiko egutegia:

Matrikula-epea: irailaren 14-25 bitartean
Onartuen zerrenda: irailaren 27an
Irakurmeneko eta entzumeneko proben emaitzak: urriaren 15ean
Idazmeneko proba: urriaren 20an
Idazmeneko emaitzak: azaroaren 16an
Mintzameneko proba: azaroaren 30ean eta abenduaren 1ean
Emaitzak: abenduaren 13an

Deialdi irekia. Matrikulatzeko epea: irailaren 14tik 25era. Informazioa.

Norberak dituen erabiltzailea eta pasahitza beharrezkoak dira matrikula egin ahal izateko:

Erabiltzailea: Norberaren NANaren zenbakia, letrarik gabe.

Pasahitza: Lehen aldiz sartzean, norberaren NANaren zenbakia (letrarik gabe) erabili behar da. Hurrengo pantailan pasahitza aldatzea eskatuko da. Handik aurrera, pasahitz hori baliatu beharko da. Ahaztuz gero, eta HABEk ikasle horren helbide elektronikoa ezagutzen badu, pasahitza berreskuratu aukera erabili ahal izango da. Bestela, euskaltegira edo HABEra jo daiteke.

Ondoren, jo Indarrean dauden azterketa-deialdietara – Deialdia eta maila – Matrikula egin/ikusi. Matrikula-inprimakia bete eta grabatu.

MATRIKULAREN ORDAINKETA

Matrikularen ordainketa ere epe horren barruan egin beharko da, internet bidez edo, bestela, horretarako bidea ematen duten finantza-erakundeetan (Kutxabank, Sabadell, Laboral Kutxa, Bankoa, BBVA, Banco Santander, CaixaBank, Banco Popular), izena ematean eskuratzen den matrikula-inprimakia erabiliz.

Matrikulatze-prozesua osatu dela ulertuko da izen-ematea eta matrikula-ordainketa emandako epearen barruan eginak daudenean. Beraz, izen-ematea edo ordainketa matrikula-epearen barruan ez egin izanak egiaztatze-prozesutik kanpo gelditzea ekarriko du.

Matrikula-ordaina 30 eurokoa izango da maila bakoitzeko. Gutxienekoak bete eta maila batera baino gehiagora aurkeztu nahi duen azterketariak zenbat matrikula, hainbat matrikula-ordain egin beharko ditu. Matrikula bakoitza deialdi bakar baterako izango da.

Kontuan izan, HABEren zuzendari nagusiaren 2017ko abenduaren 15eko Ebazpenaren 9.3 oinarriaren arabera, bigarren deialdian trebetasun-proba guztiak egin behar ez dituenak ere ezarritako diru-kopurua ordaindu beharko duela matrikula gisa; hau da, bigarren deialdian parte hartu nahi izatera, izen-ematea eta dagokion ordainketa burutu beharko dituela horretarako ezarritako epe barruan.

Bestalde, norberak ikusi nahi badu matrikulatze-prozesua ondo burutu duen, klik egin: Matrikula zertan den. Hemen agertzen zaion mezua “Zure ordainketa ez da oraindik prozesatu” bada, honek ez du esan nahi ordainketa egin gabe dagoenik; ordainketa egoki prozesatzeko bi eta hiru egun arteko epea behar izaten da.

Edozein kasutan, azterketariaren ardurapekoa da matrikula ordaindu izana egiaztatzea.

Iturria eta informazio guztia honako helbidean daukazue: HABE-Ikasleen egiaztatzea 2018

Hizkuntza Eskolako azterketak: maiatzaren bukaeran, ekainean.

Hizkuntzen Europako Marko Bateratuak 6 maila komun ezartzen ditu (A1, A2, B1, B2, C1 eta C2) erreferentziatzat hizkuntzaren ezagutza aitortzeko. Horiek ziurtatzeko, ordea, erakunde bakoitzak ziurtagiri propioa du. Hori dela eta, HEMBak, 2010eko azaroaren 9an, 297/2010 DEKRETUA argitaratu zuen non euskara jakite-maila ziurtatzen duten tituluak baliokidetu zituen. Ondorengo taulan aztertu daiteke euskararen ezagutza egiaztagirien baliokidetzak:

Euskara jakite-maila ebaluatzen duten hizkuntza-ziurtagiriek 4 trebetasunen ezagutza ebaluatzen dituzte: entzumena, irakurmena, idazmena eta mintzamena. HABEko azterketen kasuan, esate baterako, trebetasun hartzaileen proba (entzumena eta irakurmena) euskaltegian egiten da; horretarako, datak eta orduak jakinaraziko dizkizuegu.

Horretaz gain, taulan ikus daitekeen moduan, euskara maila egiaztatzeko zenbait titulu ofizial daudenez, eta bakoitzak bere prozedura propioa duenez, zalantzak argitzeko hemen dituzue web-orrialde batzuk:

HABE azterketak.
EGA.
Osakidetzako hizkuntza eskakizunak.
IVAPeko hizkuntza eskakizunak.
Hizkuntza Eskolako matrikula librea.

Azterketa horiek prestatzeko eskaintza zabala duzu AEKko 100 euskaltegi baino gehiagotan: eskolak euskaltegian, on-line ikastaroak, autoikaskuntza, barnetegiak etab.