Praktikatu - : Euskal Herriko AEK

Praktikatu (38)

Bidelagunak nahi ditugu

Bidelagunak nahi ditugu mintzataldeak aktibatu eta euskalduntzen ari direnei laguntzeko. Baina, horretarako, ez dugu euskara-irakaslerik behar. Izan ere, mintzataldeetan ez dago eskolarik, ezta zuzenketarik ere; euskaraz natural egiten duen edonor bidelagun izan daiteke.

Mintzataldean, lagun eta esperientzia berriak ezagutuko ditu. Horrez gain, bidelagun izateak abantailak dakartza: deskontuak, opariak, zozketak...

Bidelaguna izan nahi baduzu, jo zure herriko mintzapraktika-programara edo bidali mezua Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera.

Praktikatu

Gehiago irakurri

Kirola eta Natura egitasmoa martxan

KIROLA eta NATURA programaren 2020ko eskaintza prest daukagu. Ekimen horren bitartez, Euskal Herriko txokorik ederrenak euskaraz ezagutzera gonbidatzen zaitu AEKren Praktikatu zerbitzuak. Mintzapraktika programetan antolatzen ditugun mendilagun irteerak osatzeko bi proposamen ditugu:

Batetik, ASTEBURUKO TXANGOAK: 2020an 6 asteburutan txangoak antolatu ditugu.

Urtarrilaren 26an, Delika zirkoan orientazioa.
Otsailaren 16an, Altubeko baso eta ur-jauziak.
Martxoaren 15ean, Zumaiako geoparkea.
Maiatzaren 10ean Entziako baso sorgindua.
Maiatzaren 31n Montefuerte parkean orientazioa.
Ekainaren 14an Araotzeko haitzuloak.

Txangoetan parte hartzea dohanik bada ere, nahitaezkoa da aurretik izena ematea. Partaide guztiek jasoko dute opari bat, txangoa abiatzerakoan. Halaber, adituen taldeak izango dira beti bidean laguntza emateko. Txangoetan izena emateko bete fitxa hau.

Bestetik, UDAKO IBILTARIAK: 2020ko udako oporrak disfrutatzeko 15 eguneko 2 ibilbide antolatu ditugu: Lehen aukera, Gorbeiako parke naturaletik irten eta Izaban amaituko dugu, uztailaren 17tik 31ra. Bigarren aukera, Arabako Oion herrian hasita kostaldeko Lekeitioraino ibilbidea, abuztuaren 1etik 15era.

Erreserbak egiteko epea apirilean zabalduko dugu. Prezioa: 595 €

Praktikatu

Gehiago irakurri

IRAKURZALE KLUBA, 11 aukera euskaraz praktikatu eta bizitzeko

Ikasturte honetan, eta aurreneko bider, Irakurzale Klubak abiarazi dituzte Durangaldeko eta Meatzaldeko berbalagunek; edonola ere, ez dira hutsetik hasi: arretaz erreparatu diete martxan dauden Santurtziko eta Sestaoko esperientziei.

Irakurzale Klubak irekiak dira, eta bertan irakurritako liburuari buruzko iritziak partekatzen dira: gaiak, liburuaren estiloa eta pertsonaiak... Gainera, ahal den heinean idazlearekin berarekin batzeko aukera izaten da.

Beraz, irakurtzea gustuko baduzu eta zure herrian Irakurzale Kluba sortu nahi baduzu, jarri gurekin harremanetan: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Praktikatu

Gehiago irakurri

Euskara ikasleentzako material didaktikoa berria

Praktikaturen eskaintza ezagutzeko eta sustatzeko AEKren Didaktika zerbitzuak material didaktikoa berria sortu du; B1 eta B2/C1erako material sorta bana hain zuzen ere. Nork bere erabilera-plana egitera bideratuta daude jarduera guztiak.

Euskaltegietako ikasleei Praktikaturen eskaintzaren berri emango zaie eta horrekin batera, euskaraz klasetik kanpo egiteko komenigarritasunaz ere hausnartuko dute.

Materiala hemen eskuragarri dago.

Eskolaz kanpo ere, euskara praktikatu eta euskaraz bizi!

Praktikatu

Gehiago irakurri

Euskaraz praktikatu nahi?

Dagoeneko, zabalik dago izena emateko epea mintzapraktika programetan. Aurten ere, AEKren Praktikatu zerbitzutik hainbat aukera eskaini nahi dizkizugu: astean behin mintzataldean elkartu eta lasai hitz egin; gurasolagun egitasmoan tailerrak eta asteburu pasak egin familian; Kirola eta Natura programaren bidez Euskal Herriko naturguneak ezagutu; mintzodromoetan parte hartu; eta gure bestelako eskaintzez gozatu: tailerra, hitzaldi, kantulagun, irakurzale klubak... Beraz, gure eskaintza gustuko baduzu, aski duzu zeure inguruko euskaltegi, euskara-elkarte edo euskara-zerbitzuetara jotzea, edota izena emateko fitxa hau betetzea.

praktikatu

Praktikatu

Gehiago irakurri

Praktikatu zerbitzuaren erabiltzaileak, pozik

AEKren Praktikatu zerbitzuak inkesta egin du bukatzear den ikasturtean mintzapraktika egitasmoetan parte hartu duten kideen artean, eta nabarmentzekoa da % 89,1ek oso ondo edo bikain baloratu duela egitasmoa. Parte-hartzaileen % 70,6 bidelariak izan dira (batez ere euskara praktikatzeko helburuz ibili diren euskara ikasleak edo ikasle ohiak); bidelagunek, berriz, bi arrazoi nagusi aipatu dituzte proiektuan parte hartzeko: euskaraz hitz egiteko espazio berriak topatzea eta praktikatu nahi duenari laguntzea. Parte-hartzaileen % 42k dio askoz gehiagotan egiten duela euskaraz egitasmoan dabilenetik; % 41,6k, berriz, gehiagotan egiten duela.

Praktikatu

Gehiago irakurri

Kirola eta Natura: ekaineko irteerak

PRAKTIKATUko lagunek prest dituzte KIROLA ETA NATURA egitasmoko ekaineko ekintzak.

Hauexek dira:

Ekainaren 09an URKIOLATIK IPIZTERA IBILBIDE ZIRKULARRA (14km). Tartean, Santa Kruz apaiza-gerrileroren ezkutalekua bisitatuko dugu. Izena emateko azken eguna: ekainak 6.

Ekianaren 23an ITXINATIK ZEHARKALDIA. Atxular begitik sartu, Supelegor kobazuloa bisitatu eta Kargalekutik aterako gara. Izena emateko azken eguna: ekainak 20.

praktika jarduerak

Praktikatu

Gehiago irakurri

Urduñan, "Gure hizkuntza, gure elikadura, gure mundua" III. topaketa

Ekainaren 1ean, Urduñako merkatuan, GURE HIZKUNTZA, GURE ELIKADURA, GURE MUNDUA topaketaren hirugarren edizioa antolatu dugu VSF-Bidezko Elikadura elkarteak eta AEKren Praktikatu zerbitzuak, Urduñako udalaren laguntzarekin.

Praktikatu

Gehiago irakurri

Udako berbalagun / mintzalagunak: udan ere, praktikatu eta bizi!

Zabalik da dago udako mintzatalde eta berbataldeetan apuntatzeko epea.

Uda honetan euskara praktikatu nahi duzu, giro lasai eta lagunkoian? Hementxe duzu aukera bat: udako berbalagun eta mintzalagun taldeak.

Zerbait hartzeko, paseoak emateko, jardueratan parte hartu eta txangoak egiteko...

Ikasturtea amaitzearekin batera, talde batzuk desagertu egiten dira; beste batzuk, aldiz, partaide berriak hartu eta birsortu egiten dira. Horietakoren batean parte hartu nahi baduzu, zure herriko euskaltegian izena eman edo bete FITXA HAU.

...eta ez ahaztu, hau guztia DOHAINIK dela!

Izena emateko azken eguna: ekainaren 14a.

Praktikatu

Gehiago irakurri

Kirola eta Natura: orientazioa Zugaztietan

Dakizuen bezala, Kirola eta Naturaren egitasmoaren barruan, 6 txango antolatu ditu Praktikatuk. Lehenengoa Mairuelegorreta kobazulora egin zuten. Bigarrena, Itxinara.

Hurrengo hitzordua, Zugaztietan (Trapagaran) izango dute, apirilaren 21ean. Bertan oinarrizko orientazio-arauen ikastaroa burutuko dute. Izena emateko HEMEN apirilaren 18a baino lehen.

Praktikatu

Gehiago irakurri

Orrialdea 3/3