2025eko balantzea
2025. urtea oparoa izan da LANDUErentzat: Euskaraldian parte-hartze masiboa izan dute sareko enpresek (28 enpresa eta 1.500 langile ingururi eragin die), LANHITZ dirulaguntzei esker proiektu sendoak garatu dira (hizkuntza-politikak, praktikaldien euskalduntzea, barne-erabilera…) eta egitasmoko hitzarmenkide batek, SORLAND enpresak, abenduan Bikain ziurtagiria jasoko du.
Era berean, “Esku-hartze espresa” zerbitzu berria aurkeztu da: enpresek modu azkar, erraz eta merkean beren irudi digitala (webguneak, sare sozialak, app-ak…) euskalduntzeko aukera.
Enpresen testigantzak
- Eneritz Zabala (BAQUE, LANDUEkide beteranoa): markaren lanketan euskarak duen presentzia eta funtzioari buruzko hausnarketa sakona.
- Amaia Kalzakorta (BRUSS) eta Galder Uriarte (PATXIKOOP): beren enpresetan garatutako “Euskara-tratuak” dinamika azaldu dute. 2025ean Bizkaian 20 enpresatan baino gehiagotan jarri da martxan.
Sinadura-ekitaldia
Ekitaldiaren unerik hunkigarriena sinadura-ekitaldia izan da: 2025ean LANDUEra batu diren enpresa berriak aurkeztu eta hitzarmenak sinatu dira. Ondoren, sareko kide guztiek talde-argazki kolektiboa atera dute.
Hitzarmenkide berriak
- ANBOTO
- GARAIA OSASUNERAKO SUSTAPENA
- TAULA
- BIOLUR
- ERLIA
- EVEC
- WE ARE CLICKERS
- CUMENORTE
- SOLATSU TELLERIA ESPAZIOA
- SMURFIT WESTROCK NERVION
- LATXABERRI
- FURESA
Euskararen Eguna: erronka
Amaieran, abenduaren 3ko Euskararen Egunerako erronka plazaratu da: “365 egun euskaraz”. Bertaratuek konpromisoa hartu dute bezeroei, hornitzaileei eta ingurukoei euskarazko mezu bat bidaltzeko.
Ekitaldia mokadu eta elkarrizketa-saio informal batekin amaitu da.
Adierazpenak
Idoia Otaduy (Durangaldeko Mankomunitateko presidentea): eskerrak eman dizkie hitzarmenkideei eta LANDUEkideei, eta euskararen erabilera lan-munduan indartzearen garrantzia azpimarratu du.
Sonia Rodriguez (Eusko Jaurlaritza): elkarlanaren garrantzia nabarmendu du eta LANDUE proiektuaren indarra berretsi.
Isaac Amezaga (Bizkaiko Foru Aldundia): tokiko erreferenteen eta esperientzia errealen balioa azpimarratu du.
LANDUEri buruz
LANDUE Durangaldeko enpresetan euskararen presentzia eta erabilera sustatzeko komunitatea da. Durangaldeko Mankomunitateak, Eusko Jaurlaritzak eta Bizkaiko Foru Aldundiak babesten dute, eta Ahize-AEKk koordinatzen du. 2025ean 30 enpresak baino gehiagok osatzen dute sarea.