ADI! Abian dira Eusko Jaurlaritzaren dirulaguntza-lerroak euskara ikasten hasiko diren pertsonentzat (A1 eta A2 mailak).
Maila horietako ikasleek ikastaroaren ordu kopurua x 0,60 ordainduko dute. Adibide gisa, hemen duzue matrikularen simulazio bat: A1 mailan 240 orduko ikastaro batek 540 euro balio baditu orain, laguntza berriari esker, 144 euro baino ez da ordaindu beharko.
Ezaugarri nagusiak:
- Ikasle bakoitzari maila bakoitzeko ikastaro bakarra ordainduko zaio. Hau da, maila bakoitzari (A1 behin, A1A1 behin eta A2A1 behin) dagokion dirulaguntza behin bakarrik eskatu ahal izango du, nahiz eta ez iritsi ordu mugara.
* Iraupen luzeko ikastaroetan, alegia, bi azpimaila edo gehiago egiten diren ikastaroetan, dirulaguntza bat baino gehiago eskatu ahal izango dute.
- Ordu muga: A1 mailako ikasleek 200 orduri dagokion dirulaguntza jasokodute, gehienez. A2 mailako ikasleek 330 orduri dagokion dirulaguntza jasoko dute, gehienez; baina bi azpimailatan banatuta: A1A1 hasiera maila dutenek 165 ordu eta A2A1 hasiera maila dutenek beste 165 ordu.
- Autoikaskuntzako eta e-uskaltegiko ikasleek diru-muga ere izango dute:
▪ A1: gehienez 455 € jasoko dituzte.
▪ A2: gehienez 750 € jasoko dituzte
BALDINTZAK:
- Abiapuntu-mailak:
A1: A0A0 edo A1A0
A2: A1A1 edo A2A12.
- Edozein mailatan, gutxienez komunikagaitasun-mailetako trebetasunetako batean (entzumena, irakurmena, idazmena, mintzamena) aurrera egitea eta asistentzia % 75ekoa izatea. Bi baldintza horiek bete ezean, ikasleak matrikula osotasunean ordaindu beharko dio HABEri.
- Ezin izango dute parte hartu deialdi honetan 2024-2025ean A2A2 azpimaila lortu dutenek, ezta matrikula egiteko unean A1 edo A2 egiaztatu dutenek (titulua dutenek) ere.
- Ezin izango dute parte hartu 2024-2025ean A1eko dirulaguntza eskatu. Ezin izango dute parte hartu 2024-2025ean A1eko dirulaguntza eskatuzutenek.
Informazio gehiago HABEren webgunean, HEMEN.
Prezio zehatza, baldintzak eta matrikula egiteko moduak AEKko euskaltegietan topatuko dituzue.
AEKn euskara eroso ikasi eta bizi