Euskalduntzearen C2 maila
18/19 ikasturtean C2 maila egiaztatu nahi duten Uribe Kostarrentzat ikastaroa eskaintzen dugu AEKn. Getxoko Lauaxeta AEK euskaltegian emango diren eskoletan C2 mailarako zehaztutako edukiak lantzeaz gain, egiaztatze-probak ere prestatuko dira.
Ikastaroan parte hartu ahal izateko euskalduntzearen EGA edo baliokidearen ziurtagiria aurkeztu behar dute ikaslegaiek.
18/19 ikasturterako ikastaroen eskaintza
Horretaz gain guraso-taldeak, Batxilergoko ikasleentzako ikastaroak, dendariak …
EN SEPTIEMBRE, QUIERES RECIBIR UNA CLASE DE EUSKERA GRATIS?
Irailaren 18an / 18 de septiembre
Euskara eskolak doan. Ate irekiak AEKren euskaltegietan.
Clases de euskera gratuitas. Jornada de puertas abiertas en los euskaltegis de AEK
Euskara-eskola bat dohainik probatu nahi duzu? Bilatu zure euskaltegia zerrendan eta eman izena. Doan!
Oharra: eskolak A1 (0tik abiatzen bazara) eta A2 (A1 maila edukita) mailetakoak izango dira.
¿Quieres probar una clase de euskera gratis? Busca en la lista el euskaltegi más cercano y apúntate. ¡Es gratis!
Nota: niveles A1 (si empiezas de 0) y A2 (si tienes A1)
https://www.aek.eus/eu/?option=com_chronoforms5&chronoform=eskola-ordu-bat
ZU HEMEN ZAUDE, AEK ERE BAI
Ikasturte berriaren aurkezpena egin dugu; izan ere, Uribe Kostako AEK-ko euskaltegi guztietan matrikulazioa zabalik dago. Euskara ikasteko garaia berriz hemen dugu, euskara maila hobetzeko, euskara erabiltzen jarraitzeko.
Euskara ikasi eta landu nahi baduzu, edonon zaudela, bertatik bertara duzu AEK-ko euskaltegi bat, 100 euskaltegi baino gehiago, Euskal Herri osoan. Zu hemen zaude, AEK ere bai.
Beraz, bilatu hurbilen duzun euskaltegia, eta, urtero bezala, euskara praktikoa ikasteko eta lantzeko aukerarik onena eskainiko dizugu, eta lortuko duzu etxeko eta inguruko harremanak euskaraz izatea, lan-egoera hobetzea, bilatzen ari zaren euskara-maila eskuratzea… AEKn, zure eskariari erantzungo dion eskaintza aurkituko duzu: eskolak euskaltegian, autoikaskuntza, online ikastaroak, barnetegiak, mintzapraktika taldeak eta jarduerak, normalizazio-planak, itzulpen-zuzenketa zerbitzua, AIZU! aldizkaria…
Bestalde, amaitu aurretik, azpimarratu nahi dugu erakunde askok (udalek, aldundiek, mankomunitateek..) diru-laguntzak ematen dituztela. Diru-laguntzen gaineko informazio hori, ikastaroena, hizkuntza-agiriena eta abar webgune honetan aurkituko dituzue.
IRAILEAN, EUSKARA ESKOLA BAT DOAN JASO NAHI?
Irailaren 18an, ate irekiak AEKren euskaltegietan. Eskolak A1 (0tik abiatzen bazara) eta A2 (A1 maila edukita) mailetakoak izango dira. Apunta zaitez!
-
-
Euskaragiletu, lan mundua euskalduntzeko programa
Euskararen normalizazioan aurreratuta dauden enpresek osatzen dute Euskaragileak enpresa batzordea. Enpresa horien esperientzia gertutik ezagutzeko eta euskalduntzean urratsak ematen hasteko…
<<<12345>>> -
-
-
AIZU! aldizkaria kalean
AIZU! aldizkariaren ale berria euskaltegian jasoko dute dohainik AEK-ko ikasle guztiek lehen eskola egunean. Harpidedunek ere jasoko dute etxean. Ohi bezala, askotariko gaiak jorratu dituzte: Maite…
<<<12345>>> -
-
-
PRAKTIKATU, parte hartzaileen inkestaren emaitzak
Ikasturte amaierarekin batera, AEKren PRAKTIKATU zerbitzuak inkesta egin du mintzapraktika egitasmoen parte hartzaileen artean: berbalagun, mintzalagun, mintzakide… Emaitzen artean, honako puntu…
<<<12345>>> -
-
-
Euskaratu, itzulpengintza eta zuzenketa zerbitzua
AEKren baitako zerbitzuetako bat da eta, duela hainbat hamarkadetatik, lan hauetan dihardu: itzulpen idatziak (gaztelania-euskera/ euskera-gaztelania) eta euskarazko testuen zuzenketa.
<<<12345>>> -
Iraileko trinkoak bihartik aurrera martxan
Iraileko trinkoekin Uribe Kostako AEK-k 17/18 ikasturteari bukaera emango dio. Ikastaroak irailaren 5etik 28ra luzatuko dira eta goizez egongo dira A2, B2 eta C1 mailetan arituko diren ikasleak.
Irailean zure euskara hobetu nahi baduzu oraindik garaiz zaude, hurbildu eta izena eman.
Euskalduntze barnetegiak: udan euskara ikasteko modurik politena!
Udan, euskara ikasleengan zerbait ezberdin, opor usainekoa, egiteko gogoa nagusitzen denez, barnetegi mota ezberdinak antolatu ditu AEK-k Ipar zein Hego Euskal Herrian: familientzako barnetegia, ibiltariak…
Duda barik, euskalduntze barnetegiak udan euskara ikasteko eta hobetzeko modurik politena eskaintzen dute. Barnetegietan denetarako astia dago: eskolarako (egunean 6/7 orduko eskolak ematen dira), txangoetarako, ekintzetarako, lagun berriak egiteko eta, azken batean, egun osoan euskaraz bizitzeko.
Barnetegiak herri euskaldunetan egingo dira; Arantzan (Nafarroa) eta Foruan (Bizkaia). Hegoaldeko barnetegien datak hauexek dira:
B1, B2 eta C1 mailak:
Uztailaren 2tik 15era, Foruan
Uztailaren 16tik 29ra, Arantzan
Uztailaren 30etik abuztuaren 12ra, Arantzan
Abuztuaren 13tik 26ra, Arantzan
Irailaren 3tik 16ra, Foruan.
A2 maila:
Uztailaren 16tik 29ra, Arantzan
Izena emateko epea: barnetegia hasi baino 11 egun lehenago.
Prezioa: 505 euro
Ipar Euskal Herrian, Urepelen egingo dira euskalduntze barnetegiak eta maila guztiak eskainiko dira. Aukera bi daude: 12 eguneko barnetegia edo 24koa.
Euskalduntze barnetegia, 12 egun. Uztailaren 16tik 27ra eta uztailaren 30etik abuztuaren 10era. Prezioa: 635€ / langabetuentzat: 545 €
Euskalduntze barnetegia, 24 egun. Uztailaren 16tik abuztuaren 10era. Prezioa: 1.197€ / langabetuentzat: 1035 €
Eta euskalkiren bat ezagutu nahi izatekotan, xiberera ikastaroa dago aukeran, maila guztietako ikasleei zuzendua. Uztailaren 30etik abuztuaren 4ra eskainiko da, Mendikotan (335 € -langabetuentzat 290 €)
Izena emateko epea: barnetegia hasi baino 11 egun lehenago.
Informazio gehiago eskuratzeko edota izena emateko:
– 946 464 000 edo 673 200 100 telefono zenbakietara deituta.
– AEK edozein euskaltegira jota
– udabarnetegiak@aek.eus helbidera idatzita.
Udako eskaintza osorik HEMEN
DESKONTUAK (Hegoaldean)
AEK-ko ikasleei %5 (ikasturtean 119 ordutik gorako ikastaroa egin badute)
2 barnetegi egiteagatik, %103 barnetegi egiteagatik, %15
3 seme-alabarekin eginez gero, %10 haur guztien matrikularen gainean
Aplikatutako deskontuak orotara ez dira %15 baino gehiago izango.
AEKn UDAKO PLAZER TXIKIAK
Hurrengo ikasturtean euskara ikasteko eskaintza berezia
2018/19 ikasturtean, euskara ikasten jarraitu edo euskara ikasten hasi nahi baduzue, ez itxaron. Orain izena emanez gero hainbat abantaila izango dituzu eta!
Ekainaren 19a baino lehen aurrematrikula egiten dutenek -AEK-ko ikasleek edo ikasle berriek- honako onura hauek izango dituzte:
– %5eko deskontua 18-19 ikasturteko matrikularen prezioan
– Ordainketa malguagoa, epe bat gehituta ohiko ordainketa epeei
– Lehentasuna taldeak eratzeko orduan
Orain matrikulatuz gero, ekarpen hau egin beharko duzue aurrematrikula gisa (lehenengo ordainketa):
– 240 ordutik gorako ikastaroetan: 120 €
– 240 ordu-120 ordu bitarteko ikastaroetan: 100 €
Ikastaroa ez egitea erabakiko bazenu, aurrematrikularen %100 itzuliko zaizue, irailaren 26a baino lehen jakinaraziz gero. Hortik aurrera, matrikula-itzulketen ohiko baldintzak aplikatuko dira.
Izen emateak eta informazioa: AEKren edozein euskaltegitan // 673 200 100 // 946 464 000
Aprobetxatu AEK-ren aurrematrikula eskaintza berezia. Eman izena ekainaren 19a baino lehen; eta ikasi eta landu euskara gure euskaltegietan!
Familia barnetegia: aparteko oporraldia haur eta gurasoentzat!
Familientzako barnetegiak aukera paregabea dira guraso eta seme-alaben artean euskaraz aritzeko ohitura sendotzeko.
Goizean, gurasoak eskolan dauden bitartean, haurrak ere euskaraz aritzen dira jolasean, begiraleen zaintzapean. Arratsaldean, denek batera, ikasitakoa praktikan jartzen dute, irakasle eta begiraleek antolatutako txango, ikastaro eta tailerretan.
Familia barnetegiak Aduna, Forua eta Zugarramurdin egingo dira (B1 mailatik aurrera):
Uztailaren 2tik 13ra, Foruan/Adunan.
Uztailaren 16tik 27ra, Adunan/Foruan.
Uztailaren 30etik 10era, Zugarramurdin/Foruan.
Izena emateko azken eguna: barnetegia hasi baino 16 egun lehenago
Prezioei dagokienez, helduak 480 € eta haurrak 285 € (eskolak, jatorduak eta lotokia barne)
Izena emateko epea: barnetegia hasi baino 11 egun lehenago.
Informazio gehiago eskuratzeko edota izena emateko:
– 946 464 000 edo 673 200 100 telefono zenbakietara deituta.
– AEK edozein euskaltegira jota
– udabarnetegiak@aek. helbidera idatzita.
Udako eskaintza osorik HEMEN
DESKONTUAK (Hegoaldean)
AEK-ko ikasleei %5 (ikasturtean 119 ordutik gorako ikastaroa egin badute)
2 barnetegi egiteagatik, %10
3 barnetegi egiteagatik, %15
3 seme-alabarekin eginez gero, %10 haur guztien matrikularen gainean
Aplikatutako deskontuak orotara ez dira %15 baino gehiago izango.
Euskaraz bizitzeko (edo bizitzen hasteko) guraso eta haurrentzako oporraldi bikaina! AEKn, UDAKO PLAZER TXIKIAK.
