Mar
'Enpatikonomia' jardunaldia hilaren 25ean
Oarsoaldea Garapen Agentziarekin elkarlanean, AEKren hizkuntza aholkularitza AHIZEk ENPATIKONOMIA jardunaldia antolatu du hilaren 25erako. Bertaratzerik ez baduzu, zuzenean jarrai dezakezu lotura honetan: https://www.youtube.com/watch?v=SFCN335l_mY
Mar
Martxoaren 10etik 30era, "Oinak lurrean" Nafar hegoaldeko uzta eskutik eskura
Udaberri bezperetan Errigoraren eskutik eskura kanpaina izanen dugu laster. Etxeko despentsa betetzeko aitzakia ezin hobea hau, urte guztirako Nafarroako hegoaldeko oliba-olio birjina estrarekin (bidoika) eta kontserba, pasta, arroz eta lekale sortekin (12 unitateka). Auzolanari esker, zure herrian ekoizlearen etxean duen prezio berean.
Eskaerak martxoaren 10etik 30era egin daitezke, Errigoraren webgunearen bidez zein telefonoz (+33) 532 09 35 45 / (+34) 848 87 12 23.
Mar
EUSKARAZ KOOP. S.ren Ohiko Batzar Orokorrerako deialdia
Euskaraz Koop. S.ren Estatutu Sozialetako 31. eta 32. artikuluetan xedatutakoari jarraituz, Artezkaritza Kontseiluak Euskaraz Koop. S.ren Ohiko Batzar Orokorrerako deialdia egin du.
DEIALDIA
Eguna 2022eko martxoaren 26a
Tokia: AGURAINgo HARRESI Aretoa
Ordua: Lehen deialdia 9:30ean.
Bigarren deialdia: 10:00etan
GAI ZERRENDA
Lehena.- Akta onartzeko bi bazkide eta batzarreko idazkaria izendatzea.
Bigarrena.- 2020-2021 ekitaldiko Kudeaketa, Urteko Kontuak eta Kudeaketa-txostena aztertzea, eta, hala balegokio, onartzea.
Hirugarrena.- 2020-2021 ekitaldiko emaitzak banatzea.
Laugarrena.- 2021-2022 ekitaldirako aurrekontu ekonomikoa aurkeztea.
Bosgarrena.- Datozen urteetarako inbertsio plana.
Seigarrena.- AEKideen zereginekin lotutako zenbait proposamen (eskola prestaketa bereziak, irakasleen bestelako zereginak, C2 agiria).
Zazpigarrena.- Barne-araubideko erreglamenduaren berrikusketa.
Zortzigarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak burutzeko.
Bederatzigarrena.- Galde-eskeak.
OHARRA: Bazkideei jakinarazten zaie, Euskadiko kooperatiben legearen 24.4 eta 78.1c artikuluetan zedarritutakoarekin bat etorriz, bazkide guztiek dutela eskura kooperatibaren egoitza sozialean eta barne sarean kooperatibaren dokumentazio ekonomikoa eta Barne-araubideko erreglamenduaren berrikusketa, batzarrean landuko den gainerako dokumentazioarekin batera
Lehendakaria
Aitziber Balantzategi Ibargoitia.
Bilbon, 2022ko martxoaren 8a
Mar
Martxoak 8
Garai zail hauetan, bai euskararen bai emakumeon* egoera zeharo okertu da. Izan ere, azken urteetan emandako aurrerapausoek atzera egin dute arrapaladan; besteak beste, lan prekarietatea, zaintza, indarkeria eta zaurgarritasuna areagotu egin dira. Ondorioz, bizkarrean daramagun motxila leporaino bete zaigu, eta gero eta gehiago kostatzen zaigu hustea.
Oztopoak oztopo, lanean dihardugu emakume* askok eta askok (bai soldatapean, bai bestela ere), eta helduen euskalduntzean, esaterako, kide eta irakasle gehienak emakumeak* gara: gurean, %63,9, hain zuzen ere. Hori dela eta, ez dugu itxura bakarrik izan nahi, erakundean bertan parte hartu nahi dugu eta ez bakarrik argazkietan, modu aktibo eta eraginkorrean baizik. Horrelakoak baikara!
Arrazoi horiek guztiak aintzat hartuz, eta Emakume Langilearen Nazioarteko egunaren harira, garrantzitsua iruditzen zaigu egiten dugun lana erakustea eta gure jarduna nahiz presentzia ikusaraztea. Horregatik, hor gaudelako eta ehuneko handia garelako, martxoaren 8an emakume* guztion argazkiak zabaldu nahi ditugu, geure indarrak batzeko, eta ikus gaitzaten.
AEK
Mar
Martxoko AIZU! kalean!
Ots
MUNDU BERRI BAT GUZTIONTZAT-2, BIZIPOZAren eskutik.
Asko dira BIZIPOZA egitasmoaren bazkideak. Horietako bat, AEK. Urtarrilaren 29an, BIZIPOZAK aurkeztuko proiektu berria aurkeztu zuen: MUNDU BERRI BAT GUZTIONTZAT (2), kantu eta bideoklipen egitasmoa. BIZIPOZA elkartea osatzen duten 12 elkarterekin ekoiztutako lana da, euskal sortzaileekin elkarlanean sortua: Euskal Herriko 12 idazle eta bertsolari, eta 10 abeslari eta 4 musika talde.
Informazio gehiago hemen.
Urt
Deskargatu Damolat ikas-unitatea!
Hiriguneko gazteek euskararen eta euskarazko kulturaren inguruan duten pertzepzioa ikertu du Naroa Jauregizuria Ahize-AEK-ko aholkulariak, eta #Damolat proiektua abiatu. Ikastolen Elkarteak unitate didaktikoa diseinatu du eta Bizkaiko Foru Aldundiaren babes ekonomikoa jaso du.
Ikas unitateak euskarazko kulturaren transmisiorako eta berrartikulaziorako hainbat jarraibide eta ariketa jasoko ditu, oinarri argi batekin: gazteek eurek bilatu ditzaten euskarazko euren erreferenteak.
Deskargatu hemendik.
Urt
Urteko lehen AIZU! kalean!
Ane Pikazari eta Nextor Otañori elkarrizketak; Union Tutera; Ekhilur kooperatiba; 'A Clockwork Orange'-n 50 urteak; 22. Korrikaren abestia... Dagoeneko kioskoetan, eta gaurtik aurrera gure euskaltegietan. Baita aizu.eus webgunean ere.
Abe
Euskararen legearen 35. urteurrena, ekitaldia
Zalantzarik ez dugu lege horrek arrasto handia utzi duela euskaraz bizi nahi duen komunitatearen baitan, baina bai eta jendartean oro har ere. Izan ere, lege horren irakurketa murritzek ekarri zuten, esaterako, euskararen beraren ikusgabetzea; edota gaur egun euskaldunak diskriminatzen dituzten erabakiak.
Hala eta guztiz ere, herri gogo indartsuak behin eta berriz aldarrikatu du justizia, kohesioa eta berdintasuna ardatz izango dituen marko juridikoa behar dela. Aldarrikatu ez ezik, eraiki ere egin du herri gogo indartsu horrek, eta legeak herritarrak diskriminatzen dituen eremuan aurrera eraman izan diren proiektuak dira horren erakusgarri.
Horrela, egungo irakurketa, bai eta etorkizuneko erronkak ere, zuekin partekatu nahi ditu Euskalgintzaren Kontseiluak legearen urteurrenaren bezperan, abenduaren 14an, asteartearekin, Iruñeko Plazara! gunean (Kale Nagusia, 31) arratsaldeko seietan antolatu duen ekitaldian. Izena emateko HEMEN.