23. KORRIKA 23. KORRIKA
Print Friendly, PDF & Email

La iniciativa Hizkuntzak mugarik gabe ha tenido lugar en Irun, hoy, 16 de febrero. AEK ha dado a conocer la declaración denominada Paperezko bizitzak (“Vidas de papel”) en la ciudad en la que tendrá comienzo KORRIKA 23, precisamente en una zona a la que confluyen gran cantidad de ciudadanos/as carentes de documentación legal. Tal y como dice dicha declaración —leída por Aize Otaño, del Consejo Rector de AEK—, “Debe garantizarse el derecho a conocer la lengua vernácula a toda la ciudadanía, y es deber de los poderes públicos asegurar tal derecho, ofreciendo a los/as ciudadanos/as el acceso a tal conocimiento de forma gratuita”. Otaño ha recordado, así mismo, que, año tras año, la cantidad de personas desposeídas de todo tipo de derechos va en aumento: “Por desgracia, esos/as ciudadanos/as se hallan imposibilitados para aprender euskera sin coste alguno, pues, aquí y ahora, el no dosponer de los papeles pertinentes niega incluso su propia existencia. Ante tal situación, nosotros/as deseamos proclamar a los cuatro vientos que absolutamente nadie es ilegal, y que todos los derechos, los mismos derechos, son para todos/as”.

Así pues, AEK hace un llamamiento a las principales administraciones públicas de Euskal Herria para que, en la medida en que son las encargadas de facilitar y garantizar que dichos derechos se respeten, se conviertan en un ejemplo a seguir: “Ya es momento de tomar resoluciones tendentes a establecer la gratuidad en el aprendizaje del euskera para toda la ciudadanía, puesto que quien no existe carece de la posibilidad de pedir aquello que se nos debe a todos/as los/as demás”.

Otaño ha dado fin a la lectura de Paperezko bizitzak de esta manera: “Sin papeles, no somos, no estamos. Pero ese no es un principio válido para quienes componemos la amplia comunidad del euskera. Sin dejar a nadie fuera, adoptemos el compromiso de actuar en todos los ámbitos; herriaz HARRO, herria batuta. HARRO HERRIA (orgullosos/as del pueblo, el pueblo unido. Enorgullécete, pueblo).

De igual manera, la responsable de KORRIKA Ane Elordi ha declarado, en el marco del mismo acto, que para fortalecer la comunidad del euskera resulta “indispensable” acoger “con los brazos abiertos” a las personas que llegan: “Tambíen ellos/as son parte del pueblo del euskera, y es tarea de quienes ya estamos aquí desde antes dotarles de instrumentos a fin de hacer más llevadera su ruta”.

Posteriormente, Alaine Aranburu de Harrera Sarea de Irun ha tomado parte en el evento, realizado en el Museo Oiasso. Tal como ha expresado, “Muchos contenidos de la cultura en euskera están en relación con la frontera y con el racismo, y nos ha parecido que este acto de hoy podía resultar un buen escaparate para esos/as creadores/as y sus soportes”.

Todas esas declaraciones se han producido dentro del evento Hizkuntzak mugarik gabe (Idiomas sin fronteras), organizado por AEK-KORRIKA junto con Harrera Sarea de Irun. Así mismo, los/as asistentes han podido ver el cortometraje Lehen saiakera (El primer intento), además de disfrutar de los versos de Amets Arzallus y de la función de baile de la pareja African Vibes. A continuación, Natalia Berridi, una de las directoras del cortometraje, ha tomado la palabra, para reivindicar un mensaje muy claro: “Las personas que se encuentran en una posición administrativa irregular, estén donde estén, deben tener el derecho de aprender los idiomas propios de esos países, así como de hacer visible su situación”.

Certamen de narraciones Paperezko bizitzak
Dentro del mismo acto, se ha presentado también el concurso de narraciones Paperezko bizitzak, cuyo objetivo es denunciar que en la actualidad todos/as los/as ciudadanos/as no pueden aprender euskera gratuitamente. Así, quienes deseen participar en el concurso deberán elaborar, en euskera, un relato breve sobre las circunstancias de las personas en situación irregular administrativa. Las bases del certamen se pueden consultar en las páginas web de AEK y de KORRIKA, AQUI. La fecha límite para presentar los trabajos será el 25 de marzo, y la entrega de premios tendrá lugar en abril.

Argazkiaren egilea: Gari Garaialde

Print Friendly, PDF & Email

Datorren ostiralean, otsailaren 16an, “Hizkuntzak mugarik gabe” izeneko ekimena egingo da Irungo Oiasso Museoan, iluntzeko 19:00etan, AEK-KORRIKA eta Harrera Elkartearen arteko elkarlanean.

Ekimena 23. KORRIKAren baitan egingo da, bere xedea izanik paperik gabeko pertsonen hizkuntzak ikasteko eskubidea aldarrikatzeaz gain, beren egoerari ere ikusgarritasuna ematea.

Horretarako “Lehen saiakera” film laburra eskainiko zaie bertaratutakoei, eta “Paperezko bizitzak” ipuin lehiaketa ere aurkeztuko da. Halaber, Afro Fusion Family dantza taldeak eta Amets Arzallusek ere ekitaldian parte hartuko dute.

HARRO HERRI!

Print Friendly, PDF & Email

Gorbeialde landa garapeneko elkarteak euskara sustatzeko proiektu berri bat jarri du martxan: Errotik. Arratiako eta Hego Nerbioiko landa eremuan eta turismoan euskararen erabilera sustatzeko helburua du, eta doako zerbitzua emango die lehen sektoreko ekoizleei zein turismoko establezimenduei. Bizkaiko Foru Aldundiak finantzatu duen proiektua irailean jarri zen martxan, eta dagoeneko 11 ekoizle eta establezimenduri ematen die zerbitzua.

Landa eremuan dauden hainbat enpresetan hutsunea dagoela ikusi zuen Gorbeialde elkarteak. Izan ere, Arratia Nerbioi eremu euskalduna da, baina turismoaren eremuko establezimendu askotan zein lehen sektoreko ekoizle askok ez dute maiz euskararen presentzia bermatzen. Horregatik, kasu askotan eskualdeko errealitate linguistikoaren islarik ez da ikusten turismoan zein landa eremuan dauden enpresetan, eta horregatik erabaki du Gorbeialdek hizkuntza kudeaketaren eremuan eragiten hastea.

Proiektuaren jatorria lehenagotik dator, ordea. 2022. urtean pilotaje bat abiatu zuen Arratiako arlo sozioekonomikoan euskara sustatzen duen eusGara zerbitzuak Gorbeialde elkartearekin elkarlanean, eta bi hotelekin lan egiten hasi ziren: Zuhaitz Etxeak eta Etxegana spa & hotel. Hainbat lan egin ziren orduko hartan: bezeroei ematen zaizkien eskuorriak itzuli, menuak euskaratu, hizkuntza paisaian eragin, sare sozialetan euskararen presentzia bermatu... Lanketaren balorazio positiboa egin zuten alde guztiek, eta proiektu propioa sortzeko aukera zegoela ikusi zuen Gorbeialdek.

eusGararen eragin eremua industria arloko enpresak dira ordea, eta landa garapenean eragiteko aukera mugatua dauka. Gorbeialdek Bizkaiko Foru Aldundiarengana jo du proiektuaren finantzazioa topatzeko, eta Ahize-AEK hizkuntza aholkularitzarengana zerbitzu teknikoa jasotzeko. Bertako aholkulariak emango die laguntza landa garapeneko eta turismoko establezimenduei. Honako zerbitzu hauek eskainiko dizkie: itzulpenak, hizkuntza aholkularitza, trebakuntza saioak, hizkuntza ohituretan eragiteko laguntza, dirulaguntzeten kudeaketa...

Hauek dira, oraingoz, Errotik proiektuarekin bat egin duten establezimendu zein ekoizleak: Hikei, Areatza hotela, Ubideko Herriko taberna, Etxegorri ostatua, Artiñano etxea, Zeberioko Taberna zaharra, Ermitabarri apartamentuak, Zuhaitz Etxeak, Etxegana hotel & spa, Urduña museoa eta Askibil gaztandegia.

Print Friendly, PDF & Email

Euskaraz Koop. S.ren Estatutu Sozialetako 31. eta 32. artikuluetan xedatutakoari jarraituz, Artezkaritza Kontseiluak Euskaraz Koop. S.ren Ohiko Batzar Orokorrerako deialdia egin du.

DEIALDIA
Eguna 2024ko martxoaren 9a
Tokia:
AGURAINgo HARRESI aretoan
Ordua: Lehen deialdia 9:30ean.
Bigarren deialdia: 10:00etan

GAI ZERRENDA

Lehena.- Akta onartzeko bi bazkide eta batzarreko idazkaria izendatzea.

Bigarrena.- 2022-2023 ekitaldiko Kudeaketa, Urteko Kontuak eta Kudeaketa-txostena aztertzea, eta, hala balegokio, onartzea.

Hirugarrena.- 2022-2023 ekitaldiko emaitzak banatzea.

Laugarrena.- 2023-2024 ekitaldirako aurrekontu ekonomikoa aurkeztea.

Bosgarrena.- DISZIPLINA-ARAUBIDEA: Barne-araubideko erreglamenduaren, estatutuen eta Indarkeria matxistaren kasuen kudeaketarako AEKren barne-protokoloaren berrikusketa.

Seigarrena.- Gure egunerokoarekin lotutako zenbait gairen aurkezpena eta eztabaida (Bideragarritasuna, AEK gure etxea, Autoikaskuntzaren azterketa).

Zazpigarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak burutzeko.

Zortzigarrena.- Galde-eskeak.

OHARRA: Bazkideei jakinarazten zaie, Euskadiko kooperatiben legearen 24.4 eta 78.1c artikuluetan zedarritutakoarekin bat etorriz, bazkide guztiek dutela eskura kooperatibaren egoitza sozialean eta barne sarean kooperatibaren dokumentazio ekonomikoa eta Barne-araubideko erreglamenduaren, estatutuen eta Indarkeria matxistaren kasuen kudeaketarako AEKren barne-protokoloaren berrikusketa proposamena, batzarrean landuko den gainerako dokumentazioarekin batera.

Lehendakaria

Aitziber Balantzategi Ibargoitia.
Bilbon, 2024ko otsailaren 3an.

Print Friendly, PDF & Email
Juan Luis Zabalari eta Amaia Aldairi elkarrizketak; Eva Forest Liburutopia; Altsasuko kintoak; Azterketak Euskaraz, Korrikak omendua eta 'Oihaletxea' dokumentaleko protagonista; Stephen King labur-labur... eta beste kontu ugari.
 
Gure ikasleek doan jasoko dute egunotan, hilero bezala, euskaltegian.
Harpidetza egin nahi? http://aizu.eus/harpidetu
On egin!
Print Friendly, PDF & Email
AEK-k REGCONen (Registro y Deposito de Convenios Colectivos, Acuerdos Colectivos de Trabajo y Planes de Igualdad) erregistratu du bere II. Berdintasun Plana. Hurrengo lau ikasturteetan garatuko da, AEKren eguneroko funtzionamenduan ikuspegi feminista txertatzen jarraitzeko asmoz. Duela bost urte diseinatutako lehen planarekin abiatu zen bideari segitu nahi zaio horrela, erakundeko kideen berdintasuna bermatuko duten neurriak hartu eta horiek AEKren eguneroko jardunean ezartzeko.
 
Hortaz, xede hauek, besteak beste, lortu nahi ditu AEK-k II. Berdintasun Planaren bitartez: AEK-ko langile guztiak eguneroko jardueran emakume* eta gizonen arteko aukera eta tratu berdintasunari buruzko kontzeptuak barneratzeko eta transmititzeko gauza izatea; erakundeko langileek lana, familia eta bizitza pertsonala uztartzeko dauden neurriei eutsi eta etorkizunean sor daitezkeenei bide ematea; erakundeko lan hautaketan, promozio arloan eta soldatetan sexu arrazoiengatik diskriminaziorik gertatzen ez dela bermatzea; genero ikuspegia duten lan arriskuen prebentziorako politikak ezartzea, amatasunaz, aitatasunaz eta edoskitzeaz harago...
 
Eta, nola ez, lantokian gerta litezkeen jazarpen sexual eta sexisten kasu eta egoerak aurreikustea, horiek antzeman eta desagerrarazteko.
 
Print Friendly, PDF & Email

Maite Arroitajauregi 'Mursego'-ri eta Julio Sotori elkarrizketak; 'Badon*' opera garaikidea; turistifikazioa Bilboko Alde Zaharrean; agoten kondaira gezurtatzen; Christopher Lee aktorearen bitxikeriak...

Hori eta gehiago, urtarrileko AIZU!n.

Aldizkaria etxean jaso nahi? Bada, egin harpidetza: aizu.eus/harpidetu

AEK-ko ikasleek doan jasoko dute gure euskaltegietan.

Print Friendly, PDF & Email

...
Harro Herri,
eta Harro euskaraz!

Print Friendly, PDF & Email

Aurten arte Bikain ziurtagiria banatzeko ekitaldia izan zena Euskararen erabileraren aitortza ekitaldia bihurtu da. Asteazken honetan egin den hitzorduan bi aitortza sari banatu dira: euskararen kudeaketa saritzen duen Bikain batetik, eta euskararen erabilera sustatzeko lehen pausoak ematen ari diren enpresak aitortzeko Harrobi ziurtagiria bestetik. Eusko Jaurlaritzak banatzen ditu biak, eta Bilboko Euskalduna jauregian egindako ekitaldian 37 entitate publiko zein pribatuk jaso dute saria euskararen erabilera sustatzeko egiten duten lanagatik.

Ahize-AEK hizkuntza aholkularitzako kideak ere Euskararen erabileraren aitortza ekitaldian egon ziren, eta aitortza jaso zuten 37 entitatetik seik eurekin egiten dute hizkuntzen kudeaketa. Harrobi diploma Ahize-AEK-ko aholkulariekin lan egiten duten sei enpresek jaso zuten: Lantegi Batuak, Ondoan, Bruss, Behingoz, Ekolur eta Katea Legaia. Bikain ziurtagiriko oinarrizko maila lortu du, bestalde, aholkularitzarekin lan egiten duen Ludoland-ek.

Print Friendly, PDF & Email

Berriki, 23. KORRIKA aurkeztu dugu; martxoaren 14tik 24ra, errepidean izango gara, tipi-tapa, tipi-tapa, baina KORRIKAren datorren edizioa jada bizirik dago. Izan ere, azarotik martxora, hamaika ekimen izango ditugu abian.

Aurtengo KORRIKAk herri alai eta tinkoa izan nahi du: HARRO HERRI. Aurreko KORRIKAko indar-erakustaldia oso gogoan, euskararen aldeko mugimendua zabaldu nahi dugu: mugi dezagun euskararen herria, harik eta ingurua mugiarazi arte.

HARRO, KONPLEXURIK GABE

Geure buruaz harro egoteko unea ere bada egungo egoera aldakorrean. Bidegurutze honetan, garaia da euskaraz bizi nahi dugula aho batez oihukatzeko. Euskarak aurrera egingo badu, herriaren erabakitasunagatik izango da, eta KORRIKAk aukera bikaina ematen digu herria aktibatzeko, aldarrikapen tinkoa egiteko, erakundeek pauso gehiago egin ditzaten, herriaren gogoari erantzunda. Era berean, KORRIKAk batu egiten gaitu, komunitate baten parte sentiarazten gaitu, ingurua mugitzen du eta euskarara jende gehiago hurbiltzen du.

Euskarak mugitzen du KORRIKA, eta KORRIKAk mugituko du euskal komunitatea.

Harro eta herri: hitz-pare honek Euskal Herri euskaldunaren ideia margotzen du. HARRO gara, bai! Banakotasunetik urrun: taldea, komunitatea, HERRIA garelako. Euskara herri baten hizkuntza da, eta KORRIKAn batasun-sentimendua hauspotu nahi dugu, elkarrekin etorkizunean aitzina egiteko energia kolektiboa, alegia.

Euskarak gauza asko behar ditu, baina, batez ere, aurrera egin nahi duen herria; gaur egun ere, ezinbestekoa da euskararen aldeko kontzientziazioa lantzea. Euskaraz bizi nahi badugu, herri gogo hori ezinbestekoa da —beti izango da—. Halaber, horrek ere laguntzen du komunitatea —herria— sendotzen.

Euskararen normalizaziorako, guztion ahalegina behar dugu. Oldarraldi guztien aurrean mugituko dugu KORRIKA, KORRIKAk euskal komunitatea mugitzen duen moduan!

HARRO, BAINA EZ KONFORME

Herritarren kontzientziazioan eta aktibazioan eragiteak ez du esan nahi ardura norbanakoen bizkar uzten denik, edo aitzakia hori erabili behar denik egiturazko neurririk ez hartzeko. Herritarren ahalegin soila ez da aski euskararen auzia bideratzeko, erakundeek zeregin garrantzitsua dute euskararen normalizazioan, herritarren nahiari bidea eman behar diotelako.

Komunitate horri EUSKARAREN EZAGUTZA UNIBERTSALA zor zaio. Horretarako ari gara lanean AEKn, eta KORRIKAk ere hori aldarrikatzen du: Euskal Herri osoan, herritar guztiok euskaraz eroso bizi ahal izateko eskubidea.

AEK-k 23. KORRIKAn jasoko duen dirua Euskal Herri osoan euskararen normalizazioaren aldeko bere lana egiten jarraitu ahal izateko baliatuko du.

Baina bakarrik ezin dugu, eta hizkuntza-politika eta erreminta ausarten premia dugu. DOAKOAK eta guztiontzat, hezkuntza, transmisio eta helduen alfabetatze eta euskalduntze tinkoak bermatzeko.

Horrela, inori baimenik eskatu gabe, ozenki esan ahal izango dugu: BAGARA ETA IZANGO GARA. Hizkuntzak elkar ulertzeko sortu zirelako, komunitateak eraikitzeko. Erabakia hartua dugu: EUSKARAZ izango gara! HERRIAREN ERABAKITASUNAGATIK izango gara. Harro Herri, eta gora KORRIKA! Gora AEK!

Print Friendly, PDF & Email

Abenduko AIZU! kalean! Pou anaiei eta Sara Zozayari elkarrizketak; 58. Durangoko Azoka; 'Perkainen itzalean' dokumentala; denborapasak; kultur albisteak; komikiak...

Kiosko eta liburu-dendatan eskuragai, baita, abendua izaki, Durango Azokan ere!

Gure ikasleek doan jasoko dute AEKren euskaltegietan egunotan
 
Zuk etxean jaso nahi duzu?
Print Friendly, PDF & Email

AHIZE-AEK-ko hizkuntza aholkulariek Arabako Enpresen Foroa antolatu eta bertan parte hartu dute.

Maialen Begiristain Eskuara egitasmoaren inguruan mintzatu zen. Proiektuaren helburua da 50 langile baino gehiago dituzten Arabako enpresetan euskararen erabilera areagotzea eta hizkuntza berdintasuna bultzatzea. Lanabes programaren barruan sortu den egitasmoa da, Eusko Jaurlaritzak, Arabako Foru Aldundiak eta Gasteizko Udalak bultzatuta.

Informazio gehiago albiste honetan.

Print Friendly, PDF & Email

AEK-KORRIKAko eledunak Patani herrialdeko delegazio batekin bildu dira, esperientziak partekatzeko xedearekin.

Patani herria, administratiboki, Tailandiaren parte da egun. Hizkuntza propioa dute; baina hainbat zailtasun eta errepresioen ondorioz, eta gatazka etniko-erlijioso bortitz bat dela medio, desagertzeko zorian dago. Helduek hitz egiten dute, baina patani hizkuntzak ez du inolako aitortza ofizialik, eta eskoletan ere ez da irakasten. Horrez gain, ez du batuaren parekorik, eta transmisioa oso zaila da.

Hala ere, ahalegin handia egiten ari dira beren hizkuntzari eusteko; eta, besteak beste, hizkuntza gutxitua duten herriekin harremanetan jartzen ari dira. Horregatik bildu nahi izan dute AEK-KORRIKArekin, Euskal Herriak euskararekin duen esperientzia zuzeneko ezagutzeko.

Print Friendly, PDF & Email

Iparraldeko AEK-k negu eta udaberrian ere ikastaldiak antolatu ditu Baionan, Mendikotan eta Garazin.

Hizkuntzarekin lehen harreman bat ukateko, baita ulermena eta mintzamena garatzeko ere aukera ona da ikastaldia. Izan ere, euskara ikasi edo hobetu nahi duten lagunek ingurumen euskaldun batean murgiltzen dira, modu trinkoan.

Hurrengo ikastaldia Baionan izango da, hasiera mailakoentzat (iniziazioa), azaroaren 27tik abenduaren 8ra.
9:00-13:00
200 euro

Informazioa/izen-emateak:Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. // 06 03 20 50 10

Print Friendly, PDF & Email

Kalean da hilabete honetako aldizkaria

Berriako zuzendari Amagoia Mujika Tolaretxipiri* eta Jon Zabalari elkarrizketak; Altxa Burua! ekimena; Seaskaren Baionako Etxepare lizeoa, barnetegi; Sanprubusa, gurpil gaineko kafetegia; Etxepare Euskal Institutua, labur-labur; eta beste hainbat kontu.

*Amagoia Mujikari elkarrizketa egin ziotenean gertatu berria zen Hamasen erasoa. Ondorioz, Palestinako gatazkaz galdetzean eman zien erantzuna osatzeko eskatu digu Berriako zuzendariak, honela: "Elkarrizketa eta egin zenetik gauza asko gertatu dira Gazan, eta argitaratzen den datan erantzun izanez gero, beste erantzun bat emango nuen, Hamasen erasoa txiki-txikia geratu baita egiten ari diren sarraskiaren aurrean. Alegia, 8.000tik gora palestinar hil ditu Israelek, mundu osoko begiraden aurrean eta Mendebaldeko agintarien konplizitatearekin. Herri bat mapatik desagerrarazten ari dira, demokraziaren izenean eta Benjamin Netanyahuren esanetara".

 

Aldizkaria etxean jaso nahi? Bada, egin harpidetza: aizu.eus/harpidetu

AEK-ko ikasleek doan jasoko dute gure euskaltegietan.

Print Friendly, PDF & Email

Helduen Euskalduntze eta Alafabetatzeko sektoreko eragileok hemen elkartu gara Hezkuntza Lege berriak hizkuntza-ereduak mantentzeko arriskuaren aurrean gure irakurketa eta eskaera bateratua egiteko.

Agerraldian Gabriel Arestiko Isa Isazelaia, Maizpide Barnetegiko Laida Begiristain, Juan Mateo Zabala euskaltegiko Nerea Telleria, Bilbo Zaharra euskaltegiko Jon Maguregi eta AEK-ko Lurdes Etxezarreta, Aitzol Gastañazatorre, Galder Lizarralde eta Aize Otaño ordezkariek hartu dute parte; baina Herri Ekimeneko Euskaltegi askok babestu dugu adierazpen hau: ELKARLAN sareko Gabriel Aresti, Bilbo Zaharra eta Joan Mateo Zabala euskaltegiek; BATUZ Euskaltegi Elkarteko Ulibarri, Urrats, Illazki, Hitzez, Legazpi6, Altza-Urumea, Herri Jakintza eta Udaberria euskaltegiek; Gasteizko, Nafarroako eta Errioxako IKA euskaltegiek; Federatu gabeko Leizaur, Jose Antonio Agirre eta Bai&By euskaltegiek; Maizpide Barnetegiak; eta, azkenik, AEK-k.

Desagertu nahi eta ezin. Hizkuntza-eredurik ez

Askotan azpimarratu dugu Helduen Euskalduntze eta Alfabetatzearen sektorea estrategikoa dela herria euskalduntzeko prozesuan. Euskararen normalizazio-prozesuan beharrezkoa da herritar guztiek euskaraz jakitea eta euskara eroso erabili ahal izateko espazioak izatea, eta, jakina, horretan guztian gure sektoreak ezinbesteko ekarpena egiten jarraitzen du.

Bestalde, egia da hainbatek uste izan dutela belaunaldi berriak euskaraz eskolaratzeak berez euskaldunduko zuela herria. Tamalez, denborak garbi erakutsi digu hori ez dela nahikoa; irakaskuntza arautuaren mugak agerikoak dira.

Horiek horrela, orain da unea muga horiek gainditzeko eta jauzi bat emateko: EAEko Hezkuntza Legearen adoste-fasean murgilduta gaude. Behar-beharrezkoa da abian jartzea belaunaldi berriei euskararen ezagutza egokia bermatzeko euskarazko ikas eredu orokortua. Euskararen ezagutzaren unibertsalizazioak hiru hanka ditu: Hezkuntza, Transmisioa, eta Helduen Euskalduntze eta Alfabetatzea. Hiruetako batek kale eginez gero, herren eta nekez iritsiko gara euskararen ezagutzaren unibertsalizazioa erdiestera; iristekotan, jakina.

Zoritxarrez, Hezkuntza Lege berriak bere egin ditzake urte luzez euskararen normalizaziorako muga izan diren tresna atzerakoiak: hizkuntza ereduak, hain zuzen ere. Ereduen sistemak ez du inondik inora ere bermatzen etorkizuneko belaunaldi euskaldun eleaniztunak sortzea eta, are gutxiago, ezarritako euskarazko komunikagaitasun mailak izatea, argi geratu da.

Gainera, zirriborratutako legeak ez du jasotzen jomuga horietara iristeko zein hizkuntza-ereduri jarraituko dion, nahiz eta ardatz euskara izango omen duen. Baina, hizkuntza-ereduari dagokionez, nola interpretatu behar dugu sistema eleaniztuna izatea? Zalantzarik ez dugu hizkuntzaren eremuan hutsune nabarmenak dituela legeak eta, gure ustez, euskara ikas- eta irakas-hizkuntza izango duen ikas eredu orokortu inklusiboak izan behar du oinarria. Finean, Hezkuntza Legeak euskara gehiago behar du, gutxien duenari gehiago eman ahal izateko.

Gure sektorea etorkizunean desagertzeko asmoz sortua izan zen eta, lege-proposamen honek aurrera eginez gero, ez dugu inoiz lortuko.

Herri Ekimeneko Euskaltegiak

Print Friendly, PDF & Email

Ziur Telegram edota Whatsappa erabiltzen duzuela! Bada, AEKren, KORRIKAren eta euskalgintzaren inguruko albisteak jaso nahi badituzu, kanal hauetan topatuko gaituzue:

Whatsapp kanala:
https://whatsapp.com/channel/0029VaCyRBRBlHpeq2ailZ3B
Estekan klik egin, eta kanalean sartutakoan, JARRAITU (goian, eskuinetara). Oharra: whatsapp kanaleen bilatzailean AEK-KORRIKA idatzita, ez zaizue agertuko. Zabaldu lotura, beraz!

Telegram kanala:
Bilatu @AEKeus kanala, edo kanalera zuzenean eramango zaituen estekan klikatu: telegram.me/AEKeus

Batu gure kanaletara!

Print Friendly, PDF & Email
Gaur (urriak 20) agerraldia egin dute Donostian euskalgintzako eta hezkuntza komunitateko eragile garrantzitsuetarikoek, Hezkuntza Lege berriak hizkuntza-ereduak mantentzeko arriskuaren aurrean irakurketa eta eskaera bateratua egiteko. Prentsaurrekoan izan da Aize Otaño Artezkaritza kidea, Euskalgintzaren Kontseilua, HEIZE, Hik Hasi, ELA, LAB, STEILAS, Elkar, Berria eta Euskal Herrian Euskarazeko ordezkariekin batera.

Bertaratu ezin izan diren arren, agerraldiarekin bat egin dute EHIGEk, Euskaltzaleen Topaguneak, Artez-ek eta IKAk.

Eztabaidaren une kritiko honetan, alderdi politikoei eskatu diete iraganeko hizkuntza-ereduak atzera utzi eta Hezkuntza Legea datozen belaunaldiak euskalduntzeko berme eta giltza izan dadila.

Xehetasun guztiak eta adierzpena Kontseiluaren webgunean.
Print Friendly, PDF & Email

AEK-k, Ikastolen Elkarteak, Sortzen-ek eta Agerraldiak Errigorako euskarari puzka kanpaina lehenengoz egin genuenetik, 10 urte joan dira. Ekimen honen bidez, Nafarroako erdialde eta hegoaldeko ekoizleei laguntzeaz gain, jasotako diruaren %25a bertako euskalgintza suspertzeko erabiltzen da.

Aurten kutxa bakarra egongo da aukeran, hasieran bezala. 50 euro balioko du, eta bertan 23 ekoizleren 9 produktu ekologiko eta konbentzional egongo dira nahasian (bost produktu finko: zainzuriak, piperrak, orburuak, gozo bat eta ardoa, eta beste lau gainerako ohiko produktuekin osatuta).

Saskiak eskatzeko epea urriaren 20tik azaroaren 9ra arte izango da, Errigoraren webgunean egin daiteke eskaria. Produktuak AEKren euskaltegietan eta beste hainbat banaketa gunetan jaso ahal izango dira.

Goza ezazu produktu on eta gozoez, eta bide batez, egin zure ekarpena Nafarroako ekoizle eta euskalgintzari.

10 urte bete-bete!

Print Friendly, PDF & Email

Ate-joka dugu azaroaren 4a. Berebiziko garrantzia du AEKideok ere oldarraldiaren aurrean euskararekin bat egiteak, euskaraz bat izateak eta, beraz, sustapen-lanak egiteak nahiz azaroaren 4an Bilbora joateak. Guztion indarra beharko dugu azaroaren 4an oldarraldiari erantzun sendoa emateko.

Euskal Herri osoan AEK erreferente izatea nahi dugu hiztun aktiboak sortzen. Gure xedea da Euskal Herriko biztanle guztiak euskaraz eroso bizitzea, ahalegin berezirik egin gabe; biztanle guztiek euskaraz eroso aritzeko baldintzak izango dituzte eta euskara erabiltzeagatik ez dira deseroso edo baztertuta sentituko.

Gure ikuspegia eta egitekoa horiek izanik, eta kontuan hartuta proiektu estrategikotzat hizkuntza-politikan eragitea dugula, euskararen normalizazioaren kontrako oldarraldiari aurre egitea dagokigu. Argi dago ez direla sententzia isolatuak, baizik eta botere judizialetik hizkuntza-politika aurrerakoiak mugatzeko eta herritarron hizkuntza-eskubideak murrizteko joera gorakor bat, oldarraldi bat.

Azaroaren 4an, AEKideok ere oldarraldiaren aurrean, euskararekin bat, euskaraz bat!

Mezua bidali Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

wrtwrt

¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., como se explica junto a información adicional de protección de datos en nuestra política de privacidad.

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., como se explica junto a información adicional de protección de datos en nuestra política de privacidad.

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Sozietateak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.