Print Friendly, PDF & Email
19
Ira

Gurasoentzako hizkuntza-ekologia dekalogoa: seme-alaben hizkuntza-praktiketan eragiteko neurriak. KUTXA EKOGUNEAren eskutik.

Irailean, AEKn, bai gure webgunean, bai banatzen ditugun oinarrizko hiztegietan (“Familientzat” izeneko bertsioan), KUTXA EKOGUNEAk prestatu duen dekalogoa jarri dugu eskura, Euskal Herriko familiei baliabide berriak emateko. AEKn aspaldidanik dakigu zein garrantzitsua den familia-eremua eta, hori dela eta, hainbat bide urratzen dugu seme-alaben eta gurasoen arteko harremana euskaraz izan dadin. Orain, ikasturte berriaren atarian, matrikulazioan, guraso asko hurbiltzen dira euskara ikastaroetan izena ematera eta, era berean, geuk ere haiengana jotzen dugu, euskara ikastera eta hobetzera animatzeko, familia osoaren parte bihur dadin. KUTXA EKOGUNEArekin elkarlanean abian jarri dugun ekimen honen
bidez, xede hori indartu nahi izan dugu. Eranskinean duzue oinarrizko hiztegia.
Hizkuntza-ekologia dekalogoa, hemen, osorik.
 
Oharra: Opari bat nahi? Hiztegietan aurkituko duzuen galderari zuzen erantzunez gero, sari bat jasotzeko aukera izango duzue.
Print Friendly, PDF & Email
19
Ira

Ikasturte berriarekin batera AIZU! kalean da!

Kalean da iraila-urriko AIZU! eta azalean Juan Martinez de Irujo pilotari ohia. Hainbat dira ikasturte berriaren hasierako ale honek biltzen dituen gaiak, besteak beste, Raul Perez Martinezi egindako elkarrizketa irakurtzeko aukera ematen du, AEBen alde ikusezina ezagutu daiteke eta beste hainbat gai ere landu dira.

Horrez gain, udan Barnetegi Ibiltarian parte hartu dutenen testigantzak ere bildu dira ale honetan, bi astez, euskaraz bizi eta Euskal Herriko mendiez gozatu dutenen esperientzia.

https://ws.sharethis.com/images/2017/email_counter.png");"> 0
Print Friendly, PDF & Email
19
Ira

Lanbide Heziketako praktikak euskaraz

Ahize-AEK-ko aholkulari Mikel Urdangarinek gidatuta, martxoan lantokiko praktikak egitera joango diren D ereduko ikasleek formazio-motibazio saioa izan dute Errenteriako Don Bosco Institutuan. Hurrengo ikasturtean, ikasleek enpresa batean praktikak egingo dituzte eta Urdangarin praktika hauek euskaraz egitearen garrantziaz aritu da. Honetaz gain, euskararen inguruko gako batzuk ere erakutsi ditu.

Oarsoaldea Garapen Agentziaren lehendakari Jose Angel Sanchezek adierazi duenez, formazio-motibazio saio hauek ikasleei eta haien tutoreei zuzenduta daude. Bertan, ikasleen etorkizunean eta enpresaren etorkizunean hizkuntza kudeaketaren garrantzia ikusi ahal izan dute. Eta, aldi berean, enpresetan hizkuntza kudeaketa egokia egiteak zer nolako eragina daukan hizkuntz-komunitatearen biziraupenean. Horrez gain, enpresetako langileen eta ikasle ohien adierazpenak eta esperientziak ere jaso dira.

Hemen bideoa ikusgai.

Print Friendly, PDF & Email
17
Ira

Igogailua fikziozko sailaren ariketa sorta, entzuteko eta ikasteko

Entzuteko eta gozatzeko ez ezik, Igogailuak euskara lantzeko ere balio izango du. Izan ere, Igogailuaren bost kapituluak ardatz, ariketa sorta prestatu eta sareratu dugu AEKn. Kapitulu bakoitzarekin lotuta, zenbait lanketa topatuko ditu erabiltzaileak: bai podcasta entzun aurretik bai entzun ostean egin beharrekoak. Guztiak edonork libreki egiteko moduan, hau da, erregistratu beharrik gabe. Zehazki, helbide honetan daude: Sartu Igogailuaren atalean.

Print Friendly, PDF & Email

Euskaraz praktikatu nahi?

Dagoeneko, zabalik dago izena emateko epea mintzapraktika programetan. Aurten ere, AEKren Praktikatu zerbitzutik hainbat aukera eskaini nahi dizkizugu: astean behin mintzataldean elkartu eta lasai hitz egin; gurasolagun egitasmoan tailerrak eta asteburu pasak egin familian; Kirola eta Natura programaren bidez Euskal Herriko naturguneak ezagutu; mintzodromoetan parte hartu; eta gure bestelako eskaintzez gozatu: tailerra, hitzaldi, kantulagun, irakurzale klubak... Beraz, gure eskaintza gustuko baduzu, aski duzu zeure inguruko euskaltegi, euskara-elkarte edo euskara-zerbitzuetara jotzea, edota izena emateko fitxa hau betetzea.

Print Friendly, PDF & Email
07
Uzt

Arabako Foru Aldundiaren euskara ikasteko laguntzak

Arabako Foru Aldundiak 75 eta 240 € arteko laguntzak eskaintzen ditu euskaltegietan matrikulatuz gero

Arabako euskaltegiekin izandako lankidetzarekin, 18tik gorako arabarren euskalduntzea bultzatzeko deialdia zabaldu da lurraldean, A1, A2, B1 eta B2 mailetan 2018-2019 ikasturtean matrikulatuz gero.

Matrikulazio prezioan doiketa izango du:

  • 75 eurokoa: baldin eta 248tik 400 ordu bitarteko modulua egiten badu,
  • 120 eurokoa: 401 eta 600 ordu bitartean, eta
  • 240 eurokoa: ikastaroa 601 ordutik gorakoa bada.
  • Laguntza jasotzeko eskaera orria euskaltegietan edo www.araba.eus  zein www.euskaraba.eus  webguneetatik deskargatu ahal izango da. Eskaera egiteko epea irekita izango da 2018ko irailaren 28ra arte.
Print Friendly, PDF & Email
03
Uzt

Mertxe Mugikak koordinatzaile nagusia izateari utziko dio urrian

13 urteko ibilbide oparoa egin du AEKren koordinazio nagusian, eta, hemendik aurrera, beste zeregin batzuetan ariko da AEKren barruan. Nafarroako AEK-ko koordinatzaileak ordeztuko du Mertxe Mugika, aurtengo Batzar Nagusiak oniritzia eman ondoren. Irailaren 3an, Gasteizen, biek hartuko dute parte 2019-2020 ikasturteko aurkezpen-agerraldian,eta, adierazi bezala, urriaren 1etik aurrera, Alizia Iribarren hasiko da AEKren koordinazio nagusian.

Mertxe Mugikak “asko sinesten dut elkarlanean, uste osoa daukat indarrak batu behar direla, bakoitza bere kabuz ibilita, bidea askoz ere luzeagoa eta neketsuagoa izango litzatekeelako” adierazi du. Horrez gain, AEK eta normalizazio prozesua oso egoera interesgarrian ikusten dituela esan du, ikasleen gorakada izaten ari da azken urteotan: herritar gehiagok jo du euskaltegietara, eta euskara praktikatzeko egitasmoetan ere, antzekoa da egoera. Baita normalizazio-egitasmoetan edota aktibazio-ekimenetan ere.

Print Friendly, PDF & Email
17
Eka

Gozatu AEKren eskutik BERRI TXARRAK taldeak Kobetamendin emango duen kontzertuaz!

AEKren eskutik gozatu BERRI TXARRAK taldeak uztailaren 14an, Bilbon, Kobetamendin emango duen kontzertuaz!


- 2018/2019 ikasturtean, AEK-ko ikaslea izan bazara,
- 2019/2020 ikasturterako aurrematrikula* egiten baduzu,
- UDAko barnetegietan izena emanez gero,


% 20ko beherapena izango duzu sarreran: 35euro 28 euro
Parte hartu nahi baduzu, eman izena www.aek.eus webguneko formularioan. Azken eguna:
ekainaren 28a.

Ikusi egitaraua, Lekunberriko taldeak emango duen ezohiko kontzertuaz gain, euskarazko kultur egitarau zabala ere egongo baita.
Harrapatu aukera!


*2019/20 ikasturterako eskaintza berezia ekainaren 21ean amaituko da.

Print Friendly, PDF & Email

Praktikatu zerbitzuaren erabiltzaileak, pozik

AEKren Praktikatu zerbitzuak inkesta egin du bukatzear den ikasturtean mintzapraktika egitasmoetan parte hartu duten kideen artean, eta nabarmentzekoa da % 89,1ek oso ondo edo bikain baloratu duela egitasmoa. Parte-hartzaileen % 70,6 bidelariak izan dira (batez ere euskara praktikatzeko helburuz ibili diren euskara ikasleak edo ikasle ohiak); bidelagunek, berriz, bi arrazoi nagusi aipatu dituzte proiektuan parte hartzeko: euskaraz hitz egiteko espazio berriak topatzea eta praktikatu nahi duenari laguntzea. Parte-hartzaileen % 42k dio askoz gehiagotan egiten duela euskaraz egitasmoan dabilenetik; % 41,6k, berriz, gehiagotan egiten duela. 
 
Print Friendly, PDF & Email
04
Eka

Ekaineko AIZU! kalean!

Ekaineko AIZU! iritsi zaigu! Askotariko gaiak oraingoan ere, eta tartean Gabriela Uriarte eta Iker Murillori elkarrizketak; boccia kirola; Pez Limbo antzerki taldea; udan euskara ikasteko aukerak; Bakersfieldeko euskaldunak... www.aizu.eus
Horrez gain, Arteako Herriko Bentako proiektua ere ezagutzeko aukera ematen du, bertan bizi diren errefuxiatuen testigantzak eta euskararekin duten harremanari buruz jakin nahi baduzu, segi bizkor kioskora eta eskuratu aldizkaria!
Hainbat eduki eguraldi ona lagun irakurketaldi goxo bat burutzeko!

Print Friendly, PDF & Email
24
Mai

Euskara erakaslea izan nahi ? Gau eskolak zabalik dituzu Iparraldean !

Euskara erakaslea izan nahi ?

Bada, Iparraldeko AEKn ateak zabalik dauzkazu, GAU ESKOLAK ZABALIK aurtengo kanpainan!

Saioak ekainaren 3tik 7ra izango dira, Baionan, Biarritzen, Donibane-Ziburun, Garazi-Baigorrin, Itsasun eta Ustaritzen. (Klika egin HEMEN aukera guztien zehaztapenak irakurtzeko).

Erakasle gaiei, ongi etorri !

Oraino dudakor ?
BIDEO HAU begiratu dezakezu...
Zu ere, zatoz gurekin !

 

Print Friendly, PDF & Email

Kirola eta Natura: ekaineko irteerak

PRAKTIKATUko lagunek prest dituzte KIROLA ETA NATURA egitasmoko ekaineko ekintzak.

Hauexek dira:

  • Ekainaren 09an URKIOLATIK IPIZTERA IBILBIDE ZIRKULARRA (14km). Tartean, Santa Kruz apaiza-gerrileroren ezkutalekua bisitatuko dugu. Izena emateko azken eguna: ekainak 6.
  • Ekianaren 23an ITXINATIK ZEHARKALDIA. Atxular begitik sartu, Supelegor kobazuloa bisitatu eta Kargalekutik aterako gara. Izena emateko azken eguna: ekainak 20.
Print Friendly, PDF & Email

Urduñan, "Gure hizkuntza, gure elikadura, gure mundua" III. topaketa

 Ekainaren 1ean, Urduñako merkatuan, GURE HIZKUNTZA, GURE ELIKADURA, GURE MUNDUA topaketaren hirugarren edizioa antolatu dugu VSF-Bidezko Elikadura elkarteak eta AEKren Praktikatu zerbitzuak, Urduñako udalaren laguntzarekin.

Print Friendly, PDF & Email

Udako berbalagun / mintzalagunak: udan ere, praktikatu eta bizi!

Zabalik da dago udako mintzatalde eta berbataldeetan apuntatzeko epea.

Uda honetan euskara praktikatu nahi duzu, giro lasai eta lagunkoian? Hementxe duzu aukera bat: udako berbalagun eta mintzalagun taldeak.

Zerbait hartzeko, paseoak emateko, jardueratan parte hartu eta txangoak egiteko...

Ikasturtea amaitzearekin batera, talde batzuk desagertu egiten dira; beste batzuk, aldiz, partaide berriak hartu eta birsortu egiten dira. Horietakoren batean parte hartu nahi baduzu, zure herriko euskaltegian izena eman edo bete FITXA HAU.

...eta ez ahaztu, hau guztia DOHAINIK dela!

Izena emateko azken eguna: ekainaren 14a.

Print Friendly, PDF & Email
06
Mai

Maiatzean, eguzkia zeruan eta AIZU! berria kalean

Egun ederra, maiatzeko AIZU! kioskora heldu zaigun astelehen hau!

Iñaki Sotori eta Paula Estevezi elkarrizketak, Andetxako “Bizitzarako margoak”, Artsakh errepublikara bidaia, Ama Esnearen Euskal Bankua, 21. KORRIKA argazkitan...

Bestalde, hil honetako aleak ere badakar erreportaje berezi bat: migratzaileen harreraren alde eta arrazismoaren eta xenofobiaren kontra, Ongi Etorri Errefuxiatuak plataformak antolatutako “M5 Herrien arteko besarkada” ekimenaren ingurukoa.

Laster, AEKren euskaltegi guztietan eta kioskoetan. Eskura ezazue!

Print Friendly, PDF & Email
01
Api

Klika! Gure erritmora, hemen da apirileko AIZU!

Kalean da apirileko AIZU! aldizkaria, prest KORRIKArako!

21. #KORRIKA atarian, Mad Muasel eta La Furia azalean; Ramon Olasagastiri elkarrizketa; Zorokiain, bertan behera utzitako herria berpizten; Minerva, gaurko aldizkaria antzinako inpentan; KORRIKAren hasiera eta amaiera egunak; bestelako liburutegiak...

Aizu!, egin #Klika! Zure / gure erritmora!

Print Friendly, PDF & Email
18
Abe

EUSKARA IKASTAROAK: 2018/2019 ikasturtea

Milaka lagun hasi dira Euskal Herri osoko AEKren euskaltegietan euskara ikasten. Horietariko batzuk lehen aldiz euskararekin kontaktuan, beste asko euskaraz komunikatzeko gaitasuna hobetzen, mintzapraktika taldeetan parte hartzen, C2 (4.maila) prestatzen...

Batzuk hizkuntza eskakizunak prestatzen hasi dira. Guraso talde asko ere martxan daude; etxean, familia giroan, euskaraz komunikatzen hasteko/jarraitzeko asmoarekin. Ongi etorri guztioi!

Print Friendly, PDF & Email
26
Aza

Primeran! B1 -EUSKALDUNTZEAREN B1 MAILA LANTZEKO METODOA

HABEk eta AEK-k Primeran B1 material didaktikoa plazaratu dute. Elementu hauek osatzen dute:

  • Ikaslearen liburua. Ikasleak ikasgelan burutu beharko dituen jarduera nagusiak egiteko materiala.
  • Ikaslearen lan-koadernoa. Ikasgelan burutzeko jarduera osagarrien zerrenda eta materialak.
  • Irakaslearen liburua. Irakaslearen gida.
  • Ikus-entzunezkoen DVDa.
  • Lan koaderno digitala. Klaseko programazioaren online osagarria

ELKAR liburu-dendetan salgai.

Galdetegi honen bidez, materialaren inguruko edozein zalantza argituko dizu AEKren Didaktika zerbitzuak.

Bidali galdera, iradokizuna,...

Print Friendly, PDF & Email
22
Aza

Amurrioko enpresa bitan euskararen normalizazio plana garatuko du Ahizek

Amurrioko Udalak eta bertako INDUSTRIA AUXILIAR ALAVESA SAU (Mubea-Inauxa) eta Amufer enpresek euskararen erabileraren normalizaziorako hitzarmena sinatu dute Ahize-AEKrekin. Proiektua bost hilabetez luzatuko da.

Print Friendly, PDF & Email
20
Aza

Eibarreko ikastetxeetako eusLiderrak esperientzia eta kitto! aldizkarian

Ahize-AEK hizkuntza aholkularitzak urteak daramatza  EusLiderrak tailerrak eskaintzen.

Print Friendly, PDF & Email
03
Urr

OSASUNA eta AEK elkar hartuta, hizkuntza-kudeaketaren mesedetan

C.A. Osasunak eta AEK-k hitzarmena sinatu dute futbol taldearen hizkuntzaren kudeaketa hobetzeko plana diseinatzeko eta ezartzeko. Lan ildo hauek garatzen hasi dira: sentsibilizazio-jarduerak, euskara-eskolak eta itzulpen-plana, besteak beste.

C.A. Osasunaren estatutu sozialen bosgarren artikuluak dio gaztelania eta euskara direla klubaren berezko hizkuntzak, eta, ondorioz, biak erabiliko direla normaltasunez jarduera guztietan. Bada, xede hori bat dator AEKren misioarekin: herritarrek eta eragileek, egunerokoan, euskara normaltasunez erabiltzea.

Agerraldian, Osasuna taldeko presidente Luis Sabalza eta AEKren koordinatzaile nagusi Mertxe Mugikak hartu dute parte, El Sadarren.

Print Friendly, PDF & Email
01
Urr

Laudion euskaraz bizi!

Laudion euskaraz bizitzeko dauden aukerak erakutsi nahian, Ahize-AEK-k merkataritza, ostalaritza eta zerbitzu-enpresetan euskara sustatzeko bideo honen sorreran parte hartu du, Udalarekin elkarlanean.

Print Friendly, PDF & Email
14
Eka

ZOZKETA: zu eta biok euskaraz, ederra

AEK-k 2018/19 ikasturteko matrikula bat zozkatuko du AEK-ko ikasleek proposatzen dituzten lagun guztien artean.

AEK-ko ikaslea zara? Baduzu euskara ikasi nahi duen lagunik? Nahi adina lagun proposa dezakezu, galdetegia beteta.

Ezagutzen duzu AEK-ko ikasleren bat? Esaiozu zure izena proposatzeko eta galdetegia betetzeko.

Jasotzen ditugun izen guztien artean 2018/19 ikasturterako matrikula bat zozkatuko dugu. Era berean, sariduna gonbidatu duen ikasleak % 50eko beherapena izango du ikasturte horretako matrikulan.

Print Friendly, PDF & Email

Kirola eta Natura: orientazioa Zugaztietan

Dakizuen bezala, Kirola eta Naturaren egitasmoaren barruan, 6 txango antolatu ditu Praktikatuk. Lehenengoa Mairuelegorreta kobazulora egin zuten. Bigarrena, Itxinara.

Hurrengo hitzordua, Zugaztietan (Trapagaran) izango dute, apirilaren 21ean. Bertan oinarrizko orientazio-arauen ikastaroa burutuko dute. Izena emateko HEMEN apirilaren 18a baino lehen.

Print Friendly, PDF & Email
02
Ots

Isilpekotasun politika - Lege oharra

ERABILERARI BURUZKO BALDINTZA OROKORRAK ETA DATU PERTSONALAK BABESTEKO POLITIKA

Mesedez, irakurri arretaz erabilerari buruzko baldintzak web-gune hau erabili baino lehen. Web-gune hau erabiliz gero, erabiltzaileak inplizituki baldintza hauek onartzen ditu. Horiekin bat ez bazaude edo zalantzarik baduzu, ez erregistratzea eta web-gunea ez erabiltzea eskatzen dizugu.

1. NOR GARA?

AEK-k ondorengo helbidea du: Txakur Kalea 1, 4.a, 48.005, Bilbo. Web-gune honekin edo bere zerbitzuekin zerikusia duen edozein kontutarako honako telefono zenbaki honetan harremanetan jar zaitezke: 944 159 512. Bestela, honako posta elektroniko honetara jo dezakezu: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.. www.aek.eus domeinua AEKrena da.

Print Friendly, PDF & Email
04
Aza

AEK, "Solaskide" programan partaide

Aurten ere, AEK ahozkotasuna euskaraz lantzeko “Solaskide” programan parte hartzen ari da.

Egitasmoa, Nafarroako Gobernuak sustatua, lurralde osoko ikastetxeetan eskaintzen da, behin eskolek eurek eskaria egindakoan. Xedea da gazteek mintzamena lantzea, eta ikasleak hizkuntza egiaztatzeko agiriak eskuratzeko prestatzea.

AEK-ko irakasleek leku hauetan ematen dituzte saioak: Tutera, Tafalla, Lizarra, Martzilla, Iruñea, Noain, Garralda, Agoitz, Altsasu, Lekaroz, Zizur eta Burlatan, DBH3, DBH4 eta BATX1 zikloetan, A eta D ereduetan.

Urtean, 12 bat saio egiten dira, 50 ikastetxetan baino gehiagotan, eta 1.000 ikaslek baino gehiagok jasotzen dituzte eskolak. Esan bezala, AEK-ko irakasleen helburua da gazteen komunikazio-gaitasunak areagotzea; mintzamena, bereziki.

Print Friendly, PDF & Email
04
Urr

'Galde debalde?' atala Telegramen

AIZU! aldizkariaren Galde debalde? atalaren edukiak asteazkenero argitaratzen dira AEKren Telegram kanalean: telegram.me/AEKeus

Galde debalde? Zalantzak argitzeko, AEK-k txoko hori eskaintzen du hilero AIZU! aldizkariaren 'Ez da hain fazila' erdiko gehigarriaren barruan. Asteazkenero, horko lagin bat ekartzen dugu gure telegram kanalera. Hona hemen, aste honetakoa:

GALDERA: Bikotekideak eta biok beti izaten dugu eztabaida bera erosketa-zerrenda egiteko orduan, neuk beti esaten baitut “okelik gabe gaude”. Berak dioenez, “okelarik gabe” da zuzena. Hala al da? Lagundu, mesedez, zoratzen ari naiz-eta!

Bada, sentitzen dugu, baina borroka hori galduta daukazu! Izan ere, berba okela baita; alegia, -a itsatsia darama. Beraz, deklinatzeko orduan ezin zaionez azkeneko hizki hori kendu, “okelarik gabe” zaudetela esan beharko diozu aurrerantzean. Bestetik, halako zalantzarik edukiz gero, beti daukazue hiztegira jotzea (Hiztegi Batura, esaterako), berbak -a itsatsia daraman egiaztatzeko. Horrela, azkarrago konponduko dituzue zeuen hizkuntz gatazkatxoak! Beste kontu bat da euskalki batzuek (gipuzkerak, bereziki) -a itsatsiak gal­tzeko duten joera bizia (gauz bat, hainbat pertsonen, industri handia...). Hori, baina, dialektologia da.

Mezua bidali Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

wrtwrt

¿Tienes dudas?

Envía tu pregunta y
te respondremos
pronto

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto
Zalantzarik al duzu?

Bidali zure galdera eta laster erantzungo dizugu