Print Friendly, PDF & Email

Praktikatu zerbitzuaren eskutik, Martxan dugu berriro KIROLA eta NATURA programa. 2023ko udaberrian beste hiru txango antolatu ditugu ekimenari jarraipena emateko.

2023KO TXANGOAK

  • MAIATZAK 07 – TXARLAZO (Urduña)
  • MAIATZAK 21 – MEATEGIEN IBILBIDEA (Alonsotegi)
  • EKAINAK 21- ARTIKUTZAKO BASOA (Artikutza)

Txangoetan parte hartzea dohainik bada ere, nahitaezkoa da aurretik izena ematea. Txangoetan izena emateko bete fitxa hau.

 
Print Friendly, PDF & Email

2021eko udaberrian sortu zen LANDUE zerbitzua, eta ordutik gaur arte Durangaldeko enpresetan euskararen presentzia areagotzeko lanean aritu dira Ahize-AEK-ko hizkuntza aholkulariak. Aldaketa ugari txertatu dituzte ordutik: webguneak itzuli dituzte, lantegietako hizkuntza paisaian aldaketak egin, hizkuntza irizpideak ezarri, Lanbide Heziketako ikasleen praktikaldia euskaraz izan dadin oinarriak zehaztu... Azken batean bakoitzaren beharretara egokitutako zerbitzua ematen baitu LANDUEk.

Gaurko ekitaldian 11 enpresa berrik egin dute bat proiektuarekin, eta beraz, dagoeneko 26 dira komunitate honetako kideak. 2023an euskararen presentzia areagotzeko lan egingo dute, LANDUEk eskaintzen dizkien doako zerbitzuekin. Honako enpresa hauek gehitu dira komunitatera: Lasuen, Malda Bike, Urkiola Landa Garapena, Sorland, DEK (Durangaldea Enpresa Ekimena), Hirukobat, Padelko, Ozasan, Garaiko landetxea, Saltsan Katering eta Begilan. .

Horiez gain, 15 enpresa gehiagok osatzen dute LANDUE komunitatea. Honako hauek dira 2022tik proiektuarekin bat egiten duten enpresak: Azterlan, Lantegi Batuak, Bruss, Baque, Gran Hotel, Txirula, Dendak Bai, Durangaleko Enpresarien Elkartea, Asca, Tabira Berezi, Zornotza LH, Iurreta LH, Gure Kide, Bermeosolo eta Maristak.

Sinadura ekitaldia egin dute Durangoko Elkartegian, eta bertan egon dira Miren Dobaran Eusko Jaurlaritzako Hizkuntza Politikako sailburuordea, Xabier Arauzo Bizkaiko Foru Aldundiko Euskara Zuzendari Nagusia eta Mireia Elkoroiribe Durangaldeko Mankomunitatearen presidentea. Esan bezala, Landuerekin bat egin dute 26 enpresak, eta horietatik 20k hartu dute parte sinadura ekitaldian.

Bruss, Tabira Berezi eta Sorland hitzarmenkideek euren esperientziaren berri eman dute ekitaldian, eta euskarak marka sortzerakoan ematen duen balioa nabarmendu dute.

Turismo pilotajearen aurkezpena egin dute, eta Lanbide Heziketan egiten ari diren lanketaren berri eman.

Irakurri prentsa-oharra HEMEN.

Print Friendly, PDF & Email

Asteazkenean, martxoak 22, Bizkaiko euskalgintzaren II. topaketan parte hartu genuen AEK-ko hainbat kidek, Herrialdeko koordinatzaileek, Bilboko ikasguko ordezkariak, AHIZE eta Praktikako zerbitzuetako kideak, Bizkaiko artezkaritzakideak...

Etorkizuneko erronkak identifikatu eta lan-mahaietan bi gai nagusiren inguruan aritu ginen lanean: batetik, gazteak eta aisialdia, eta bestetik, saretzea eta sustapena.

Print Friendly, PDF & Email
Gizarteratzea eta hizkuntza berdintasuna, elkar-EKIN proiekturen barruan antolatutako jardunaldia, Mikel Urdangarin eta Maialen Otegi AHIZE-AEK aholkularien laguntzaz.
Print Friendly, PDF & Email

Egiazko hizkuntza politika eta baliabideak aldarrikatuko dituzte. Frantziak euskarari ezartzen dizkion oztopoez gain, tokiko erakundeak ere kritikatu dituzte. Batetik, Azterketak euskaraz egitearen aldarrikapena ezarri dute lehen lerroan euskalgintzako eragileek. Bestetik, gainerako arloetan dituzten zailtasunak ere aipatu dira; besteak beste, agerraldian bertan, AEK-ko ordezkariek gogora ekarri dute joan den urriko prentsaurrekoan salatutakoa.

Hori dela eta, manifestaldia deitu dute apirilaren 22rako, Baionan.

Hemen duzue Ihintz Oliden, Iparraldeko AEK-ko koordinatzailea,  Hamaika Telebistan

Print Friendly, PDF & Email
Gazte Euskaltzaleen Sareak eta unibertsitateetako euskara taldeek mobilizazioak eginen dituzte Hego Euskal Herriko hiriburuetan, martxoaren 23an. Hezkuntza prozesua %100ean euskaraz egiteko eskubidea bermatzeko neurriak eskatuko dituzte.

Hezkuntza prozesua %100ean euskaraz egiteko ezintasuna argia da. Irakasle euskaldunen falta, euskarazko zerbitzurik eza, euskaratu gabeko material didaktikoa eta beste dira urtez urte ikasleek pairatzen dituzten eskubide urraketak. Ondorioz, euskaldunak «bigarren mailako herritar» moduan hartzen dituzte.

Hori horrela, agerikoa da hezkuntza eredu honek ez duela belaunaldi berriak euskalduntzeko gaitasunik.

AEK-k, eta euskalgintzak oro har, aldarrikapen hauekin bat egiten du eta deia luzatzen dizuegu zuek ere deialdietara bertaratzeko. Hauek dira martxoaren 23ko hitzorduak: Donostian Bulebarrean, Gasteizen Elurretan, Bilbon Jesusen Bihotzean eta Iruñean Antoniuttin. Guztiak eguerdiko 12:00etan dira.
 
Irudian, osteguneko agerraldia. Aize Otaño, Artezkaritza Kontseiluko kidea, izan zen bertan. Euskararen eta euskaldunen aurka azkenaldian epaileak egiten ari diren «oldarraldia» salatu zuten.
Print Friendly, PDF & Email
Escola Valencianako (ordezkariekin bildu gara Andoainen, AEK eta KORRIKA zer diren, nola sortu ziren eta egungo jarduna zertan datzan azaltzeko.
 
Euskalgintzaren Kontseiluaren bitartez etorri dira Euskal Herrira valentziarrak, euskalgintzan aritzen garenokin bizipen eta sinergiak partekatzera.
 
Argazkian, Maria Nebot eta Andreu Carapuig i Fora (Escola Valenciana), eta Aitziber Balantzategi, Ane Elordi eta Tito Serrano (AEK-KORRIKA)
Print Friendly, PDF & Email

Gaur zortzi (martxoak 23) Mintzodromo erraldoia antolatu dute eragile ugarik. Besteak beste, AEK-k parte hartzen du, Iruñerriko AEK-k, alegia. Izen emateko galdetegi HAU bete behar da (martxoaren 17ra arte, adi!).

Bigarren urtez, Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa elkartu dira Iruñerriko bigarren Mintzodromoa antolatzeko. “Iruñeko Autobus Geltoki zaharrean Iruñerriko euskaldunak, ikasleak eta euskaltzaleak elkartu nahi ditugu, hainbat gairen inguruan hitz egiteko. Honen xede nagusia euskara kalera ateratzea da eta euskararen erabileran aurrera pausuak ematea” azaldu dute antolatzaileek.

Aurten Nafarroako euskalgintza eta euskal kulturaren hainbat kidek ere hartuko dute parte eta bukaeran zozketa eginen da.

Print Friendly, PDF & Email

Gune berria eratu da Donostian AEK-ko kide eta B2 mailatik gorako ikasle irakurzaleentzat. Bertan izena ematen dutenek sei liburu irakurri eta lantzeko aukera izango dute, ikasturte osoan. Bakarka irakurri ostean, solasaldi komunak egiten dira.

Orain arte hiru saio egin dituzte, eta honako liburu hauek irakurri dituzte: Aitaren etxea (Karmele Jaio), azaroan; Hariak (Yoseba Peña), urtarrilean; eta Amek ez dute (Katixa Agirre), otsailean.

Orain, esku artean, Uxue Alberdiren Jenis Joplin daukate. Martxoaren 27an elkartuko dira euskaltegian liburuaren inguruan hitz egiteko eta iritziak trukatzeko.

Deklaratzekorik ez (Beñat Sarasola), maiatzaren 22an; eta Muskuiluak afaltzeko (Birgit Vanderbeke), ekainaren 12an landuko dituzte.

Xabier Etxaniz AEK-ko irakasle, idazle eta Irakurle Klubaeko sortzaileetako batek esan bezala, “Irakurle taldean oso giro ona sortu dugu orain arte hiru saioetan, adin guztietako parte hartzaileek -gazteenak 26 urte eta zaharrenak 70 urteren bueltan- literaturarekin gozatzeaz gain, ondo landuta ekartzen dute liburua, apunteak eta guzti!”

Taldea irekia da AEKideentzat (ikasle zein irakasleentzat). Baldintza bakarra liburua aldez aurretik irakurtzea da. Izen-ematea dohainik da, eta Donostiako euskaltegietan egin behar da.

471lib

Print Friendly, PDF & Email

Apirilaren 1ean ospatuko dute Sopelan Esaera Zaharren Txapelketaren 28. edizioa, Asko dezake eskuak, baina gehiago buruak lelopean. Parte hartu nahi dutenek bi, hiru edo lau laguneko taldea osatu, 100 esaera zaharren zerrenda ikasi eta posta helbide honetara idatzi behar dute, martxoaren 27a baino lehen: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko..

Ohi duten moduan, Sopelako udaletxeko plazan 11:00etan elkartuko dira antolatzaileak, parte hartzaileak, bertsolariak eta goiza musikaz alaituko duten lagunak, txapelketa 11:30ean hasteko. Goiza tabernaz taberna emango dute, bertsoak entzun eta horiekin bat datozen esaerak identifikatu ahala taldeek aurrera jarraituko duten ala ez erabakitzen. Ondoren, bazkaria izango dute Artadi garagardotegian, eta bertan jarraituko dute lehian arratsaldean, finalaurrekoak eta finala Erika Lagomaren eta Xabat Galletebeitiaren bertsoak lagun dituztela jokatuz.

Parte hartzaile guztiek oroigarria jasoko dute, eta hainbat sari ere banatuko dira.

Hemen kartela, oinarriak, esaerak eta azalpenak.

Print Friendly, PDF & Email

Bilboko Indautxu AEK euskaltegian, Txotxindau sagardo jaiaren 17. edizioa prestatzen ari dira, noizko eta martxoaren 17rako.

Ekitaldi honetan, sagardoa da protagonista nagusia, baina ez bakarra. Izan ere, bertaratzen direnek izango dute zer egin: afariaren hasieran bost laguneko taldeak osatuta, gau osoan proba edo joko batzuk gainditu beharko dituzte, bai fisikoak bai buruari eragitekoak. 20:15ean hasiko da jaia, eta 20:30ean oihukatuko dute Txotx!

Afaldu bitartean hasiko dira jolasak, eta, talde txapelduna nor den jakin eta dominak eta sariak banatu ostean, jaiak sagardoa amaitu arte jarraituko du. Afariko menua ere ez da nolanahikoa izango: txorizoa sagardotan, odolostea plantxan, piper gorri erreak, piperminak, tortillak (bakailaoarekin zein beste era batzuetakoak), gazta, irasagarra eta intxaurrak. Eta nahi beste sagardo, jakina!

Gonbidapena irekia da, euskaltegi barrukoentzat zein kanpokoentzat. Hori bai, sarrera (15€) martxoaren 13a baino lehen erosi beharko da, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzita edo euskaltegian bertan (Urkixo zumarkalea, 88).

(artxiboko irudia)

Print Friendly, PDF & Email
Martxoko AIZU! kalean! Idurre Eskisabeli eta Julen Portillori elkarrizketak; musika aretoak pandemia ostean; Gomiztegiko artzain eskola; Italo Calvino labur-labur...
 
Liburu-denda eta kioskoetan eskuragai dagoeneko! Eta AEK-ko ikasleek, euskaltegian, doan!
Print Friendly, PDF & Email

Ez ohiko futbol taldea dugu Tuterakoa. AIZU! aldizkarian sakonki jaso genuen moduan, duela bi urte kirol talde herrikoia sortu zen Erriberan. Kirola oinarri hartuta, euskararen normalizazioa bultzatu nahi dute Ebro ibaiaren lurretan, baita genero berdintasuna, sexu aniztasuna, memoria historikoa eta kultur inklusioa ere. Mutilen futbol talde eta nesken areto futbol talde banarekin egin dute salto zelaira.

AEK ere taldearen sustatzaileetako bat izan da hasieratik (AEKren logoa ageri da elastikoetan), eta elkarlan horren barruan, hainbat jokalari euskara ikasten hasi dira. Argazkian dituzue, Tuteran, AEK-ko Arrigarai euskaltegian.

Print Friendly, PDF & Email

AEKn XII. Didaktika Topaketa prestatzen ari gara larunbaterako (otsailak  25). Donostian elkartuko dira irakasleak, mahai inguru batean AEKren aspaldiko euskara eskolez aritzeko: AEKren euskaltegi eta irakasle askok 40 urte baino gehiago daramatzatenez euskara irakasten, beren esperientziak entzun eta partekatuko dituzte. Hala, Topaketa leku egokia izango da AEKren historia didaktikoa errepasatzeko eta irakasle gazteagoei ezagutarazteko.

Mintzodromo batek eta bi hitzaldik osatuko dute Topaketako egitaraua. Batetik, dislexiaz arituko dira, DISLEGI (Gipuzkoako Dislexia Elkartea) kide Arantza Elgezabal Biainekin. Bestetik,  euskalkiak ikastolen hezkuntz proiektuan izango dituzte hizpide,  Inma Muñoarekin (Ikastolen Elkartea)

Artxiboko irudia

Print Friendly, PDF & Email

Euskaraz Koop. S.ren Estatutu Sozialetako 31. eta 32. artikuluetan xedatutakoari jarraituz, Artezkaritza Kontseiluak Euskaraz Koop. S.ren Ohiko Batzar Orokorrerako deialdia egin du.

DEIALDIA

Eguna 2023ko martxoaren 25a
Tokia:
ETXARRI ARANATZeko Kultur Etxeko ARETO NAGUSIan
Ordua: Lehen deialdia 9:30ean.
Bigarren deialdia: 10:00etan

GAI ZERRENDA

Lehena.- Akta onartzeko bi bazkide eta batzarreko idazkaria izendatzea.

Bigarrena.- 2021-2022 ekitaldiko Kudeaketa, Urteko Kontuak eta Kudeaketa-txostena aztertzea, eta, hala balegokio, onartzea.

Hirugarrena.- 2021-2022 ekitaldiko emaitzak banatzea.

Laugarrena.- 2022-2023 ekitaldirako aurrekontu ekonomikoa aurkeztea.

Bosgarrena.- Barne-araubideko erreglamenduaren berrikusketa.

Seigarrena.- Gure egunerokoarekin lotutako zenbait gairen aurkezpena eta eztabaida (23 KORRIKA, Guztion etorkizuna eraikitzen-hausnarketa estrategikoa, AEK gure etxea-egituraren gaineko gogoeta prozesua, Ikasgu eta euskaltegien mapa, paperik gabekoak, ).

Zazpigarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak burutzeko.

Zortzigarrena.- Galde-eskeak.

OHARRA: Bazkideei jakinarazten zaie, Euskadiko kooperatiben legearen 24.4 eta 78.1c artikuluetan zedarritutakoarekin bat etorriz, bazkide guztiek dutela eskura kooperatibaren egoitza sozialean eta barne sarean kooperatibaren dokumentazio ekonomikoa eta Barne-araubideko erreglamenduaren berrikusketa proposamena, batzarrean landuko den gainerako dokumentazioarekin batera.

 

Lehendakaria
Aitziber Balantzategi Ibargoitia

Bilbon, 2023ko otsailaren 17an.

Print Friendly, PDF & Email
Paul Urkijori eta Nerea Arrutiri elkarrizketak; Euskarazko Wikipedia, hazi eta hazi; Mendialdea Radio, Arabako Mendialdeko uhinak; txinatar kontuak gure artean; euskara pantailetan, labur-labur...
 
Segi azkar kiosko, euskaltegi edo liburu-dendara!!!
Print Friendly, PDF & Email

Urtarrileko AIZU! kalean! Uxue Apaolazari eta Mattin Lerissari elkarrizketak; Usansolo, udalerri izateko bidean; Ibon Oregi, aparretan bizitzen; Helsinkira bisita; txotx denboraldia ate joka...

Eta beste hainbat kontu interesgarri urtea ongi hasteko!

Print Friendly, PDF & Email

Hizkuntza bat hitzekin osatzen da, baina ekimenek eraikitzen dute hizkuntza baten komunitatea.

Urte berrian ere lagunduko dizugu hiztun aktiboa izaten.

ZORIONAK ETA URTE BERRI ON!!

 

 

Print Friendly, PDF & Email

Egitasmoa, Nafarroako Gobernuak sustatua, lurralde osoko ikastetxeetan eskaintzen da, behin eskolek eurek eskaria egindakoan. Xedea da gazteek mintzamena lantzea, eta ikasleak hizkuntza egiaztatzeko agiriak eskuratzeko prestatzea.

AEK-ko irakasleek leku hauetan ematen dituzte saioak: Martzilla, Tafalla, Fontellas, Lekaroz, Larraintzar, Agoitz, Garralda, Lizarra, Egues, Iruñea, Berriozar, Burlatan, DBH3, DBH4 eta BATX1 zikloetan, A eta D ereduetan.

Urtean, 16 saio egiten dira, 50 ikastetxetan baino gehiagotan, eta 1.000 ikaslek baino gehiagok jasotzen dituzte eskolak. Esan bezala, AEK-ko irakasleen helburua da gazteen komunikazio-gaitasunak areagotzea; mintzamena, bereziki.

Mezua bidali Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

wrtwrt

ÂżTienes dudas?

EnvĂ­a tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., como se explica junto a información adicional de protección de datos en nuestra política de privacidad.

wrtwrt

Vous avez des doutes?

Envoyez votre question et
nous vous répondrons
bientĂ´t
ÂżTienes dudas?

EnvĂ­a tu pregunta y
te respondremos
pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., como se explica junto a información adicional de protección de datos en nuestra política de privacidad.

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Sozietateak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.